മോഹന്‍ലാലിന്റെയും മമ്മൂട്ടിയുടെയും തോളില്‍ കയ്യിട്ട് സംവൃത സുനില്‍; ചിത്രം പങ്കുവെച്ച് താരം

photo-/www.instagram.com/samvrithaakhil/

അഭിനയത്തിൽ നിന്ന് മാറി നിൽക്കുകയാമെങ്കിലും സോഷ്യൽ മീഡിയയിൽ വളരെ അധികം ആക്ടീവായിട്ടുള്ള നടിയാണ് സംവൃത സുനിൽ . കുടുംബത്തിനൊപ്പമുള്ള മനോഹര നിമിഷങ്ങളും തന്റെ തന്നെ ഫോട്ടോകളും സംവൃത ഇൻസ്റ്റഗ്രാമിൽ പങ്കുവയ്ക്കാറുണ്ട്. മനോഹരമായ സംവൃതയുടെ ഫോട്ടോകൾ വളരെ പെട്ടന്നാണ് ആരാധകർ ഏറ്റെടുക്കുന്നതും വൈറലാവുന്നതും.

എന്നാൽ ഇപ്പോൾ അല്പം വ്യത്യസ്തമായ ഒരു പോട്ടോ ആണ് സംവൃത പങ്കുവച്ചിരിയ്ക്കുന്നത്. മറ്റൊന്നുമല്ല, മോഹൻലാലിന്റെയും മമ്മൂട്ടിയുടെയും തോളിൽ കൈയ്യിട്ടു നിൽക്കുന്ന ചിത്രം. അത്രയ്ക്ക് അടുപ്പവും, സ്വാതന്ത്ര്യവും സംവൃതയ്ക്കുണ്ടോ എന്നാരും ചിന്തിക്കേണ്ട, ഇത് ഒറിജിനൽ അല്ല. മോഹൻലാലിന്റെയും മമ്മൂട്ടിയുടെയും ഫ്ളക്സുകൾക്ക് നടുവിൽ, ആ രൂപത്തിന്റെ തോളിൽ കൈയ്യിട്ടു നിൽക്കുന്ന ചിത്രമാണ് സംവൃത പങ്കുവച്ചിരിയ്ക്കുന്നത്.

മമ്മൂട്ടി വല്യേട്ടൻ ലുക്കിൽ മുണ്ട് മടക്കി കുത്തുന്നതാണ് പോസ്, മോഹൻലാലിന്റെ ഒരു കോമൺ കേരളീയ ലുക്കാണ്. മലയാള സിനിമയുടെ രണ്ട് നെടുതൂണുകളുടെ പ്രതിമയ്ക്ക് നടുവിൽ നിൽക്കുന്നത് തന്നെ എത്രത്തോളം അഭിമാനമുള്ള നിമിഷമാണ് എന്ന് ഈ പോസ്റ്റിലൂടെ തിരിച്ചറിയാൻ സാധിക്കും.

അഭിനയത്തിൽ സജീവമായി നിന്ന സമയത്ത് മോഹൻലാലിനും മമ്മൂട്ടിയ്ക്കുമൊപ്പം അഭിനയിച്ചിട്ടുള്ള നടിയാണ് സംവൃത സുനിൽ. മോഹൻലാലിനൊപ്പം ചദ്രോത്സവം, ഹലോ എന്നീ ചിത്രങ്ങളിലാണ് സംവൃത അഭിനയിച്ചത്. നേരറിയാൻ സിബിഐ, പോത്തൻ വാവ പോലുള്ള മമ്മൂട്ടി സിനിമകളിലും സംവൃത ഭാഗമായിട്ടുണ്ട്.

വിവാഹത്തിന് ശേഷം അഭിനയത്തിൽ നിന്ന് ഒരു നീണ്ട ഗ്യാപ് എടുത്ത സംവൃത നായികാ നായകൻ എന്ന റിയാലിറ്റി ഷോയിലൂടെയാണ് തിരിച്ചുവരവ് നടത്തിയത്. അതിന് ശേഷം സത്യം പറഞ്ഞാൽ വിശ്വസിക്കുമോ എന്ന സിനിമയിൽ ബിജു മേനോന്റെ നായികയായി എത്തി. നല്ല അവസരങ്ങൾ ലഭിച്ചാൽ അഭിനയിക്കുന്നതിൽ സംവൃതയ്ക്ക് ഇപ്പോഴും താത്പര്യക്കുറവില്ല. എന്നിരുന്നാലും ഭർത്താവിനും മക്കൾക്കുമൊപ്പം വിദേശത്ത് താമസിക്കുന്നതിനാൽ എപ്പോഴും വന്ന് അഭിനയിക്കാൻ കഴിയില്ല എന്നുമാത്രം. അതുകൊണ്ടാണ് ഈ ബ്രേക്ക് നീണ്ടു പോകുന്നത്.