‘‘നിർത്തിക്കോ; എഐ നമ്മുടെ കൈക്കുമ്പിളിലുണ്ടെന്നുകരുതി വല്ലാതെ കളിക്കരുത്; ഇതിനെതിരെ ഞങ്ങള് പ്രതികരിക്കും...’’ വീഡിയോയുമായി ജീവ ജോസഫ്
മലയാളത്തില് അവതാരകരായി പ്രേക്ഷകരുടെ മുന്നിലെത്തി പിന്നീട് ഹൃദയം കീഴടക്കിയ ഒരുപാട് താരങ്ങളുണ്ട്. ഒരു ഷോയിലെ ഏറ്റവും വലിയ പ്ലസ് പോയിന്റ് അത് പ്രേക്ഷകര്ക്കിഷ്ടപ്പെട്ട രീതിയില് അവതരിപ്പിക്കുന്ന അവതാരകരാണ്. അക്കൂട്ടത്തില് എടുത്തു പറയാവുന്ന ഒരു ജനപ്രിയ അവതാരകനാണ് ജീവ ജോസഫ്. നടനാകാൻ ആഗ്രഹിച്ച ജീവ ആങ്കറിംഗിലേക്കാണ് എത്തിയത്. എന്നാല് അവിടെയും പ്രേക്ഷകരുടെ കൈയടി നേടാന് ജീവയ്ക്ക് കഴിഞ്ഞു. ചിരിക്കാന് വകയുള്ള കണ്ടന്റുകള് ഒരുക്കി, ഒരു ഷോയെ ജീവനുള്ളതാക്കി മാറ്റാന് ജീവയ്ക്ക് കഴിയാറുണ്ട്.
സൂര്യ ടിവിയില് തുടക്കം കുറിച്ച് പിന്നീട് സരിഗമപയിലൂടെ ആരാധകരുടെ മനസ്സ് കീഴടക്കിയ ജീവ സോഷ്യല് മീഡിയയിലും നിറഞ്ഞു നില്ക്കുന്ന താരമാണ്. ചില സിനിമകളിൽ ചെറുതും വലുതുമായ വേഷങ്ങൾ ചെയ്തിട്ടുണ്ട് ജീവ. ജീവയുടെ ഭാര്യയും നടിയും അവതാരകയുമായ അപര്ണ്ണയും സോഷ്യല് മീഡിയയില് നിറഞ്ഞു നില്ക്കുന്ന ഏറെ ആരാധകരുള്ള സെലിബ്രിറ്റി കപ്പിൾസ് കൂടിയാണ്.
അമല്, വിഷ്ണു, അഖില് തുടങ്ങിയ പേരുള്ള നിരവധി പേരുണ്ട്, അതുകൊണ്ടു തന്നെ സോഷ്യല് മീഡിയയില് സ്ഥിരം ട്രോളുകള് ഏറ്റുവാങ്ങാറുള്ള പേരുകളുമാണിത്. ഈ പേരുകള്വച്ചുള്ള എ ഐ വീഡിയോകളും സോഷ്യല് മീഡിയയില് വൈറലാകാറുണ്ട്.
ഇപ്പോഴിതാ ജീവ പങ്കിട്ടതും ഈ പേരുകളെ സംബന്ധിച്ചുള്ള ഒരു വീഡിയോയാണ്. എഐ വീഡിയോകള്ക്കും ട്രോളുകള്ക്കുമെതിരെ രംഗത്തെത്തിയ ജീവ ഈ പേരുകാരെ കളിയാക്കുന്നത് എ ഐ നിർത്തണമെന്നും ഇതൊരു മുന്നറിയിപ്പായി കാണണമെന്നുമാണ് പറയുന്നത്. ഇൻസ്റ്റഗ്രാം വീഡിയോയിലൂടെയാണ് താരം തന്റെ അഭിപ്രായം പറഞ്ഞത്.
‘‘വളരെ സീരിയസായിട്ടുള്ളൊരു കാര്യമാണ് എനിക്ക് പറയാനുള്ളത്. ഇതൊരു മുന്നറിയിപ്പായി കണക്കാക്കണം. കഴിഞ്ഞ കുറച്ച് മാസങ്ങളായി, ആദ്യമൊക്കെ പോസ്റ്റായിരുന്നു. ഇപ്പോഴത് എ ഐ വീഡിയോകളായി തുടങ്ങിയിട്ടുണ്ട്. വിഷ്ണുവും അമലും അഖിലും കുളിക്കടവില് ഒളിഞ്ഞുനോക്കി, മറ്റേത് ചെയ്തെന്നൊക്കെ പറയുന്നു. അപ്പോള് നിങ്ങള് ചോദിക്കും ഇതിനകത്ത് എനിക്കെന്താ കാര്യമെന്ന്. അറിയുന്നവർക്ക് അറിയാം. നിർത്തിക്കോ. എ ഐ നമ്മുടെ കൈക്കുമ്പിളിലുണ്ടെന്നുകരുതി വല്ലാതെ കളിക്കരുത്. ഇതിനെതിരെ ഞങ്ങള് പ്രതികരിക്കും...’’ ജീവ പറഞ്ഞു.
LATEST NEWS
- ‘ഒരു വരി ‘രഞ്ജിത്ത്’ ഡയലോഗെങ്കിലും പറയണമെന്ന് സിനിമ ആഗ്രഹിച്ചു തുടങ്ങിയ അന്ന് മുതൽ സ്വപ്നം കണ്ടതാണ്; ഇന്നിപ്പോള് അതും നടന്നു...’ കുറിപ്പുമായി ആനന്ദ് മന്മഥൻ
- ക്രോസ് നെക്ക് വൈറ്റ് ഡ്രസ്സില് പേര്ളി; ട്വിന്നിംഗില് നിളയും നിതാരയും; റൊമാന്റിക്കായി പേര്ളിയെ ചേര്ത്തു പിടിച്ച് ശ്രീനിഷ്; ഫാമിലി ഫോട്ടോഷൂട്ട് ഇന് ക്രൂയിസ് ട്രെന്ഡിംഗ്
- ഇയാൾ ഇപ്പോഴാണോ കളിയും കഴിഞ്ഞ് ഇറങ്ങണേ എന്ന് കമന്റ്; ‘ചിത്രം എടുത്തവന് ഇന്നാണ് അയച്ച് തന്നത് ബ്രോ’ എന്ന വൈറല് മറുപടി നല്കി ആന്റണി പെപ്പെ
- ‘എനിക്ക് അത്രമേൽ ഇഷ്ടപ്പെട്ട ചില വസ്ത്രങ്ങള്...’ സല്വാറിലും സാരിയിലും അതിസുന്ദരിയായി സായ് പല്ലവി; മിനിമല് മേക്കപ്പില് നിറചിരിയോടെ താരം
- നടന് രണ്ദീപ് ഹൂഡയ്ക്കും ലിന് ലൈഷ്റാമിനും പെണ്കുഞ്ഞ് പിറന്നു; സന്തോഷവാര്ത്ത പങ്കുവെച്ച് താരങ്ങള്
