'മിഥുന് മാനുവല് സാറേ...സാറിന്റെ വീട് വില്ക്കേണ്ടി വരില്ല' ; വിനായകനൊപ്പമുളള പടം പാക്ക് അപ്പായി അടുത്തത് ആട് 3 യിലേക്ക് ; പോസ്റ്റുമായി ജയസൂര്യ
ജയസൂര്യയെ നായകനാക്കി മിഥുന് മാനുവല് തോമസ് സംവിധാനം ചെയ്ത ചിത്രമാണ് ആട്. ചിത്രത്തിന്റെ രണ്ടാം ഭാഗവും എത്തിയിരുന്നു. ചിത്രത്തിന്റെ മൂന്നാം ഭാഗത്തിന്റെ ചിത്രീകരണം നടക്കുകയാണ്. ഇതിനിടയില് ജയസൂര്യ സോഷ്യല് മീഡിയയില് പങ്കുവെച്ച പോസ്റ്റാണ് ശ്രദ്ധ നേടുന്നത്.
'അങ്ങനെ കുറേ നാളുകള്ക്ക് ശേഷം ഒരു ഫണ് ഫിലിം ചെയ്തു. അതും വര്ഷങ്ങളായിട്ടുള്ള എന്റെ സുഹൃത്ത് വിനായകന്റെ കൂടെയായപ്പൊ ഇരട്ടി സന്തോഷം. ജെയിംസേ... ഇനിയും ഒരുപാട് നല്ല സിനിമകള് എഴുതാന് പറ്റട്ടെ... പ്രിന്സേ ...നീ അടിപൊളി ഡയറക്ടറാടാ ചക്കരേ, നീ ഒരു പൊളി പൊളിയ്ക്കും. വിഷ്ണു... നീ നല്ല ഒരു സിനിമാട്ടോഗ്രാഫര് മാത്രമല്ല ഭാവിയില് ഒരു സംവിധായകന് കൂടിയാവാനുള്ള ഒരു മണം അടിക്കുന്നുണ്ട്.
പ്രിന്സ് ജോയ് സംവിധാനത്തില് വിനായകനും ജയസൂര്യയും പ്രധാന കഥാപാത്രങ്ങളെ അവതരിപ്പിക്കുന്ന സിനിമയുടെ ചിത്രീകരണം പൂര്ത്തിയായി. മിഥുന് മാനുവല് തോമസ് ആണ് സിനിമയുടെ നിര്മാണം. സിനിമയുടെ സംവിധായകനെയും അണിയറപ്രവര്ത്തകരെയും പ്രശംസിച്ച ജയസൂര്യ അടുത്തതായി ആട് 3 സെറ്റിലേക്ക് ആണെന്നും അറിയിച്ചു.
മിഥുന് മാനുവല് സാറേ...സാറിന്റെ വീട് വില്ക്കേണ്ടി വരില്ല എന്ന വിശ്വാസത്തോടെ ഞാന് ആട് 3 യിലേക്ക് വരുവാ. പാപ്പനും ഡ്യൂഡുമൊക്കെ അവടെ കാത്തിരിക്കുവാ എന്നും പറഞ്ഞ് സര്ബത്ത് ഷമീര് വിളിച്ചിരുന്നു.ഈ സിനിമയ്ക്ക് വേണ്ടി കട്ടയ്ക്ക് കൂടെ നിന്ന എല്ലാവര്ക്കും നന്ദി,' ജയസൂര്യ സോഷ്യല് മീഡിയയില് പോസ്റ്റ് ചെയ്ത പോസ്റ്റില് പറഞ്ഞു.
YOU MAY BE INTERESTED
LATEST NEWS
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
- നെല്സന്റെ സിനിമയില് കാമിയോ റോള് ചെയ്യാന് തയ്യാറാണ്; ട്രോളുകള് വാങ്ങിക്കൂട്ടി ലെജന്ഡ് ശരവണ
