ബിആര്‍ ഗവായ്ക്കുനേരെ ഷൂ എറിയാൻ ശ്രമിച്ച സംഭവം; അഭിഭാഷകനെതിരായ കോടതിയലക്ഷ്യ കേസിൽ തീരുമാനം അടുത്തയാഴ്ച

സുപ്രീം കോടതി ചീഫ് ജസ്റ്റിസ് ബി.ആര്‍.ഗവായ്ക്കു് നേരെ ഷൂ എറിയാന്‍ ശ്രമിച്ച അഭിഭാഷകനെതിരായ കോടതിയലക്ഷ്യ കേസ് പരിഗണിക്കണമോ എന്നതില്‍ അടുത്ത ആഴ്ച വാദം കേള്‍ക്കും. ജസ്റ്റിസ് സൂര്യകാന്ത്, ചീഫ് ജസ്റ്റിസ് ബിആര്‍ ഗവായ് എന്നിവരുടെ ബെഞ്ചാണ് ഹര്‍ജി അടുത്തയാഴ്ച പരിഗണിക്കുക.

അഭിഭാഷകന്‍ രാകേഷ് കിഷോറിനെതിരെ കോടതിയലക്ഷ്യ നടപടി ആവശ്യപ്പെട്ട് സുപ്രീം കോടതി ബാര്‍ അസോസിയേഷന്‍ നല്‍കിയ ഹര്‍ജിയില്‍ നോട്ടീസയക്കാന്‍ സുപ്രീം കോടതി വിസമ്മതിച്ചു. നടപടി വേണ്ടെന്ന് ചീഫ് ജസ്റ്റിസ് നിര്‍ദേശിച്ചിരിക്കെ മറ്റൊരു ബെഞ്ചിന് കേസ് തുടരാനാകുമോയെന്ന് ജസ്റ്റിസ് സൂര്യകാന്ത് ചോദിച്ചു. കോടതികള്‍ക്കെതിരായ അധിക്ഷേപങ്ങള്‍ തടയാന്‍ മാര്‍ഗനിര്‍ദേശങ്ങള്‍ പുറപ്പെടുവിക്കുന്നത് പരിഗണിക്കാമെന്നും സുപ്രീം കോടതി അറിയിച്ചു.