‘‘ചപ്പാത്തി നഹീ...ചോർ ചോർ, ഐ ആം ചോര് നോ കഞ്ഞി; രമണനായി പൊളിച്ചടുക്കി വിദ്യാ ബാലൻ; കൈയടിച്ച് ഏറ്റെടുത്ത് ആരാധകര്
മലയാളിയായി ജനിച്ച് ബോളിവുഡില് താരറാണിയായി മാറിയ അഭിനേത്രിയാണ് വിദ്യാ ബാലന്. അഭിനയിച്ച കഥാപാത്രങ്ങളിലൂടെ വിദ്യാ ബാലന് തന്റേതായ ഒരു ഐഡന്റിറ്റി ബോളിവുഡില് സൃഷ്ടിച്ചെടുത്തിട്ടുണ്ട്. സോഷ്യല് മീഡിയയിലും സജീവമാണ് താരം. തമാശ കലര്ന്ന റീല്സ് വീഡിയോകള് പങ്കിട്ടാണ് വിദ്യ സോഷ്യല് മീഡിയയില് നിറഞ്ഞു നില്ക്കുന്നത്. താരം പങ്കിടുന്ന റീല്സ് വീഡിയോകള്ക്ക് ആരാധകര്ക്കിടയില് വലിയ സ്വീകാര്യതയുമുണ്ട്.
ഇപ്പോഴിതാ, പഞ്ചാബി ഹൗസിൽ നമ്മെയെല്ലാം ചിരിപ്പിച്ച രമണന്റെ ഒരു സീൻ അഭിനയിച്ചു കാണിക്കുകയാണ് വിദ്യാ ബാലൻ. പഞ്ചാബി ഹൗസിലെ പ്രേക്ഷകരെ കുടുകുടെ ചിരിപ്പിച്ച ഹരിശ്രീ അശോകന്റെ കോമഡി രംഗമാണ് താരം അതേപടി അനുകരിക്കുന്നത്. ഹിന്ദി അറിയാത്ത ഹരിശ്രീ അശോകന് ‘ചപ്പാത്തി നഹീ..ചോർ ചോർ’ ചോദിക്കുന്ന രംഗമാണ് വിദ്യ അടിപൊളിയാക്കിയത്. ‘യെ ചപ്പാത്തി നഹീ നഹീ, എനിക്ക് ചോര് ചോര്, ഐ ആം ചോര് നോ കഞ്ഞി...’ എന്ന് പറയുന്നത് വിദ്യാ ബാലന് വളരെ രസകരമായിത്തന്നെ അനുകരിച്ചു കാണിക്കുന്നുണ്ട്.
താരത്തിന്റെ റീല്സ് വീഡിയോകള്ക്ക് ആരാധകര്ക്കിടയില് വലിയൊരു റീച്ചുണ്ട്. അതുകൊണ്ട് തന്നെ ഇതും പതിവ് പോലെ ഏറ്റെടുക്കുകയാണ് ആരാധകര്. മലയാള സിനിമയിലെ രംഗം അവതരിപ്പിച്ചതു കൊണ്ട് മലയാളികള്ക്കിടയിലും തരംഗമാകുകയാണ് വിദ്യാ ബാലന്റെ പുതിയ റീല്സ്.
ഐശ്വര്യലക്ഷ്മി, മിയ ജോര്ജ്, ആര്യ ബഡായി, അനുമോള് എന്നിവരടക്കം പല മലയാള താരങ്ങളും കമന്റുകള് കുറിക്കുന്നുണ്ട്. വിദ്യ രമണനെ അടിപൊളിയാക്കി എന്നാണ് പല ആരാധകരും കുറിക്കുന്ന കമന്റ്.
മലയാളികള്ക്ക് ചിരിയുടെ ഒരു പര്യായമാണ് പഞ്ചാബി ഹൗസിലെ രമണൻ. തുടക്കം മുതല് ചിരിയുടെ മാലപടക്കം പൊട്ടിക്കുന്ന രമണനെ എത്ര ആവർത്തി കണ്ടാലും മതിവരില്ല. ഹരിശ്രീ അശോകൻ അനശ്വരമാക്കിയ ഈ കഥാപാത്രത്തിന് ഇന്നും നൂറില് നൂറു മാര്ക്കാണ്. 1998-ൽ പുറത്തിറങ്ങിയ റാഫി മെക്കാര്ട്ടിന്റെ ‘പഞ്ചാബിഹൗസ്’ ആ വര്ഷം ഏറ്റവുമധികം കളക്ഷന് നേടിയ സിനിമകളിലൊന്നായിരുന്നു. ദിലീപിന്റെ മികച്ചൊരു നായകവേഷം കൂടിയായിരുന്നു ആ ചിത്രം. കൊച്ചിന് ഹനീഫ, തിലകന്, ലാല്, മോഹിനി, ജോമോള്, ജനാര്ദ്ദനന്, എന്.എഫ്. വര്ഗീസ്, ഇന്ദ്രന്സ് തുടങ്ങിയവര്ക്കെല്ലാം പ്രേക്ഷകര് എക്കാലവും ഓര്ത്തിരിക്കുന്ന കഥാപാത്രങ്ങളാണ് ഈ സിനിമയിലുള്ളത്.
YOU MAY BE INTERESTED
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
