' രണ്ട് ഇതിഹാസങ്ങള്ക്കൊപ്പം പ്രവര്ത്തിക്കാന് സാധിച്ചത് സ്വപ്നസാക്ഷാത്കാരം' ; കുറിപ്പുമായി ബേസില്- നന്ദി പറഞ്ഞ് അഖില് സത്യന്
' ഹൃദയപൂര്വ്വം' ചിത്രത്തിന്റെ ഭാഗമാവാന് സാധിച്ചതില് സന്തോഷം പങ്കുവെച്ച് ബേസില് ജോസഫ്. പ്രശസ്തരായ രണ്ട് ' ഇതിഹാസങ്ങള്ക്കൊപ്പം' പ്രവര്ത്തിക്കാന് കഴിഞ്ഞത് ഒരു സ്വപ്നം യാഥാര്ഥ്യമായതുപോലെ ആയിരുന്നുവെന്ന് ബേസില് ജോസഫ് കുറിച്ചു. ചിത്രത്തിന്റെ ഭാഗമായതില് ബേസിലിന് ചീഫ് അസോസിയേറ്റ് ഡയറക്ടറായ അഖില് സത്യന് നന്ദി അറിയിച്ചു.
'ഈ രണ്ട് ഇതിഹാസങ്ങള്ക്കൊപ്പം പ്രവര്ത്തിക്കാന് സാധിച്ചത് സ്വപ്നസാക്ഷാത്കാരംപോലെയായിരുന്നു. എന്റെ കുട്ടിക്കാലത്തെ പ്രിയപ്പെട്ട സിനിമകളില് ഭൂരിഭാഗവും ഈ കൂട്ടുകെട്ടിന്റേതായിരുന്നു. അതൊരു നൊസ്റ്റാള്ജിയയാണ്. വര്ഷങ്ങള്ക്കുശേഷം, അവരുടെ 'ഹൃദയപൂര്വ്വം' എന്ന സിനിമയില് ചെറിയ വേഷം ചെയ്യാന് കഴിഞ്ഞതുപോലും വലിയ ബഹുമതിയായിരുന്നു. സത്യന് അന്തിക്കാട് സാറിനും മോഹന്ലാല് സാറിനും അനൂപ് സത്യനും നന്ദി', എന്നായിരുന്നു ബേസിലിന്റെ കുറിപ്പ്. മോഹന്ലാലിനും സത്യന് അന്തിക്കാടിനും ഒപ്പമുളള ചിത്രവും ബേസില് പങ്കുവെച്ചു.
' ബേസില്, താങ്കളുടെ കൂടെ പ്രവര്ത്തിക്കുന്നത് വളരെ രസകരമായിരുന്നു. ' ഹൃദയപൂര്വ്വ' ത്തിന്റെ ഭാഗമായതിന് നന്ദി', എന്നായിരുന്നു ബേസിലിന്റെ പോസ്റ്റിന് താഴെ കമന്റായി അഖില് സത്യന് കുറിച്ചത്. ' ആ ' റൂമര്' പുറത്തുവിട്ട മനുഷ്യനും നന്ദി' , എന്നും അനൂപ് കമന്റില് കൂട്ടിച്ചേര്ത്തു.
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
