'എന്റെ അമ്മ അപമാനിക്കപ്പെട്ടു'; കോൺഗ്രസിനും ആർജെഡിക്കുമെതിരെ പ്രധാനമന്ത്രി

ബിഹാറിൽ ആർജെഡി-കോൺഗ്രസ് പരിപാടിയുടെ വേദിയിൽ നിന്ന് തന്റെ അന്തരിച്ച അമ്മയ്‌ക്കെതിരെ നടത്തിയ പരാമർശങ്ങളിൽ അപലപിച്ച് പ്രധാനമന്ത്രി നരേന്ദ്ര മോദി വികാരാധീനനായി.

ബിഹാറിലെ ദർഭംഗയിൽ രാഹുൽ ഗാന്ധിയുടെ 'വോട്ട് അധികാർ യാത്ര'യ്ക്കിടെയാണ് കോൺഗ്രസ്-ആർജെഡി വേദിയിൽ നിന്ന് പ്രധാനമന്ത്രി മോദിയുടെ അമ്മയെ ലക്ഷ്യമിട്ട് അധിക്ഷേപകരമായ മുദ്രാവാക്യങ്ങൾ മുഴങ്ങിയത്.

"അമ്മയാണ് നമ്മുടെ ലോകം. അമ്മയാണ് നമ്മുടെ ആത്മാഭിമാനം. പാരമ്പര്യത്താൽ സമ്പന്നമായ ഈ ബീഹാറിൽ കുറച്ച് ദിവസങ്ങൾക്ക് മുമ്പ് സംഭവിച്ചത് ഞാൻ സങ്കൽപ്പിച്ചിട്ടുപോലുമില്ല. ബീഹാറിലെ ആർജെഡി-കോൺഗ്രസ് വേദിയിൽ എന്റെ അമ്മയെ അപമാനിച്ചു," പ്രധാനമന്ത്രി മോദി വികാരാധീനനായി പറഞ്ഞു.