രാജസ്ഥാനില് പുതിയതായി പണികഴിപ്പിച്ച റോഡ് തകര്ന്നു ; ഉദ്ഘാടനത്തിന് മുമ്പ് ഒലിച്ചുപോയി
ജയ്പൂര്: രാജസ്ഥാനിലെ ജുന്ജുനു ജില്ലയില് പുതുതായി നിര്മിച്ച സംസ്ഥാനപാത ഉദ്ഘാടനത്തിനായി കാത്തിരിക്കെ ഒലിച്ചുപോയി. ജില്ലയിലെ ഉദയ്പൂര്വതിയിലെ ബാഗുലി എന്ന പ്രദേശത്തുകൂടി കടന്നുപോകുന്ന കട്ലി നദിയിലെ ഒഴുക്ക് ശക്തമായി കരയിലേക്ക് കയറിയതോടെയാണ് നദിക്കൊപ്പം റോഡ് പോയത്. ഞായറാഴ്ച പെയ്ത കനത്ത മഴയെ തുടര്ന്ന് ജലനിരപ്പും ഉയര്ന്നു.
86 മില്ലിമീറ്റര് മഴ പെയ്തതായി കാലാവസ്ഥാ നിരീക്ഷണ കേന്ദ്രം അറിയിച്ചു. നദിയുടെ ശക്തമായ ഒഴുക്ക് പുതുതായി നിര്മ്മിച്ച റോഡിലേക്ക് കയറിയൊഴുകുകയും അതിന്റെ വലിയൊരു ഭാഗം അപഹരിക്കുകയും ചെയ്തു. സികര് ജുന്ജുനു, ചുരു ജില്ലകളിലൂടെ ഒഴുകുന്ന ഒരു സീസണല് നദിയാണ് കട്ലി. സമീപകാലത്തായി പുഴയില് കൈയേറ്റം വര്ധിച്ചുവരികയാണ്. കൈയേറ്റങ്ങളില് നിന്നും അനധികൃത മണല്-ചരല് ഖനനത്തിനെതിമര മോചിപ്പിക്കാന് സംസ്ഥാന ഭരണകൂടം ഒരു യജ്ഞം പോലും ആരംഭിച്ചിരുന്നു. അയല്പക്കത്തുള്ള ബാഗുലിയിലെയും ജഹാജിലെയും ഗ്രാമങ്ങളില് നിന്നുള്ള ആളുകള് ഈ കാഴ്ച കാണാന് ഓടിയെത്തി, വീഡിയോകള് ചെയ്തു. അവ പിന്നീട് സോഷ്യല് മീഡിയയില് പ്രത്യക്ഷപ്പെടുന്നു.
റോഡിന്റെ തകര്ച്ചയില് ഒരു വൈദ്യുത തൂണും വെള്ളത്തിലേക്ക് വീണതായി ഒരു വീഡിയോയില് കാണാം. ജുന്ജുനുവിലേക്കും സിക്കറിലേക്കും പോകുന്ന ദേശീയ പാത 52 മായി ബാഗുലിയെയും ജഹാജിനെയും ബന്ധിപ്പിക്കുന്നതിന് ആറുമാസം മുമ്പ് സംസ്ഥാന പാത നിര്മ്മിച്ചു. ഉപയോഗിച്ച നിര്മാണ സാമഗ്രികളുടെ ഗുണനിലവാരം സംബന്ധിച്ച് ഞായറാഴ്ചത്തെ സംഭവം ചോദ്യമുയര്ത്തിയിട്ടുണ്ട്. പൊതുമരാമത്ത് വകുപ്പിന്റെ സംഘം റോഡ് പരിശോധിച്ച് റിപ്പോര്ട്ട് സമര്പ്പിക്കാനാണ് സാധ്യത.
LATEST NEWS
- കല്യാണമണ്ഡപത്തില് കയറി ഗുണ്ടയെ പോലീസ് പിടികൂടി; സ്റ്റേഷനില് വിവാഹം നടത്തിത്തരണമെന്ന് ആവശ്യപ്പെട്ട് വധു
- ഇറാനിലെ ഖാര്ഗ്ദ്വീപ് ആക്രമിച്ചെന്ന് ട്രംപ് ; ലക്ഷ്യമിട്ടത് സൈനിക കേന്ദ്രങ്ങളെന്ന് വിശദീകരണം
- സ്ത്രീകള്ക്ക് മാത്രമല്ല മുതിര്ന്ന പൗരന്മാര്ക്കും സൗജന്യയാത്ര ; രാഹുലിന്റെ നിര്ദേശം ഏറ്റെടുക്കാന് എല്ഡിഎഫും
- കുടുംബവാഴ്ചയും അഴിമതിയും ; കോണ്ഗ്രസും സിപിഎമ്മും ഒന്നാണെന്ന് രാജീവ് ചന്ദ്രശേഖര്
- പ്രതിസന്ധിയില് ആശ്വാസം ; 40,000 മെട്രിക് ടണ് എല്പിജിയുമായി കപ്പല് ഹോര്മുസ് കടന്നു
