വികസിത ഭാരതം കെട്ടിപ്പടുക്കുന്നത് പങ്കാളിത്ത ഉത്തരവാദിത്വം: രാഷ്ട്രപതി
ന്യൂഡല്ഹി: വികസിത ഭാരതം കെട്ടിപ്പടുക്കുന്നത് പങ്കാളിത്ത ഉത്തരവാദിത്വമാണെന്നു റിപ്പബ്ലിക് ദിന സന്ദേശത്തില് രാഷ്ട്രപതി ദ്രൗപദി മുര്മു. ഇന്ത്യന് സ്ത്രീകള് കൃഷി, ബഹിരാകാശം, കായികം, സൈന്യം തുടങ്ങി രാഷ്ട്രനിര്മാണത്തില് നിര്ണായക പങ്ക് വഹിക്കുന്നത് അഭിമാനമാണെന്ന് അവര് പറഞ്ഞു.
ഇന്ത്യന് വനിതകളുടെ ക്രിക്കറ്റ്, ചെസ്സ് എന്നിവയിലെ വിജയങ്ങളെ കുറിച്ചും രാഷ്ട്രപതി പരാമര്ശിച്ചു. വികസിത ഭാരതത്തിന്റെ കാഴ്ചപ്പാടില് ലിംഗസമത്വത്തെ കേന്ദ്രീകരിച്ച് സ്ത്രീനേതൃത്വത്തിലുള്ള വികസനത്തെ കൂടുതല് ശക്തിപ്പെടുത്തുമെന്നും അവര് കൂട്ടിച്ചേര്ത്തു. പ്രവാസി സമൂഹം ഇന്ത്യയുടെ വേരുകളുമായി ആഴത്തില് ബന്ധം നിലനിര്ത്തുന്നതോടൊപ്പം ഇന്ത്യയുടെ ആഗോളനില ശക്തിപ്പെടുത്തുന്നത് തുടരുന്നു. ഓര്ഗാനിക് കൃഷി പ്രോത്സാഹിപ്പിക്കുക, നവീകരണം, സ്റ്റാര്ട്ടപ്പുകള് എന്നിവ പ്രോത്സാഹിപ്പിക്കുക, സുസ്ഥിര വികസനത്തെ പിന്തുണയ്ക്കുക എന്നിവ ഇന്ത്യയുടെ ഭാവി വളര്ച്ചയുടെ പ്രധാന തൂണുകളാണെന്നും അവര് പറഞ്ഞു. ബങ്കിം ചന്ദ്ര ചാറ്റര്ജി രചിച്ച വന്ദേമാതരം ഇന്ത്യയുടെ ദേശീയഗാനമായി ദ്രൗപദി മുര്മു വിശേഷിപ്പിച്ചു. നീതി, സ്വാതന്ത്ര്യം, സമത്വം, സാഹോദര്യം എന്നിവയുടെ ആദര്ശങ്ങളെ ലോകത്തിലെ ഏറ്റവും വലിയ റിപ്പബ്ലിക്കായ ഇന്ത്യയുടെ ഭരണഘടന ഉള്ക്കൊള്ളുന്നുവെന്നും അതിലെ വ്യവസ്ഥകളിലൂടെ ദേശീയതയ്ക്കും ദേശീയ ഐക്യത്തിനും ശക്തമായ അടിത്തറ നല്കുന്നുവെന്നും രാഷ്ട്രപതി പറഞ്ഞു.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
