മഴ ശമിച്ചു, ഇനി കൊടുംചൂടോ? മുന്നറിയിപ്പുകളുമായി കാലാവസ്ഥ കേന്ദ്രം

സംസ്ഥാനത്ത് മഴ പൂർണമായും പിൻവാങ്ങിയതായി കേന്ദ്ര് കാലാവസ്ഥ വകുപ്പ്. തുലാവർഷം കടന്നുപോയതോടെ ഇനി സംസ്ഥാനത്ത് വരണ്ട കാലാവസ്ഥയ്ക്ക് സാധ്യത. ജനുവരി അവസാനത്തിലേയ്ക്ക് അടുത്തതോടെ ചൂടിൻ്റെ തോത് വർദ്ധിക്കുന്നതായും അനുഭവപ്പെടുന്നുണ്ട്.

മത്സ്യത്തൊഴിലാളി ജാഗ്രത നിർദേശം
കേരള - കർണാടക - ലക്ഷദ്വീപ് തീരങ്ങളിൽ ഇന്ന് (20/01/2026) മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

കഴിഞ്ഞ 2 ദിവസങ്ങളിലായി കേരളം ഉൾപ്പെടെയുള്ള തെക്കുകിഴക്കൻ ഉപദ്വീപീയ ഇന്ത്യയിൽ മഴ ഗണ്യമായി കുറഞ്ഞു. അന്തരീക്ഷത്തിന്റെ താഴ്ന്ന ലെവലിൽ വടക്കേ ഇന്ത്യയിൽ നിന്ന് വരുന്ന വരണ്ട കാറ്റ് പ്രദേശത്ത് പ്രബലമാണ്. ഇതിന്റെ ഫലമായി 2026 ജനുവരി 19 മുതൽ തെക്കുകിഴക്കൻ ഉപദ്വീപീയ ഇന്ത്യയിൽ വടക്കുകിഴക്കൻ മൺസൂൺ മഴ (തുലാവർഷം) അവസാനിച്ചതായി (cessation) കേന്ദ്ര കാലാവസ്ഥ വകുപ്പ് പ്രഖ്യാപിച്ചു.