' ഞാന്‍ പ്രകടിപ്പിക്കുന്ന ഒരഭിപ്രായത്തിനും ആരും എനിക്ക് പ്രതിഫലം നല്‍കിയിട്ടില്ല' ; ആര്യന്‍ ഖാന്റെ വെബ്‌സീരീസിന് റിവ്യൂ എഴുതിയത് പണം വാങ്ങിയാണെന്ന ആരോപണത്തോട് ശശി തരൂര്‍

ആര്യന്‍ ഖാന്‍ സംവിധാനം ചെയ്യുന്ന വെബ്‌സീരിസാണ് ബാഡ്‌സ് ഓഫ് ബോളിവുഡ്. കഴിഞ്ഞ ദിവസം കോണഗ്രസ് നേതാവ് ശശിതരൂര്‍ വെബ്‌സീരിനെ പ്രശംസിച്ച് സോഷ്യല്‍ മീഡിയയില്‍ റിവ്യൂ പങ്കുവെച്ചിരുന്നു.

ആര്യന്‍ ഖാന്‍ സംവിധാനം ചെയ്ത വെബ് സീരിസ് തന്നെ അത്ഭുതപ്പെടുത്തി എന്നായിരുന്നു ശശി തരൂര്‍ എക്‌സില്‍ പോസ്റ്റ് ചെയ്തത്. ശശി തരൂരിന്റെ എുതിയ സൈഡ് ബിസിനസ്- പെയ്ഡ് റിവ്യൂകള്‍ എന്നാണ് ഒരാള്‍ ഇതിന് കമന്റ് ചെയ്തത്. ഇതിന് മറുപടി നല്‍കി രംഗത്തെത്തിയിരിക്കുകയാണ് ഇപ്പോള്‍ ശശി തരൂര്‍.

'' സുഹൃത്തേ, ഞാന്‍ വില്പനയ്ക്കുളളവനല്ല. ഞാന്‍ പ്രകടിപ്പിക്കുന്ന ഒരഭിപ്രായത്തിനും ആരും എനിക്ക് പണമായോ മറ്റെന്തെങ്കിലും രൂപത്തിലോ പ്രതിഫലം നല്‍കിയിട്ടില്ല.'' ആരോപണത്തിന് മറുപടിയായി തരൂര്‍ കുറിച്ചതിങ്ങനെ.

Shashi Tharoor new side business _Paid reviews!! https://t.co/bDE7j4lgSG— тω✺✺ṧℏᾰԻ (@twooshar) href="https://twitter.com/twooshar/status/1982814620202025416?ref_src=twsrc%5Etfw">October 27, 2025

‘‘എനിക്ക് ജലദോഷവും ചുമയും പിടിപെട്ടതിനാല്‍ രണ്ടു ദിവസമായി എന്റെ എല്ലാ എന്‍കേജ്മെന്റും റദ്ദാക്കി വീട്ടിലിരിക്കുകയാണ്. അതുകൊണ്ട് എന്റെ സ്റ്റാഫും സഹോദരി സ്മിത തരൂരും കമ്പ്യൂട്ടറിൽ നിന്നുള്ള എന്റെ ശ്രദ്ധ മാറ്റി നെറ്റ്ഫ്ലിക്സ് ഇന്ത്യ പരമ്പര കാണാന്‍ പ്രേരിപ്പിച്ചു, ഞാൻ ഇതുവരെ കണ്ടിട്ടുള്ളതിൽ വച്ച് ഏറ്റവും മികച്ച കാര്യങ്ങളിൽ ഒന്നെനിക്ക് അതിലൂടെ കാണാന്‍ സാധിച്ചു, ശരിക്കും ഒരു ഒടിടി ഗോള്‍ഡ്...
ആര്യൻ ഖാന്റെ ആദ്യ സംവിധാന സംരംഭമായ ‘ദ ബാഡ്സ് ഓഫ് ബോളിവുഡ്’ കണ്ടുകഴിഞ്ഞതേയുള്ളൂ, പ്രശംസാ വാക്കുകൾക്കായി ഞാൻ ആകാംക്ഷയോടെ പരതുകയാണ്. ഈ സീരീസ് നിങ്ങളിലേക്ക് വളരാൻ സമയമെടുക്കും, പക്ഷേ പിന്നീട് നിങ്ങൾ അപ്രതിരോധ്യമായി അതിൽ ലയിച്ചു പോകും... ഇതിലെ എഴുത്ത് മൂർച്ചയുള്ളതാണ്, ദിശ നിർഭയമാണ്, ഈ ആക്ഷേപഹാസ്യത്തിന്റെ ധീരതയാണ് ബോളിവുഡിന് ആവശ്യമുള്ളത്. ഒരു പ്രതിഭ, പലപ്പോഴും തമാശക്കാരൻ, ചിലപ്പോൾ വികാരഭരിതൻ, എപ്പോഴും അചഞ്ചലമായ ഭാവം, ഗ്ലാമറിനപ്പുറം, എല്ലാ സിനിമാറ്റിക് ക്ലീഷേകളും റേസർ പോലുള്ള ബുദ്ധിയോടെ അവതരിപ്പിക്കുന്നു - പ്രേക്ഷകരെ അഭിനയത്തിലേക്കും തിരശ്ശീലയ്ക്കു പിന്നിലും എത്തിക്കുന്ന ഉൾക്കാഴ്ചയുള്ള തമാശകളുടെ ഒരു പരമ്പര.

ഏഴ് ശ്രദ്ധേയമായ എപ്പിസോഡുകൾ ഒരു യഥാർത്ഥ കഥപറച്ചിൽ ശക്തിയുടെ വരവിനെ അടയാളപ്പെടുത്തുന്നു. നിങ്ങള്‍ക്ക് ഒരു നല്ല നമസ്കാരം, ആര്യൻ ഖാൻ, ഒരു നമസ്കാരം, താങ്കള്‍ ഒരു മാസ്റ്റർപീസ് അവതരിപ്പിച്ചിരിക്കുന്നു, ‘ദ ബാഡ്സ് ഓഫ് ബോളിവുഡ്’ മികച്ചതാണ്...
ഷാരൂഖ് ഖാന്‍, ഒരു അച്ഛനില്‍ നിന്ന് മ​റ്റൊരു അച്ഛനിലേക്ക്... ഞാന്‍ പറയട്ടെ... നിങ്ങള്‍ വളരെ അഭിമാനിക്കണം...’’ എന്നാണ് കഴിഞ്ഞ ദിവസം വെബ്സീരീസി​നെ പ്രശംസിച്ച് ശശി തരൂര്‍ കുറിച്ചത്.

റെഡ് ചില്ലീസ് എന്റർടൈൻമെന്റ് നിര്‍മ്മിച്ച ആര്യൻ ഖാന്റെ ‘ദി ബാഡ്‌സ് ഓഫ് ബോളിവുഡ്’ 2025 സെപ്റ്റംബർ 18 നാണ് നെറ്റ്ഫ്ലിക്സിൽ പ്രദർശിപ്പിച്ചു തുടങ്ങിയത്. ആക്ഷേപഹാസ്യ ആക്ഷൻ കോമഡി ഡ്രാമയിൽ ബോബി ഡിയോൾ, ലക്ഷ്യ ലാൽവാനി, രാഘവ് ജുയാൽ, സഹേർ ബംബ, അന്യ സിംഗ്, മനോജ് പഹ്‌വ എന്നിവരും അഭിനയിക്കുന്നു. അനാദരവില്ലാത്ത നർമ്മം, പാളികളുള്ള കഥപറച്ചിൽ, സിനിമാ വ്യവസായത്തിന്റെ അടിത്തട്ടിലേക്കുള്ള ഒരു പുതിയ കാഴ്ചപ്പാട് എന്നിങ്ങനെയുള്ള പ്രശംസകളാണ് ഈ സീരീസിന് ലഭിച്ചത്.