നിശാ ക്ലബിലെ തീപിടുത്തത്തിൽ 25 പേർ മരിച്ച സംഭവം; ഉടമകളായ സഹോദരങ്ങൾ തായ്ലന്റിൽ അറസ്റ്റില്
ഗോവയിലെ നിശാ ക്ലബിന് തീപിടിച്ച് 25 പേര് മരിച്ച സംഭവത്തില് ക്ലബ്ബുടമകളുായ സഹോദരങ്ങള് തായ്ലന്റില് പിടിയില്. തീ പിടിച്ച ഉടൻ ഗോവയില് നിന്നും തായ്ലന്റിലേക്ക് കടന്ന ഇവരെ പിടികൂടാന് ഇന്റർപോൾ ബ്ലൂ കോര്ണര് നോട്ടീസ് പുറപെടുവിച്ചിരുന്നു. തായ്ലന്റ് പൊലീസ് അറസ്റ്റ് ചെയ്ത ഇവരെ ഉടന് ഇന്ത്യയിലേക്കയക്കുമെന്നാണ് വിവരം.
ഗോവ പനാജിക്ക് സമീപം ഡിസംബര് 6 അര്ദ്ധരാത്രി 11 മണിയോടെയാണ് അർപോറ ഗ്രാമത്തിലെ നിശാക്ലബിന് തീപിടിക്കുന്നത്. അപകടത്തില് 25 പേര് മരിച്ചു. 6 പേർക്ക് പരിക്കേറ്റു. സംഭവത്തെക്കുറിച്ച് അന്വേഷണം തുടങ്ങിയപ്പോഴാണ് സുരക്ഷാ മാനദണ്ഡങ്ങള് പാലിച്ചിരുന്നില്ല എന്ന് വ്യക്തമായത്. ഇതോടെ ഉടമകളിലൊരാളെയും മാനേജറെയും മറ്റ് നാലു ജിവനക്കാരെയും അറസ്റ്റു ചെയ്തു. ഇവരെ ചോദ്യം ചെയ്തപ്പോഴാണ് പ്രധാന ഉടമകളായ ഗൗരവ് സൗരഭ് ലുത്ര എന്നിവര് തായ്ലന്റിലേക്ക് കടന്നുവെന്ന വിവരം ലഭിക്കുന്നത്. തുടര്ന്ന് നടത്തിയ പരിശോധനയില് അപകടം നടന്ന് ഒന്നര മണിക്കൂറിനുള്ളിൽ ടിക്കറ്റെടുത്ത് തായ്ലന്റിലെ ഫുക്കറ്റിലേക്ക് കടന്നതായി വ്യക്തമായി.
തുടര്ന്ന് ഗോവ പൊലീസ് സിബിഐയുടെ സഹായത്തോടെ ഇന്റർപോളിനെ വിവരം അറിയിച്ച് ബ്ലൂ കോർണർ നോട്ടീസ് പുറപ്പെടുവിച്ചു. ഇതിന്റെ അടിസ്ഥാനത്തിലാണ് തായ്ലന്റ് പൊലീസ് ഇരുവരെയും അറസ്റ്റു ചെയ്തത്. സംഭവത്തില് ഇനിയും പ്രതികളുണ്ടെന്നാണ് ഗോവ പൊലീസ് നൽകുന്ന വിവരം.
YOU MAY BE INTERESTED
LATEST NEWS
- ഇന്ത്യൻ ചരക്കുകപ്പലുകൾക്ക് ഹോർമുസ് കടലിടുക്ക് കടക്കാൻ അനുമതി; ഇന്ത്യയും ഇറാനും ധാരണയിലെത്തിയതായി റിപ്പോർട്ട്
- ''ഈ പാര്ട്ടിയില് നില്ക്കുമ്പോഴാണ് വലിയ പുള്ളി, പോയാല് തീര്ന്നു' ; പ്രതികരിച്ച് എംഎം മണി
- ബിജെപിയുടെ പ്രതികാരം ; വീണാജോര്ജ്ജ് ഉദ്ഘാടനം ചെയ്യാനിരുന്ന കെട്ടിടം ജില്ലാപ്രസിഡന്റ് നിര്വ്വഹിച്ചു
- ജി സുധാകരനോട് സിപിഐഎം കാട്ടിയത് അനീതി ; പിന്തുണ കോണ്ഗ്രസും യുഡിഎഫും ചേര്ന്ന് തീരുമാനിക്കും
- കൊണ്ടോട്ടിയിൽ കാറും ബസും കൂട്ടിയിടിച്ച് മൂന്നു പേർ മരിച്ചു
