മേയര് വി.വി. രാജേഷിന് പ്രധാനമന്ത്രിയുടെ അഭിനന്ദനവര്ഷം
തിരുവനന്തപുരം: മേയര് വി.വി. രാജേഷിനു പ്രധാനമന്ത്രി നരേന്ദ്ര മോദിയുടെ അഭിനന്ദനവര്ഷം. ഇന്നലെ തിരുവനന്തപുരത്ത് ഹ്രസ്വസന്ദര്ശനത്തിന് എത്തിയ മോദി പൊതുസമ്മേളനത്തില് ഉള്പ്പെടെ സംസ്ഥാനത്തെ ബി.ജെ.പിയുടെ ആദ്യ മേയറെ അഭിനന്ദനങ്ങള്കൊണ്ട് മൂടി.
'തിരുവനന്തപുരത്തിന്റെ അഭിമാനം.. എന്റെ പഴയകാല സുഹൃത്ത് വി.വി രാജേഷ്...' മേയറെ പ്രധാനമന്ത്രി വിശേഷിപ്പിച്ചത് ഇങ്ങനെ.
ആരും ജീവിക്കാനാഗ്രഹിക്കുന്ന നഗരമാക്കി 2030 ഓടെ തിരുവനന്തപുരത്തെ മോദിയുടെ നേതൃത്വത്തില് മാറ്റിയെടുക്കുമെന്ന് മേയര് വി.വി. രാജേഷ് പറഞ്ഞു. പ്രധാനമന്ത്രിയുടെ നേതൃത്വത്തില് പതിനൊന്ന് കൊല്ലമായി നടന്നുവരുന്ന വികസനപ്രവര്ത്തനങ്ങളാണ് തിരുവനന്തപുരത്തെ ജനങ്ങളെ സ്വാധീനിച്ചതും ബി.ജെ.പിക്ക് ഉജ്വലവിജയം സമ്മാനിച്ചതും. വെറും 26 ദിവസം പ്രായമായ ഒരു ഭരണസമിതിയാണിത്. ഈ ചുരുങ്ങിയ ദിവസങ്ങള്കൊണ്ട് തിരുവനന്തപുരത്തിന്റെ വികസനത്തിനായി പാര്ട്ടി സംസ്ഥാന അധ്യക്ഷന് രാജീവ് ചന്ദ്രശേഖറിന്റെ നേതൃത്വത്തില് ചര്ച്ചചെയ്ത് തയാറാക്കിയ രൂപരേഖ പ്രധാനമന്ത്രിക്കു സമര്പ്പിക്കുകയാണ്. 2030 ആകുമ്പോഴേക്കും തിരുവനന്തപുരം രാജ്യത്തെ ഏറ്റവും മികച്ച മൂന്ന് പട്ടണങ്ങളില് ഒന്നാക്കി മാറ്റാനുള്ള പദ്ധതികള് ഡല്ഹിയിലെത്തി പ്രധാനമന്ത്രിയുമായി ചര്ച്ചചെയ്യുമെന്നും മേയര് പറഞ്ഞു.
ജി. അരുണ്
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
