ജീവന് വിജയ് നല്കുന്ന വില ഇതാണോ? ; ഖേദം പ്രകടിപ്പിച്ച് ഒരു പോസ്റ്റു പോലുമില്ല ; കാരവാന് പിടിച്ചെടുക്കാന് കോടതി
കരൂര്: ഖേദം പ്രകടിപ്പിച്ച് ഒരു പോസ്റ്റ് പോലും ഇടുന്നില്ലെന്നും മനുഷ്യജീവന് ടി വി കെ നല്കുന്ന വില എന്തെന്ന് ഇതില് നിന്ന് വ്യക്തമാണെന്നും കരൂര് അപകടത്തില് നടന് വിജയ് യെ വിമര്ശിച്ച് മദ്രാസ് ഹൈക്കോടതി. ദുരന്തത്തില് വിജയുടെയും അദ്ദേഹത്തിന്റെ പാര്ട്ടിയുടേയും ഒളിച്ചോട്ടത്തില് അപലപിക്കുകയാണെന്നും കോടതി വ്യക്തമാക്കി. വിജയ്ക്ക് എതിരേ കേസെടുക്കാനൊരുങ്ങുകയാണ് പോലീസ്.
കരൂര് ദുരന്തത്തിന്റെ ഉത്തരവാദിത്തം ഏറ്റെടുക്കാന് തയ്യാറാകാത്ത ടി വി കെ അധ്യക്ഷന് വിജയ്യുടെ കാരവാന് പിടിച്ചെടുക്കണമെന്നും കാരവാന് ഉള്ളിലും പുറത്തുമുള്ള സിസിടിവി ദൃശ്യങ്ങള് ശേഖരിക്കണമെന്നുമാണ് ഉത്തരവ്. ദുരന്തസ്ഥലത്ത് നിന്ന് ലഭ്യമായ എല്ലാ സിസിടിവി ദൃശ്യങ്ങളും ശേഖരിക്കണമെന്നും കരൂര് എസ്ഐയുടെ കൈയിലുള്ള രേഖകള് എല്ലാം പ്രത്യേക അന്വേഷണ സംഘത്തിന് കൈമാറണമെന്നും മദ്രാസ് ഹൈക്കോടതി നിര്ദേശിച്ചു. ദുരന്തത്തില് സിബിഐ അന്വേഷണം ആവശ്യപ്പെട്ടുള്ള ഹര്ജികള് കോടതി തള്ളി.
ഐപിഎസ് ഉദ്യോഗസ്ഥയായ അശ്ര ഗര്ഗിന് അന്വേഷണ ചുമതല നല്കി പ്രത്യേക സംഘത്തെ (എസ്ഐടി) നിയോഗിക്കുകയായിരുന്നു. സംഘത്തില് രണ്ട് വനിത പൊലീസ് ഉദ്യോഗസ്ഥരാണുള്ളത്. അതേസമയം, മുന്കൂര് ജാമ്യപേക്ഷ ഹൈക്കോടതി തള്ളിയ സാഹചര്യത്തില് ടി വി കെ ജനറല് സെക്രട്ടറി എന് ആനന്ദ്, ജോയിന്റ് സെക്രട്ടറി സി ടി നിര്മല് കുമാര് എന്നിവരെ അറസ്റ്റ് ചെയ്തേക്കും.
YOU MAY BE INTERESTED
LATEST NEWS
- കരിഞ്ചന്തക്കാര്ക്കെതിരെ കര്ശന നടപടി ; മനഃപൂര്വ്വം പരിഭ്രാന്തി സൃഷ്ടിക്കാന് ചിലര് ശ്രമിക്കുന്നു
- തെറ്റ് ചെയ്തിട്ടില്ല, പാര്ട്ടിയില് നിന്നും പുറത്താക്കരുത് ; പാര്ട്ടിക്ക് വിശദീകരണ കത്ത് നല്കി എ. പത്മകുമാര്
- സംസ്ഥാനങ്ങള്ക്ക് അധിക മണ്ണെണ്ണ അനുവദിച്ചു ; പാചകവാതകപ്രതിസന്ധിയില് ബദല്മാര്ഗ്ഗവുമായി കേന്ദ്രം
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
