' അശ്ലീല ദൃശ്യങ്ങള്' ; ' ടോക്സിക്' ടീസറിനെതിരെ വനിതാ കമ്മീഷനില് പരാതി
യഷ് പ്രധാന വേഷത്തില് എത്തുന്ന ചിത്രമാണ് ' ടോക്സിക്' . ഗീതു മോഹന്ദാസ് സംവിധാനം ചെയ്യുന്ന ചിത്രത്തിനെതിരെ കര്ണാടകയില് പ്രതിഷേധം ശക്തമാകുന്നു. ഈ സിനിമയിലെ ഉളളടക്കം അങ്ങേയറ്റം അശ്ലീലമാണ് എന്ന് ആരോപിച്ച് ആം ആദ്മി പാര്ട്ടി ( AAP) വനിതാ വിഭാഗം രംഗത്തെത്തി. പാര്ട്ടി പ്രതിനിധികള് കര്ണാടക വനിതാ കമ്മീഷന് ഔദ്യോഗികമായി പരാതി നല്കിയതായാണ് വാര്ത്താ ഏജന്സിയായ പിടിഐയെ ഉദ്ധരിച്ച് വിവിധ ദേശീയ മാധ്യമങ്ങള് റിപ്പോര്ട്ട് ചെയ്തത്.
ആം ആദ്മി പാര്ട്ടിയിലെ കര്ണാടക ഘടകത്തിലെ വനിതാ വിഭാഗം നേതാക്കളാണ് ഈ പരാതിക്ക് പിന്നില്. അവര് കര്ണാടക സംസ്ഥാന വനിതാ കമ്മീഷന് ഉദ്യോഗസ്ഥരെ നേരില് കാണുകയും ഈ വിഷയത്തില് ഉചിതമായ നടപടി സ്വീകരിക്കണമെന്ന് ആവശ്യപ്പെട്ട് പരാതി സമര്പ്പിക്കുകയും ചെയ്തു. ചിത്രത്തിലെ ചില രംഗങ്ങള് അമിതമായ അശ്ലീലത നിറഞ്ഞതാണെന്നാണ് എഎപി ഉന്നയിക്കുന്ന പ്രധാന ആരോപണം. ഈ സിനിമയിലെ ഉളളടക്കം പൊതുസമൂഹത്തിന് അനുയോജ്യമാണോ എന്ന ചോദ്യം ഉന്നയിച്ചുകൊണ്ടാണ് വനിതാ കമ്മീഷന്റെ ഇടപെടല് പാര്ട്ടി ആവശ്യപ്പെട്ടിരിക്കുന്നത്.
' ടോക്സിക്കി' ന്റെ ടീസറിലെ ബോള്ഡ് രംഗങ്ങള് ചൂണ്ടിക്കാട്ടി സംവിധായിക ഗീതു മോഹന്ദാസിനെതിരേ വിമര്ശനങ്ങള് ഉയര്ന്നിരുന്നു. ടീസറിലെ നായകനെ അവതരിപ്പിക്കുന്ന ഭാഗം സ്ത്രീകളെ ഒബ്ജക്ടിഫൈ ചെയ്യുന്നതാണെന്നായിരുന്നു പ്രധാനവിമര്ശനം.
YOU MAY BE INTERESTED
LATEST NEWS
- ‘എന്നെ ചോദ്യം ചെയ്യാത്ത ആളുകൾക്കൊപ്പം ജോലി ചെയ്യുമ്പോഴാണ് കൂടുതൽ സമ്മർദ്ദം തോന്നാറുള്ളത്...’ മോഹന്ലാലിനെയും അക്ഷയ്കുമാറിനെയും കുറിച്ച് പ്രിയദര്ശന്
- ‘4 ദിവസത്തെ ശ്രമത്തിന് ശേഷം എന്റെ ഗ്യാസ് സിലിണ്ടർ ബുക്കിംഗ് രജിസ്റ്റർ ചെയ്തുവെന്ന് തോന്നുന്നു...’ രസകരമായ പെയിന്റിംഗ് പങ്കുവച്ച് സുഹാസിനി മണിരത്നം
- ‘അവസാന നിമിഷം റദ്ദാക്കിയതിന് ക്ഷമ ചോദിക്കുന്നു; ഒഴിവാക്കാനാവാത്ത സാഹചര്യം വന്നതിനാലാണ്...’; ‘ആട് 3’ പ്രൊമോഷൻ മുടങ്ങിയതിന്റെ വിശദീകരണവുമായി വിജയ് ബാബു
- ഫാക്ടറി പോലെ കുട്ടികളെ പെറ്റ് കൂട്ടുന്നു, എന്നിട്ട് സഹായം ചോദിച്ചു വരും; ചര്ച്ചയായി വരലക്ഷ്മിയുടെ വാക്കുകള്
- എംജിആര് പാന്റ്സില് മുളളുമെന്ന പരാമര്ശം; മാപ്പുപറഞ്ഞ് നടന് രാജേന്ദ്രപ്രസാദ്
