എച്ച്.ഐ.വി. ബാധിതരുടെ എണ്ണമേറുന്നു; കൂടുതലും ചെറുപ്പക്കാര്, രോഗബാധിതരേറെയും 15 വയസിനും 24 നും ഇടയിലുമുള്ളവര്, ജാഗ്രത പുലര്ത്തണമെന്ന് ആരോഗ്യമന്ത്രി
തിരുവനന്തപുരം; സംസ്ഥാനത്ത് എച്ച്.ഐ.വി. ബാധിതരുടെ എണ്ണം ഉയരുന്നു. ചെറുപ്പക്കാര്ക്കിടയിലാണു രോഗം വ്യാപിക്കുന്നതെന്നത് ഏറെ ദൂരവ്യാപക ഫലം ഉണ്ടാക്കുന്നതായി ആരോഗ്യ വകുപ്പിന്റെ മുന്നറിയിപ്പ്.
പുതിയ രോഗബാധിതരേറെയും 15 വയസിനും 24 നും ഇടയിലുമുള്ളവരാണ്. 2022, 2023, 2024 വര്ഷങ്ങളില് യഥാക്രമം 9%, 2%, 14.2% എന്ന തോതിലായിരുന്നു രോഗികളുടെ എണ്ണത്തിലുള്ള വര്ധന. എന്നാല്, 2025 ഏപ്രില് മുതല് ഒകേ്ടാബര് വരെയുള്ള കാലയളവില് തന്നെ ഇത് 15.4 ശതമാനത്തിലേക്ക് എത്തി. ഇവരില് ഏറെയും 15-24 വയസ് വിഭാഗത്തിലുള്ളവരാണ്.
എച്ച്.ഐ.വി. അണുബാധ സാന്ദ്രത താരതമ്യേന കുറഞ്ഞ സംസ്ഥാനമാണ് കേരളം. പ്രായപൂര്ത്തിയായവരിലെ എച്ച്.ഐ.വി. സാന്ദ്രത ഇന്ത്യയില് 0.20 ആണെങ്കില് കേരളത്തില് അത് 0.07 ആണ്. 2022-23 സാമ്പത്തിക വര്ഷം കാലയളവില് പുതിയതായി എച്ച്.ഐ.വി. അണുബാധ കണ്ടെത്തിയത് 1183 വ്യക്തികള്ക്കാണ്.
2023-24-ല് 1263 വ്യക്തികള്ക്കും, 2024-25 ല് 1213 വ്യക്തികള്ക്കും, 2025 ഏപ്രില് മുതല് ഒകേ്ടാബര് വരെ 819 വ്യക്തികള്ക്കുമാണ് പുതുതായി രോഗം സ്ഥിരീകരിച്ചത്. കഴിഞ്ഞ 3 വര്ഷത്തില് ആകെ 4477 പേരാണ് പുതുതായി അണുബാധിതരായത്. ഇവരില് 3393 പുരുഷന്മാരും 1065 സ്ത്രീകളും 19 ട്രാന്സ്ജെന്ഡെര് വ്യക്തികളുമാണ്. 90 ഗര്ഭിണികള്ക്കും രോഗം സ്ഥിരീകരിച്ചു.
എച്ച്.ഐ.വി. വ്യാപനത്തില് അതീവ ജാഗ്രത പുലര്ത്തണമെന്ന് ആരോഗ്യമന്ത്രി വീണാ ജോര്ജ് മുന്നറിയിപ്പ് നല്കി. ചെറുപ്പക്കാര് ചതിക്കുഴിയില്പ്പെട്ട് രോഗികളാകുന്ന സാഹചര്യം ഉണ്ടാകരുത്. യുവജനങ്ങളുടെ ഇടയിലുള്ള പ്രതിരോധ പ്രവര്ത്തനങ്ങള് ഊര്ജിതപ്പെടുത്തണമെന്നും മന്ത്രി പറഞ്ഞു.
ജി. അരുണ്
YOU MAY BE INTERESTED
LATEST NEWS
- പാക്കിസ്ഥാൻ സൂപ്പർ ലീഗ് വിട്ടു, ഇനി ഐപിഎൽ ആവേശം; മുസറബനി കൊൽക്കത്ത നൈറ്റ് റൈഡേഴ്സിൽ
- പിന്നോക്കക്കാരെ മത്സരിപ്പിക്കുന്നത് തോല്ക്കാന് വേണ്ടി ; ജയിക്കുന്ന മണ്ഡലം നല്കുന്നില്ലെന്ന് ശിവഗിരി മഠാധിപതി
- പാലക്കാട് റെയില്വേ പാതയിരട്ടിപ്പിക്കല് ; പ്രധാനമന്ത്രിക്കും റെയില്വേ മന്ത്രിക്കും നന്ദി പറഞ്ഞ് രാജീവ് ചന്ദ്രശേഖര്
- മഞ്ചേശ്വരത്ത് എല്ഡിഎഫ് സ്ഥാനാര്ത്ഥിയെ മാറ്റിയത് യുഡിഎഫിനെ സഹായിക്കാന്
- കൊലക്കേസില് ജാമ്യം നേടി പുറത്തുവന്നു ; ഗുണ്ടാനേതാവ് അലുവ അതുലിനെ വഴിയിലിട്ട് വെട്ടിക്കൊന്നു
