' ചിലരുടെ നിലനില്ക്കാത്ത കുതന്ത്രങ്ങള് മറനീക്കി പുറത്തു വരുന്നു' ; വിജയ് ബാബുവിന് മറുപടിയുമായി സാന്ദ്ര തോമസ്
പ്രൊഡ്യൂസേഴ്സ് അസോസിയേഷന് തെരഞ്ഞെടുപ്പില്, സാന്ദ്ര തോമസിന് പ്രസിഡന്റ് സ്ഥാനത്തേക്ക് മത്സരിക്കാന് യോഗ്യതയില്ലെന്ന വിജയ് ബാബുവിന്റെ ഫേസ്ബുക്ക് പോസ്റ്റിന് മറുപടിയുമായി സാന്ദ്ര തോമസ്.
ചിലരുടെ നിലനില്ക്കാത്ത കുതന്ത്രങ്ങള് മറനീക്കി പുറത്തു വരുന്നുവെന്നും ഒരു തമാശയായി മാത്രം നമുക്കതിനെ കാണാമെന്നും സാന്ദ്ര തോമസ് ഫേസ്ബുക്കില് കുറിച്ചു. 2016 വരെ താന് ഫ്രൈഡേ ഫിലിം ഹൗസിന്റെ മാനേജിങ് പാര്ട്ണര് ആയിരുന്നു എന്ന് വിജയ്ബാബു സമ്മതിച്ചു കഴിഞ്ഞിരിക്കുന്നു. മറ്റൊരു അര്ത്ഥത്തില് ഫ്രൈഡേ ഫിലിം ഹൗസിന്റെ പേരില് 2016 വരെ പുറത്തുവന്ന സെന്സര്ഷിപ് ക്രെഡിറ്റും മാനേജിങ് പാര്ട്ണര് ആയിരുന്ന എന്റെ പേരിലാണെന്നും ഇതില്നിന്നും വ്യക്തമാണെന്ന് സാന്ദ്ര തോമസ് കുറിച്ചു.
സാന്ദ്ര തോമസിന്റെ വാക്കുകള്:
ചിലരുടെ നിലനില്ക്കാത്ത കുതന്ത്രങ്ങള് മറനീക്കി പുറത്തു വരുന്നു , ഒരു തമാശയായി മാത്രം നമുക്കതിനെ കാണാം. ഞാന് 2016 വരെ ഫ്രൈഡേ ഫിലിം ഹൗസിന്റെ മാനേജിങ് പാര്ട്ണര് ആയിരുന്നു എന്ന് വിജയ്ബാബു സമ്മതിച്ചു കഴിഞ്ഞിരിക്കുന്നു , മറ്റൊരു അര്ത്ഥത്തില് ഫ്രൈഡേ ഫിലിം ഹൗസിന്റെ പേരില് 2016 വരെ പുറത്തുവന്ന സെന്സര്ഷിപ് ക്രെഡിറ്റും മാനേജിങ് പാര്ട്ണര് ആയിരുന്ന എന്റെ പേരിലാണെന്നും ഇതില്നിന്നും വ്യക്തമാണ്. 2016 ന് ശേഷം ഫ്രൈഡേ ഫിലിം ഹൗസില് ഞാനൊരു അവകാശവാദവും ഉന്നയിച്ചിട്ടില്ല. എന്റെ വാദം കേരളാ ഫിലിം പ്രൊഡ്യൂസഴ്സ് അസോസിയേഷന്റെ നിയമാവലി പ്രകാരം ഞാന് മാനേജിങ് പാര്ട്ണര് ആയിരുന്നപോളുള്ള എല്ലാ സിനിമകളുടെയും സെന്സര്ഷിപ് ക്രെഡിറ്റ് എന്റെ പേരില് ഉള്ളതാണെന്നാണ്. അതിനാല് KFPA യുടെ റെഗുലര് മെമ്പര് ആയ എനിക്ക് അസോസിയേഷന്റെ കീപോസ്റ്റില് നിയമപരമായി മത്സരിക്കാം , അതിനെ നിയമപരമായി ഖണ്ഡിക്കാവുന്ന ഒന്നും വിജയ്ബാബുവിന്റെ പോസ്റ്റിലില്ല . ഞാന് പാര്ട്ണര്ഷിപ് ഒഴിഞ്ഞൊ ഒഴിഞ്ഞില്ലയോ എന്നുള്ളത് ഇവിടെ തര്ക്കവിഷയമേ അല്ല എന്നാല് 2016 വരെ ഫ്രൈഡേ ഫിലിം ഹൗസിന്റെ മാനേജിങ് പാര്ട്ണര് ആയിരുന്നു എന്നുള്ളത് തര്ക്കമറ്റ വസ്തുതയാണ്. നിയമം പരിശോധിക്കുന്നത് വിജയ്ബാബുവിന്റെ സര്ട്ടിഫിക്കറ്റ് അല്ല , മറിച്ച് അസോസിയേഷന്റെ ബെലോയില് പറഞ്ഞിരിക്കുന്ന കാര്യങ്ങള് ആണ് നിയമത്തിന്റെ കണ്ണില് എങ്ങനെ എന്നുള്ളതാണ് , അത് കോടതി വിലയിരുത്തും. ആര്ക്കോ വേണ്ടി ഓക്കാനിക്കുന്നവര് സൂക്ഷ്മത പുലര്ത്തിയാല് സമൂഹത്തില് അപഹാസ്യരാവാതിരിക്കാമെന്ന് ഓര്ത്താല് നന്ന് .
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
