മുത്തശ്ശിക്ക് ബര്‍ത്ത്‌ഡേ സര്‍പ്രൈസ് ഒരുക്കി പേരക്കുട്ടികള്‍; കാഴ്ചക്കാരുടെ ഹൃദയം നിറച്ച് വീഡിയോ

മുത്തശ്ശിമാരും പേരക്കുട്ടികളും തമ്മിലുളള ബന്ധം വാക്കുകളില്‍ പറഞ്ഞറിയിക്കാന്‍ കഴിയില്ല. മുത്തശ്ശിമാര്‍ കുട്ടികളില്‍ നല്ല ശീലങ്ങളും ധാര്‍മിക മൂല്യങ്ങളും വളര്‍ത്തിയെടുക്കുക മാത്രമല്ല, അവരുടെ ജ്ഞാനവും സ്‌നേഹവും പങ്കുവെച്ച അനുഭവങ്ങളും പലപ്പോഴും തലമുറകളെ മറികടക്കുന്ന അര്‍ത്ഥവത്തായ ഒരു ബന്ധം സൃഷ്ടിക്കുന്നു. കുട്ടികളുടെ മൊത്തത്തിലുള്ള വികസനത്തിന് മാതാപിതാക്കള്‍ തങ്ങളാല്‍ കഴിയുന്നതെല്ലാം ചെയ്യുന്നുണ്ടെങ്കിലും, മുത്തശ്ശിമാരില്ലാതെ അവരുടെ യാത്ര അപൂര്‍ണ്ണമാണ്.

രണ്ട് കുട്ടികള്‍ അവരുടെ മുത്തശ്ശിക്ക് ജന്മദിനാശംസകള്‍ നേരുന്നതിന്റെ ഹൃദയസ്പര്‍ശിയായ വീഡിയോയാണിപ്പോള്‍ സോഷ്യല്‍ മീഡിയയില്‍ വൈറലാകുന്നത്.

രണ്ട് കുട്ടികളും നോര്‍ത്ത് കരോലിനയില്‍ നിന്നുളളവരാണ് . അവരില്‍ ഒരാള്‍ കോസ്റ്റ്‌കോയിലെ ഒരു ഔട്ട്‌ലെറ്റിലെ തന്റെ മുത്തശ്ശിയുടെ ജോലി സ്ഥലത്ത് മെഗാഫോണില്‍ ഉച്ചത്തില്‍ ഹാപ്പി ബര്‍ത്ത്‌ഡേ ഗാനം ആലപിക്കുന്നത് കാണാം. അവന്‍ പാട്ട് പൂര്‍ത്തിയാക്കിയ ഉടന്‍ ഇളയ കുട്ടി മുത്തശ്ശിക്ക് പൂച്ചെണ്ടും ഒരു ചെറിയ ബലൂണും സമ്മാനിക്കുന്ന ദൃശ്യങ്ങളും വീഡിയോയിലുണ്ട്. മുത്തശ്ശിയുടെ ജന്മദിനം ആഘോഷിക്കാന്‍ കുട്ടികള്‍ കാണിച്ച മനോഹരമായ രീതിയെ ഔട്ട്‌ലെറ്റിലുണ്ടായിരുന്ന ഉപഭോ്കതാക്കള്‍ പ്രശംസിക്കുകയും ചെയ്യുന്നുണ്ട്.

ഇതിനോടകം നിരവധി കാഴ്ചക്കാരെ വീഡിയോ സ്വന്തമാക്കിയിട്ടുണ്ട്. നിരവധിപ്പേരാണ് വീഡിയോയ്ക്ക് താഴെ സ്‌നേഹം അറിയിച്ചെത്തുന്നത്. വളരെ ഭംഗിയുളളതും മധുരമുളളതുമായിരുന്നു, ഇത് കണ്ടപ്പോള്‍ എന്റെ ഹൃദയം ഉരുകുന്നു എന്നാണ് ഒരാള്‍ കുറിച്ചത്. എന്റെ കണ്ണുകളില്‍ നിന്ന് കണ്ണുനീര്‍ വന്നു എന്നാണ് മറ്റൊരാള്‍ അഭിപ്രായപ്പെട്ടത്. ജീവിതം എന്താണെന്നതിന്റെ ഉദാഹരണമാണിത്, കുട്ടികള്‍ മുത്തശ്ശിയെ ആഘോഷിക്കുന്നു, പൊതുജനങ്ങള്‍ അതില്‍ പങ്കുചേരുന്നു. ഇത് ഇതിനേക്കാള്‍ മികച്ചതൊന്നുമല്ല എന്നായിരുന്നു ഒരാള്‍ കുറിച്ചത്.