രവീന്ദ്ര ജഡേജയുടെ ഇൻസ്റ്റാഗ്രാം പ്രൊഫൈൽ അപ്രത്യക്ഷമായി; നീക്കം ട്രേഡ് വാര്‍ത്തകള്‍ക്ക് ചൂടുപിടിച്ചതിന് പിന്നാലെ

അഹമ്മദാബാദ്: ഇന്‍സ്റ്റഗ്രാം അക്കൗണ്ട് നിഷ്‌ക്രിയമാക്കി രവീന്ദ്ര ജഡേജ. ചെന്നൈ സൂപ്പര്‍ കിംഗ്‌സ് താരമായ ജഡേജയെ രാജസ്ഥാന്‍ റോയല്‍സിന് വിട്ടുകൊടുത്ത് സഞ്ജു സാംസണെ കൊണ്ടുവരുമെന്ന വാര്‍ത്തകള്‍ക്ക് ചൂടുപിടിക്കുമ്പോഴാണ് ജഡേജ അക്കൗണ്ട് ഡീആക്റ്റിവേറ്റ് ചെയ്തത്. ട്രേഡ് വാര്‍ത്തകള്‍ പ്രചരിക്കുമ്പോഴും ഫ്രാഞ്ചൈസികളോ താരങ്ങളോ ഇത് സംബന്ധിച്ച് ഔദ്യോഗികമായി ഒരു വിവരവും പുറത്തുവിട്ടിട്ടില്ല. നവംബര്‍ 15നാണ് നിലനിര്‍ത്തുന്നതും ഒഴിവാക്കുന്നതുമായ താരങ്ങളുടെ ലിസ്റ്റ് കൊടുക്കാനുള്ള അവസാന സമയം. ഇതിനിടെയാണ് ജഡേജ ഇന്‍സ്റ്റഗ്രാമില്‍ നിന്ന് അപ്രത്യക്ഷമായത്.

ഇതിനിടെ ട്രേഡ് സംബന്ധിച്ച് ഇരു ടീമുകളും താരങ്ങളും തമ്മില്‍ ധാരണയായതായി ഇഎസ്പിഎന്‍ ക്രിക്ക് ഇന്‍ഫോ റിപ്പോര്‍ട്ട് ചെയ്തു. സഞ്ജുവിനെ വിട്ടുകിട്ടാന്‍ ജഡേജയ്‌ക്കൊപ്പം സാം കറനേയും ചെന്നൈ സൂപ്പര്‍ കിംഗ്‌സ് വിട്ടുകൊടുത്തുവെന്നാണ് റിപ്പോര്‍ട്ടില്‍ പറയുന്നത്. എന്നാല്‍ ഔദ്യോഗിക സ്ഥിരീകരണത്തി് വേണ്ടി കാത്തിരിക്കുകയാണ് ആരാധകര്‍. കരാര്‍ നടന്നാല്‍, 16 വര്‍ഷത്തിനുശേഷം ജഡേജ റോയല്‍സുമായി വീണ്ടും ഒന്നിക്കും. 2008, 2009 ഉദ്ഘാടന സീസണുകളില്‍ റോയല്‍സിന്റെ ഭാഗമായിരുന്നു ജഡേജ.

എം.എസ്. ധോണിക്ക് ശേഷം സി.എസ്.കെ ജീവിതകാലം മുഴുവൻ ടീമിനെ രൂപപ്പെടുത്താൻ തുടങ്ങിയതോടെ, ബാറ്റിംഗ് യൂണിറ്റിനെ ശക്തിപ്പെടുത്തുന്നതിനും ഭാവിയിലേക്ക് നേതൃത്വം നൽകുന്നതിനുമുള്ള പ്രധാന ലക്ഷ്യമായി സാംസൺ ഉയർന്നുവന്നിട്ടുണ്ട്. എന്നിരുന്നാലും, ചെന്നൈയിലെ ദീർഘകാല ആരാധകരുടെ പ്രിയങ്കരനായ ജഡേജയുടെ വേർപിരിയൽ ആരാധകരിൽ ശക്തമായ വികാരങ്ങൾ ഉണർത്തുമെന്ന് പ്രതീക്ഷിക്കുന്നു.