രണ്ടാമത്തെ കുഞ്ഞിനെ വരവേല്ക്കാനൊരുങ്ങി ഉപാസനയും രാം ചരണും; ആശംസകളുമായി ആരാധകര്
രണ്ടാമത്തെ കുഞ്ഞിനെ വരവേല്ക്കാന് ഒരുങ്ങുകയാണ് തെലുങ്ക് സൂപ്പര് സ്റ്റാര് രാം ചരണും ഭാര്യ ഉപാസന കൊനിഡേലയും. വിവാഹിതരായി 13 വര്ഷങ്ങള്പൂര്ത്തിയാക്കിയ ശേഷമാണ് ഈ ദമ്പതികള് രണ്ടാമതും മാതാപിതാക്കളാകാന് ഒരുങ്ങുന്നത്. 2023 ല് ക്ലിന് കാര എന്ന മകള് പിറന്നു. രാം ചരണിന്റെ ഭാര്യ ഉപാസന തന്റെ ഇന്സ്റ്റഗ്രാം അക്കൗണ്ടിലൂടെയാണ് ഈ സന്തോഷ വാര്ത്ത ആരാധകരെ അറിയിച്ചത്.
ദീപാവലി ദിനത്തില് നടത്തിയ വളകാപ്പ് ചടങ്ങിന്റെ വീഡിയോ പങ്കുവെച്ചുകൊണ്ടാണ് സന്തോഷവാര്ത്ത പുറത്തുവിട്ടത്. ചിരഞ്ജീവി, രാംചരണ് കുടുംബത്തിനൊപ്പം നയന്താര, ഭര്ത്താവ് വിഘ്നേശ് ശിവന് തുടങ്ങിയവരും ചടങ്ങില് പങ്കെടുത്തു.
ചടങ്ങില് സ്ത്രീകള് ഉപാസനയ്ക്ക് ഉപാസനയ്ക്ക് തിലകം ചാര്ത്തുന്നതും അനുഗ്രഹിക്കുന്നതും , കുഞ്ഞിന്റെ നന്മയ്ക്കായി സമ്മാനങ്ങള് നല്കുന്നതും കാണാം. നീല കുര്ത്തയണിഞ്ഞ രാം ചരണ് അതിഥികളുമായി സൗഹൃദം പങ്കുവെക്കുന്നതിനോടൊപ്പം മകള് ക്ലിന് കാരയെയും വളര്ത്തുനായ റൈമിനെയും ചേര്ത്ത് പടിക്കുന്നതും വീഡിയോയില് കാണാം.
അടുത്തിടെ മകന് പിറന്ന വരുണ് കൊനിഡേല, വെങ്കിടേഷ്, ദഗ്ഗുബാട്ടി, നാഗാര്ജുന, അമല , എന്നിവരും ചടങ്ങില് പങ്കെടുത്ത് ഉപാസനയെ അനുഗ്രഹിച്ചു.
‘ഈ ദീപാവലി ഇരട്ടി ആഘോഷത്തിന്റെയും ഇരട്ടി സ്നേഹത്തിന്റെയും , ഇരട്ടി അനുഗ്രഹത്തിന്റെയും ആയിരുന്നു’ എന്നാണ് വീഡിയോ പങ്കുവെച്ചുകൊണ്ട് ഉപാസന കുറിച്ചത്. വാര്ത്ത പുറത്തുവന്നതോടെ നിരവധിപ്പേരാണ് ദമ്പതികള്ക്ക് ആശംസകളറിയിച്ചെത്തുന്നത്.
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
