' നിന്നെ ബിഗ് സ്ക്രീനില് കാണുന്നത് സന്തോഷം, ഇതെല്ലാം നീ അര്ഹിക്കുന്നതാണ്' ; ഗോപികയെയും സുമതിവളവിനെയും പ്രശംസിച്ച് സ്വപ്ന ട്രീസ
വിഷ്ണു ശശിശങ്കര് സംവിധാനം ചെയ്ത് തിയേറ്ററുകളില് എത്തിയ ചിത്രമാണ് സുമതി വളവ്. നടി ഗോപിക അനിലും ചിത്രത്തില് ഒരു സുപ്രധാന വേഷം ചെയ്യുന്നുണ്ട്. ഇപ്പോഴിതാ ചിത്രം കണ്ടതിനു ശേഷം മിനിസ്ക്രീന് താരവും ഗോപികയുടെ അടുത്ത സുഹൃത്തുക്കളില് ഒരാളുമായ സ്വപ്ന ട്രീസ പങ്കുവെച്ച പോസ്റ്റ് ശ്രദ്ധ നേടുകയാണ്. ഗോപികയ്ക്കൊപ്പമുളള ചിത്രം പങ്കുവെച്ചുകൊണ്ടാണ് സ്വപ്നയുടെ പോസ്റ്റ്. സ്വപ്നയുടെ മകളെയും ചിത്രങ്ങളില് കാണാം.
''നിന്നെയോര്ത്ത് ഞാന് എത്രയധികം അഭിമാനിക്കുന്നുവെന്ന് പറഞ്ഞറിയിക്കാന് സാധിക്കില്ല ഗോപൂ. നിന്റെ സ്വപ്നങ്ങള് സാക്ഷാത്കരിക്കപ്പെടുന്നതു കാണുന്നതും നിന്നെ ബിഗ് സ്ക്രീനില് കാണുന്നതുമെല്ലാം സന്തോഷമാണ്. ഇതെല്ലാം നീ അര്ഹിക്കുന്നതാണ്, ഇതിനപ്പുറവും. സിനിമയുടെ പിന്നില് പ്രവര്ത്തിച്ച എല്ലാവര്ക്കും അഭിനന്ദനങ്ങള്'', സ്വപ്ന ട്രീസ ഇന്സ്റ്റഗ്രാമില് കുറിച്ചു.
അര്ജുന് അശോകന്, ബാലു വര്ഗീസ്, ഗോകുല് സുരേഷ്, സൈജു കുറുപ്പ്, സിദ്ധാര്ഥ് ഭരതന്, ശ്രാവണ് മുകേഷ്, നന്ദു തുടങ്ങി നിരവധി താരങ്ങള് ചിത്രത്തില് അണിനിരക്കുന്നു. ശ്രീ ഗോകുലം ഗോപാലന്റെ ശ്രീ ഗോകുലം മൂവീസ്, മുരളി കുന്നുംപുറത്തിന്റെ വാട്ടര്മാന് ഫിലിംസ് എന്നിവര് ചേര്ന്ന് നിര്മിച്ച ചിത്രമാണ് സുമതി വളവ്. ചിത്രത്തിന് തിരക്കഥ ഒരുക്കിയത് അഭിലാഷ് പിള്ളയാണ്.
YOU MAY BE INTERESTED
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
