' രാജ്യത്തിന്റെ കറുത്തദിനം' ; ജെന് സീ പ്രക്ഷോഭത്തെ പിന്തുണച്ച് മനീഷ കൊയ്രാള
നേപ്പാളിലെ ജെന് സീ പ്രക്ഷോഭത്തെ പിന്തുണച്ച് സിനിമാ താരം മനീഷ കൊയ്രാള. അഴിമതിക്കും സോഷ്യല് മീഡിയ നിരോധനത്തിനുമെതിരെ തെരുവിലിറങ്ങിയ ജെന് സീ പ്രക്ഷോഭകശര ക്രൂരമായി അടിച്ചമര്ത്തിയതിന് പിന്നാലെയാണ് നടിയുടെ പ്രതികരണം. രാജ്യത്തിന്റെ 'കറുത്തദിനം' എന്നാണ് സോഷ്യല് മീഡിയയില് താരം കുറിച്ചത്.
നേപ്പാള് സ്വദേശിനിയായ മനീഷ നേപ്പാളി ഭാഷയിലുളള കുറിപ്പിനൊപ്പം രക്തം പുരണ്ട ഒരു ഷൂവിന്റെ ചിത്രവും സോഷ്യല് മീഡിയയില് പങ്കുവെച്ചിട്ടുണ്ട്. ' അഴിമതിക്കെതിരായ രോഷത്തിനും നീതിക്കുവേണ്ടിയുളള ദാഹത്തിനും ജനശബ്ദത്തിനും വെടിയുണ്ടകള് മറുപടി നല്കുമ്പോള്, ഇന്ന് നേപ്പാളിന് ഒരു കറുത്ത ദിനമാണ്' , എന്നാണ് മനീഷ കൊയ്രാള ഇന്സ്റ്റഗ്രാമില് കുറിച്ചത്.
പ്രധാനമന്ത്രി കെ.പി.ശര്മ്മ ഒലിയുടെ സോഷ്യല് മീഡിയ നിരോധനത്തിനെതിരെ നേപ്പാളില് അതിശക്തമായ പ്രതിഷേധങ്ങളാണ് അരങ്ങേറിയത്. 20 പേര്ക്ക് ജീവന് നഷ്ടമായി. ആയിരക്കണക്കിന് ജെന് സീ പ്രതിഷേധക്കാര് പാര്ലമെന്റ് വളപ്പിലേക്ക് ഇരച്ചുകയറിയതോടെയാണ് സ്ഥിതിഗതികള് വഷളായത്. പ്രക്ഷോഭം രാജ്യത്തുടനീളം വ്യാപിച്ചതോടെ നിരവധി നഗരങ്ങളില് സൈന്യത്തെ വിന്യസിച്ചിട്ടുണ്ട്.
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
