കേരളാസര്വകലാശാലയില് എസ്എഫ്ഐ യുടെ പ്രതിഷേധം ; വൈസ്ചാന്സലറിന്റെ ചേംബറില് കയറാന് ശ്രമം
തിരുവനന്തപുരം: കേരളാസര്വകലാശാലയിലും എസ്എഫ്ഐയുടെ ശക്തമായ പ്രതിഷേധം. മാര്ച്ചുമായി എത്തിയ എസ്എഫ്ഐ പ്രവര്ത്തകര് പോലീസിന്റെ വിവിധ പ്രതിരോധങ്ങള് മറികടന്ന് പ്രധാനഗേറ്റിലൂടെയും മതില്ചാടിക്കടന്നും വളപ്പിലൂടെ സര്വകലാശാലയ്ക്ക് ഉള്ളില് കടക്കുകയും വിസിയുടെ മുറി ലക്ഷ്യമിട്ട് നീങ്ങുകയും ചെയ്തതോടെ പോലീസ് അറസ്റ്റ് ചെയ്തു നീക്കി.
പോലീസിന്റെ മൂന്ന് തവണയുള്ള ജലപീരങ്കി മറികടന്ന് സര്വകലാശാലയുടെ പല ഭാഗത്തു കൂടി അകത്തുകടക്കുകയും വിസിയുടെ മുറിക്ക് സമീപം എത്തുകയും ചെയ്തു. സര്വകലാശാലയുടെ അകത്തും പുറത്തും ഒരുപോലെ പ്രതിഷേധം നടത്തി. വൈസ് ചാന്സലര് മോഹന് കുന്നുമ്മല് റഷ്യന് പര്യടനത്തിന് പോയിരിക്കുകയാണ് പകരം ചുമതല നല്കിയ സിസാ തോമസ് എത്തിയിട്ടുമില്ല.
ആണ്കുട്ടികളും പെണ്കുട്ടികളും ജില്ലാനേതാക്കളുമൊക്കെ ഉള്പ്പെടെ വലിയ സംഘമാണ് പ്രതിഷേധവുമായി എത്തിയത്. ക്യാമ്പസിന്റെ പ്രധാനവാതില് തള്ളിത്തുറന്ന് അകത്തേക്ക് കയറിയ സംഘം വാതില് തള്ളിത്തുറക്കാന് ശ്രമം നടത്തി. നൂറിലധികം വരുന്ന എസ്എഫ്്ഐ പ്രവര്ത്തകരാണ് വി.സി.യുടെ ചേംബറിലേക്ക് കയറാന് ശ്രമം നടത്തിയത്. തുടര്ന്ന് ക്യാംപസ് വളഞ്ഞ് എസ്എഫ്ഐ പ്രതിഷേധിച്ചു. പോലീസിനെ നോക്കുകുത്തിയാക്കിക്കൊണ്ടായിരുന്നു എസ്എഫ്ഐ പ്രവര്ത്തകരുടെ പ്രതിഷേധം നടന്നത്. വിസിയുടെ ചേംബറിന് മുന്നില് വൈസ് ചാന്സലര്ക്ക് എതിരേ ശക്തമായി മുദ്രാവാക്യം വിളിച്ചു. ഒടുവില് പോലീസ് വിദ്യാര്ത്ഥികളെ അറസ്റ്റ് ചെയ്തു നീക്കി.
YOU MAY BE INTERESTED
LATEST NEWS
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
