' മലയാളികള് കഴിവുളളവരെ ആദ്യം പുച്ഛിക്കുകയാണ് പതിവ്, അനുപമയും ദുല്ഖറും ഉദാഹരണം' ; മാധവ് സുരേഷ്
മലയാളികള് കഴിവുളളവരെ ആദ്യം പുച്ഛിക്കുകയാണ് പതിവെന്ന് നടന് മാധവ് സുരേഷ്. കഴിവുളളവരെ മലയാളികള് ആദ്യം അംഗീകരിക്കില്ലെന്നും അവരെ കൂവി ഓടിക്കുമെന്നും സൈബര് ആക്രമണം കാരണം തെലുങ്കിലേക്ക് പോയ അനുപമ പിന്നീട് അവിടെ തിരക്കുളള നടിയായി മാറിയെന്നും മാധവ് പറഞ്ഞു. മറ്റൊരു ഉദാഹരണമാണ് ദുല്ഖര് സല്മാനെന്നും മാധവ് കൂട്ടിച്ചേര്ത്തു. ഒരു അഭിമുഖത്തിലായിരുന്നു നടന്റെ പ്രതികരണം.
'ചെറിയ പ്രായത്തില് സിനിമയിലെത്തിയ നടിയാണ് അനുപമ. ആദ്യത്തെ സിനിമയിലൂടെ തന്നെ വലിയ തരംഗമായി മാറി. എല്ലാവരുടെ ഇടയിലും അനുപമ ക്രഷായി മാറി. ആദ്യത്തെ സിനിമ ഇന്ഡസ്ട്രിയിലെ സെന്സേഷണല് ഹിറ്റായിരുന്നു. എന്നാല് പിന്നീട് അവര്ക്ക് നേരെ നടന്നത് എന്താണ്. വലിയ രീതിയില് സൈബര് ബുള്ളിയിങ് നേരിടേണ്ടി വന്നു.
അതിന് ശേഷം അനുപമ മറ്റ് ഭാഷയിലേക്ക് പോയി. തെലുങ്കില് അവര്ക്ക് കൈനിറയെ അവസരങ്ങള് കിട്ടി. അവിടത്തെ സൂപ്പര്സ്റ്റാര് ലെവലിലേക്ക് അനുപമ മാറി. പിന്നീട് ഇപ്പോഴാണ് അവര് മറ്റൊരു മലയാളസിനിമ ചെയ്യുന്നത്. മലയാളികള് അല്ലെങ്കിലും കഴിവുള്ളവരെ ആദ്യം പുച്ഛിക്കുകയാണ് പതിവ്. മറ്റൊരു ഉദാഹരണമായി പറയാന് കഴിയുന്ന നടനാണ് ദുല്ഖര് സല്മാന്.
എനിക്ക് ആ പേര് പറയാന് റൈറ്റ്സ് ഉള്ളതുകൊണ്ട് മാത്രമാണ് ആ പേര് മെന്ഷന് ചെയ്തത്. സെക്കന്ഡ് ഷോ എന്ന സിനിമയുടെ റിലീസിന് ശേഷം ദുല്ഖറിനെ കൂവിയോടിച്ചവരുണ്ട്. അതേ സ്ഥലത്ത് പിന്നീട് ദുല്ഖറിനെ കാണാന് ആയിരങ്ങള് തടിച്ചുകൂടി. ഇതാണ് മലയാളികളുടെ സ്വഭാവം. കണ്ണുള്ളപ്പോള് അതിന്റെ വിലയറിയില്ല. പോകുമ്പോഴാകും അവരുടെ മൂല്യം മനസിലാവുക' എന്നും മാധവ് സുരേഷ് പറഞ്ഞു.
YOU MAY BE INTERESTED
LATEST NEWS
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
- നെല്സന്റെ സിനിമയില് കാമിയോ റോള് ചെയ്യാന് തയ്യാറാണ്; ട്രോളുകള് വാങ്ങിക്കൂട്ടി ലെജന്ഡ് ശരവണ
