' പണ്ടത്തെ വട്ട്, ഇപ്പോഴത്തെ ഡിപ്രഷന്' ; വിവാദപ്രസ്താവനയില് നടി കൃഷ്ണപ്രഭയ്ക്കെതിരേ മുഖ്യമന്ത്രിക്ക് പരാതി
കോഴിക്കോട്: മാനസികാരോഗ്യപ്രശ്നങ്ങളേക്കുറിച്ച് നടി കൃഷ്ണപ്രഭ നടത്തിയ പരാമര്ശങ്ങള്ക്കെതിരേ മുഖ്യമന്ത്രിക്ക് പരാതി. നടി വിഷാദരോഗത്തെ നിസ്സാരവല്ക്കരിച്ചുവെന്ന് ആരോപിച്ചാണ് തൃശ്ശൂര് കൈപ്പമംഗലം സ്വദേശി ധനഞ്ജയ് മുഖ്യമന്ത്രിക്ക് പരാതി നല്കിയത്.
വിഷാദരോഗത്തെ ' പണ്ടത്തെ വട്ട്, ഇപ്പോഴത്തെ ഡിപ്രഷന്' എന്ന് നടി ഒരു യൂട്യൂബ് ചാനലിന് നല്കിയ അഭിമുഖത്തില് പരാമര്ശിച്ചു. മാനസികാരോഗ്യ പ്രശ്നങ്ങളുളളവരെ കൂടുതല് ഒറ്റപ്പെടുത്താനും ചികിത്സ തേടുന്നതില് നിന്ന് പിന്തിരിപ്പിക്കാനും സാധ്യതയുളള അശാസ്ത്രീയമായ പ്രസ്താവന, പൊതുസമൂഹത്തില് വലിയ സ്വാധീനമുളള വ്യക്തിയുടെ ഭാഗത്തുനിന്ന് വന്നത് അതീവ ഗൗരവത്തോടെ കാണണമെന്ന് പരാതിയില് പറയുന്നു. വിവാദപരമായ പരാമര്ശങ്ങള് ഉള്പ്പെട്ട വീഡിയോ ഭാഗം യൂട്യൂബില്നിന്ന് ഉടന് നീക്കം ചെയ്യാന് സര്ക്കാര് ഇടപെടുക, നടി കൃഷ്ണ പ്രഭ, പൊതുജനങ്ങളോട് നിരുപാധികം ക്ഷമ ചോദിക്കുകയും മാനസികാരോഗ്യത്തെക്കുറിച്ച് ശരിയായ അവബോധം നല്കുകയും ചെയ്യണമെന്ന് ആവശ്യപ്പെട്ട് നടപടി സ്വീകരിക്കുക എന്നീ ആവശ്യങ്ങളാണ് പരാതിയില് ഉന്നയിച്ചിരിക്കുന്നത്.
' മാനസികാരോഗ്യ സംരക്ഷണത്തിന് സര്ക്കാര് വലിയ പ്രാധാന്യം നല്കുമ്പോള്, ഇത്തരം പ്രസ്താവനകള് എല്ലാ ബോധവല്ക്കരണ ശ്രമങ്ങളെയും തകര്ക്കുന്നതാണ്. വിഷാദം കളിയാക്കേണ്ട ഒന്നല്ല, കൃത്യമായ ചികിത്സ ആവശ്യമുളള ഒരു രോഗാവസ്ഥയാണ്', പരാതിക്കാരന് പ്രസ്താവനയില് പറഞ്ഞു. മുഖ്യമന്ത്രിയുടെ ഓഫീസില് നിന്ന് വിഷയത്തില് അടിയന്തിരമായി ഇടപെടല് ഉണ്ടാകുമെന്ന് പ്രതീക്ഷിക്കുന്നതായും പരാതിക്കാരന് കൂട്ടി ചേര്ത്തു.
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
