' എന്റെ എല്ലാമെല്ലാമായ രണ്ട് ഹൃദയങ്ങളെ ആഘോഷിക്കുന്ന ദിവസം' ; കുറിപ്പുമായി കാവ്യ മാധവന്‍

photo-www.facebook.com/KavyaMadhavan

മലയാളികളുടെ പ്രിയപ്പെട്ട നടിയാണ് കാവ്യ മാധവന്‍. അഭിനയത്തില്‍ നിന്നും വിട്ടുനില്‍ക്കുകയാണെങ്കിലും സമൂഹമാധ്യമങ്ങളില്‍ സജീവമാണ്് താരം. ഇന്ന് കാവ്യയുടെ അമ്മ ശ്യാമളയുടെയും മഹാലക്ഷ്മിയുടെയും ജന്മദിനമാണ്.

ഇരുവര്‍ക്കും പിറന്നാള്‍ ആശംസിച്ച് സോഷ്യല്‍ മീഡിയയില്‍ പോസ്റ്റ് പങ്കുവെച്ചിരിക്കുകയാണ് കാവ്യ. ' ഈ ദിനത്തിന് ഇരട്ടി പ്രത്യേകതയുണ്ട്. കാരണം എന്റെ എല്ലാമെല്ലാമായ രണ്ട് ഹൃദയങ്ങളെ ആഘോഷിക്കുന്ന ദിവസമാണ്- എന്റെ അമ്മയും മകളും.'- എന്ന അടിക്കുറിപ്പോടെ അമ്മയ്ക്കും മഹാലക്ഷ്മിക്കുമൊപ്പമുളള ചിത്രം കാവ്യ പങ്കുവെച്ചു.

2018 ഒക്‌ടോബര്‍ 19-നാണ് മഹാലക്ഷ്മി ജനിച്ചത്. കാവ്യയും മകളും ഇപ്പോള്‍ ചെന്നൈയിലാണ് താമസം. കാവ്യയുടെ പോസ്റ്റിന് താഴെ നിരവധി പേരാണ് ശ്യാമളയ്ക്കും മഹാലക്ഷ്മിക്കും ആശംസയറിയിച്ചുകൊണ്ട് കമന്റ് ചെയ്തിരിക്കുന്നത്.