'നിരൂപണത്തോട് അസഹിഷ്ണുത കാണിക്കുന്നവര് സ്വന്തം സിനിമയുണ്ടാക്കി കണ്ടാല് മതിയെന്നു വെക്കണം' ; അശ്വന്ത് കോക്ക്
സിനിമ നിരൂപണത്തോട് അസഹിഷ്ണുത കാണിക്കുന്നവര് സ്വന്തം സിനിമയുണ്ടാക്കി കണ്ടാല് മതിയെന്നു വെക്കണമെന്ന് റിവ്യൂവര് അശ്വന്ത് കോക്ക്. കോഴിക്കോട് നടന്ന മേഖല ചലച്ചിത്രോത്സവത്തിന്റെ ഓപ്പണ് ഫോറത്തില് സംസാരിക്കുകയായിരുന്നു അദ്ദേഹം.
സിനിമ നിരൂപണമെന്ന പേരില് ബ്ലാക്ക് മെയിലിങ് നടത്താന് പാടുണ്ടോ?, റിവ്യൂ അവലോകനമോ അധിക്ഷേപമോ? എന്നീ ചോദ്യങ്ങള് ഓപ്പണ് ഫോറത്തില് ഉയര്ന്നിരുന്നു.
ഇതിന് മറുപടിയായി സിനിമാ റിവ്യൂ എന്ന പേരില് ഇപ്പോള് നടക്കുന്നത് കച്ചവട താത്പര്യങ്ങള് മുന്നിര്ത്തിയുളള ആക്രമണമാണെന്ന് നിര്മാതാവ് വി.പി മാധവന് നായര് പറഞ്ഞു. നിരൂപണത്തിന് മാനദണ്ഡങ്ങള് വേണമെന്നായിരുന്നു അദ്ദേഹം അഭിപ്രായപ്പെട്ടത്. സിനിമ നിര്മിക്കാന് അഞ്ച് പൈസ ചെലവഴിക്കാത്തവരാണ് ഇന്ന് സിനിമയുടെ വിധി നിശ്ചയിക്കുന്നതെന്ന അഭിപ്രായവവും അദ്ദേഹം പങ്കിട്ടു.
അതേസമയം മാറിയ കാഴ്ചശീലങ്ങളും സാമൂഹികാവസ്ഥകളും ഉള്കൊളളാനാവാത്തവരാണ് നിരൂപണത്തെ പേടിക്കുന്നതെന്നായിരുന്നു അശ്വന്ത് കോക്കിന്റെ നിലപാട്. നിരൂപണത്തോട് അസഹിഷ്ണുത കാണിക്കുന്നവര് സ്വന്തം സിനിമയുണ്ടാക്കി സ്വയം കണ്ടാല് മതിയെന്നുവെക്കണം, പ്രേക്ഷകരെ കാണിക്കുന്നതെന്തിന്, അശ്വന്ത് കോക്ക് ചോദിച്ചു. ഓപ്പണ് ഫോറത്തില് സംവിധായകന് ആര്.കെ. കൃഷാന്ദ്, സംവിധായിക ഇന്ദു ലക്ഷ്മി, അശ്വിന് ഭരദ്വാജ്, സനിതാ മനോഹര് എന്നിവരും സംസാരിച്ചു. ഷാനറ്റ് സിജോ വിഷയം അവതരിപ്പിച്ചു.
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
