കശുവണ്ടി വികസന കോര്പ്പറേഷന് അഴിമതി : പ്രതികള്ക്ക് സര്ക്കാര് സംരക്ഷണം; കോടതിയുടെ വിമര്ശനം
കൊച്ചി: കശുവണ്ടി വികസന കോര്പ്പറേഷന് അഴിമതിക്കേസില് പ്രതികളെ പ്രോസിക്യൂട്ട് ചെയ്യുന്നതിന് അനുമതി നിഷേധിച്ച സംസ്ഥാന സര്ക്കാരിന് ഹൈക്കോടതിയുടെ രൂക്ഷവിമര്ശനം. കശുവണ്ടി ഇറക്കുമതി അഴിമതിയില് പ്രതികളായ കോണ്ഗ്രസ് നേതാവ് ആര്.ചന്ദ്രശേഖരന്, കോര്പറേഷന് മുന് എം.ഡി: കെ.എ രതീഷ് എന്നിവരെ പ്രോസിക്യൂട്ട് ചെയ്യാന് അനുമതി വേണമെന്നാണ് സി.ബി.ഐയുടെ ആവശ്യം.
ഇക്കാര്യം നിരാകരിച്ച സര്ക്കാര് നിലപാട് ചോദ്യം ചെയ്താണ് ഹൈക്കോടതിയില് പൊതുപ്രവര്ത്തകനായ മനോജ് കടകമ്പള്ളി ഹര്ജി സമര്പ്പിച്ചത്.
ഈ ഹര്ജി ഇന്നലെ വീണ്ടും പരിഗണിച്ചപ്പോഴാണ് കോടതിയുടെ രൂക്ഷവിമര്ശനം. തെറ്റ് തിരുത്താന് അവസരം നല്കിയിട്ടും പഴയ അവസ്ഥയിലാണ് സര്ക്കാരെന്നാണ് കോടതി വിമര്ശിച്ചത്. സര്ക്കാരിന്റേത് കോടതിയോടുള്ള അനാദരവാണെന്നും കോടതിയലക്ഷ്യമാണെന്നും ഹൈക്കോടതി സിംഗിള് ബെഞ്ച് ഉത്തരവിട്ടു. പ്രോസിക്യൂട്ട് ചെയ്യാനുള്ള അനുമതി നല്കാനുള്ള അധികാരം കോടതിക്ക് ലഭിക്കണമെന്നും ഇതിനായി നിയമഭേദഗതി ഉണ്ടാകണമെന്നും അഴിമതി അവസാനിക്കാനുള്ള പരിഹാരം അതുമാത്രമാണെന്നും കോടതി വ്യക്തമാക്കി. ഹര്ജി ഹൈക്കോടതി വിധി പറയാനായി മാറ്റി.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
