' ഒരുപാട് പ്രതിസന്ധി ഘട്ടങ്ങളെ അതിജീവിച്ചവള് ആണ് ഞാന്, തളര്ന്നുകിടക്കാന് നേരമില്ല' ; സീമ ജി നായര്
മിനിസ്ക്രീന്- ബിഗ്സ്ക്രീന് പ്രേക്ഷകര്ക്ക് സുപരിചിതയാണ് നടി സീമ ജി നായര്. ലൈംഗീക ചൂഷണ ആരോപണങ്ങളില് ഗുരുതരമായ ആരോപണം നേരിടുന്ന രാഹുല് മാങ്കൂട്ടത്തിലിനെ പിന്തുണച്ച് സീമ ജി നായര് രംഗത്തെത്തിയത് വലിയ വിവാദമായിരുന്നു. വലിയ വിമര്ശനങ്ങളാണ് സീമ ജി നായര്ക്ക് നേരെ ഉയര്ന്നത്. ഇപ്പോള് ഈ വഷയത്തില് കുടുതല് വിശദീകരണവുമായി എത്തിയിരിക്കുകയാണ് താരം. പ്രതിസന്ധി ഘട്ടത്തില് തളര്ത്താന് ആളുകള് ഉണ്ടാകുമെന്നും ആ സമയങ്ങളില് തളര്ന്നുപോയാല് ചവട്ടി അരക്കാനായി അനേകം കാലുകള് പൊങ്ങിവരുമെന്നും സീമ പറയുന്നു. രാഹുലിനു വേണ്ടി പിആര് ചെയ്യുന്നുവെന്ന ആരോപണത്തിനും സീമ മറുപടി നല്കുന്നുണ്ട്. പിആര് ചെയ്ത് പൈസ വാങ്ങിക്കാനായി മാത്രം ശമ്പളം കൊടുത്തു ഒരാളെ നിര്ത്തിയിട്ടുണ്ടെന്നും പിആര് വര്ക്ക് ചെയ്യുന്നതായിരിക്കുമെന്നും നടി മറുപടിയായി പറയുന്നു.
സീമ. ജി. നായരുടെ കുറിപ്പിന്റെ പൂര്ണരൂപം:
ശുഭദിനം. ഒന്നും കൂടി പറയട്ടെ 'പാപം ചെയ്യാത്തവര് കല്ലെറിയട്ടെ '..ഒരാളുടെ നന്മയെകുറിച്ച് പറയാന് ,ആര്ക്കും വാക്കുകള് കിട്ടില്ല ,പലരും നിശബ്ദര് ആയിരിക്കും ..പക്ഷെ ചര്ച്ചഅയാളുടെ തിന്മയെ കുറിച്ചാണെങ്കില് (അവര് വിശ്വസിക്കുന്ന തിന്മ )മൂകന്മാര് പോലും സംസാരിക്കും ..ഇന്നലെവരെ ചെയ്ത എല്ലാ കാര്യങ്ങളും ഒറ്റ നിമിഷം കൊണ്ട് ഇല്ലാതാകും,ഇല്ലെങ്കില് ഇല്ലാതാക്കും ..ഇന്നലെ വരെ ആള്ക്കൂട്ടങ്ങളുടെ നടുവില് ആയിരുന്നെങ്കില്,ഇന്ന് ശ്മശാനഭൂമിയില് കുറെ ശവക്കല്ലറകളുടെ നടുവില് ഒറ്റപെട്ടവരായി തീരും ,ആ കുഴിമാടങ്ങളില് കിടന്ന് ശ്വാസം കിട്ടാതെ മരിക്കാനായി മാത്രം ആവരുത് ഈ ജന്മം ..പ്രതിസന്ധി ഘട്ടത്തില് തളര്ത്താന് ആള്ക്കാര് ഉണ്ടാകും ,ഒരിക്കലും ഇല്ലാത്ത ഒരുമ ഈ കാര്യത്തില് ഉണ്ടാകും ..ആ സമയങ്ങളില് തളര്ന്നുപോയാല് ചവട്ടി അരക്കാനായി അനേകം കാലുകള് പൊങ്ങിവരും ..അങ്ങനെ ഒരു അവസ്ഥ ആര്ക്കും ഉണ്ടാകരുത് ..ഒരുപാട് പ്രതിസന്ധി ഘട്ടങ്ങളെ അതിജീവിച്ചവള് ആണ് ഞാനും ,അന്നൊക്കെ തളര്ന്നിരുന്നുവെങ്കില് ഈ ഭൂമിയില് ജീവനോടെ ഉണ്ടാവില്ലായിരുന്നു ,ഇപ്പോളും ഫൈറ്റ് ചെയ്താണ് ജീവിക്കുന്നത് ,തളര്ന്നുകിടക്കാന് നേരമില്ല ..ഒരാളെ കൂട്ടം കൂടി ആക്രമിക്കുമ്പോള് എന്ത് നേടുന്നെന്നു പലപ്പോളും ചിന്തിച്ചിട്ടുണ്ട് ,അവര്ക്ക് സമാധാനമായി ഉറങ്ങാന് കഴിയുമോ ??കഴിയുമയിരിക്കും ,അങ്ങനെ ചെയ്യുന്നവര്ക്കയിരിക്കും ശാന്തിയും ,സമാധാനവും ഉണ്ടാവുക..(പ്രത്യേക ശ്രദ്ധയ്ക്ക് PR WORK ചെയ്യുന്നതാണ് ..പൈസ വാങ്ങിയാണ് ചെയ്യുന്നത് ..ഫ്രീ ആയിട്ട് സമൂഹ മാധ്യമങ്ങളില് ഏഴുതും എന്ന് ആരും കരുതരുത് ..പൈസ വാങ്ങിക്കാനായ് മാത്രം ഒരാളെ ശമ്പളം കൊടുത്തു നിര്ത്തിയിട്ടുണ്ട് )
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
