‘‘കുറുക്കുവഴികളെയോ സ്വാധീനത്തെയോ ഒരിക്കലും ആശ്രയിക്കരുതെന്ന് അദ്ദേഹം എന്നെ പഠിപ്പിച്ചു...’’ അച്ഛന് ഫാദേഴ്സ് ഡേ ആശംസകള്‍ കുറിച്ച് വിരാട് കോഹ്ലി

ഏറെ ആരാധകരുള്ള കായികതാരമായ വിരാട് കോഹ്ലി ഇപ്പോഴിതാ ‘ഫാദേഴ്സ് ഡേ’ ആശംസകള്‍ പങ്കിടുകയാണ് താരം. ഹൃദയത്തില്‍ ചാലിച്ച കുറിപ്പിനൊപ്പം അച്ഛനൊപ്പമുള്ള ത്രോബാക്ക് ചിത്രവും താരം പങ്കുവച്ചിട്ടുണ്ട്.

Virat Kohli, Virat Kohli's father's day wishes to Prem Nath Kohli

Virat Kohli father's day wishes to his father (Image Source: Instagram)

കായികപ്രേമികള്‍ മാത്രമല്ല ഒട്ടുമിക്കവരും ആരാധനയോടെ നോക്കിക്കാണുന്ന താരമാണ് വിരാട് കോഹ്ലി. ലോക ക്രിക്കറ്റ്‌ ചരിത്രത്തിലെ ഏറ്റവും മികച്ച ബാറ്റ്സ്മാൻമാരിൽ ഒരാളായ താരം ഇന്ത്യൻ അന്താരാഷ്ട്ര ക്രിക്കറ്റ് താരവും ഇന്ത്യൻ ക്രിക്കറ്റ് ടീം മുൻ ക്യാപ്റ്റനുമാണ് സൂപ്പർതാരം വിരാട് കോഹ്ലി തന്റെ 14 വർഷമായിട്ടുള്ള ടെസ്റ്റ് ക്രിക്കറ്റിൽ നിന്നും പടിയിറങ്ങുകയാണെന്ന് പ്രഖ്യാപിച്ചിരുന്നു. തന്റെ 18 വര്‍ഷത്തെ കാത്തിരിപ്പിന് ശേഷം റോയൽ ചലഞ്ചേഴ്‌സ് ബാംഗ്ലൂരിനു വേണ്ടി 2025 ലെ ഐ‌പി‌എൽ കിരീടം നേടാന്‍ വിരാടിന് കഴിഞ്ഞു.
ഇപ്പോഴിതാ ഫാദേഴ്സ് ഡേ ദിനത്തില്‍ അച്ഛന് വേണ്ടി ഹൃദയത്തില്‍ ചാലിച്ച കുറിപ്പ് പങ്കിടുകയാണ് വിരാട് കോഹ്ലി. ‘‘കുറുക്കുവഴികളെയോ സ്വാധീനത്തെയോ ഒരിക്കലും ആശ്രയിക്കരുതെന്ന് അദ്ദേഹം എന്നെ പഠിപ്പിച്ചു... കാരണം നിങ്ങൾക്ക് അത് ശരിക്കും ഉണ്ടെങ്കിൽ, കഠിനാധ്വാനം അത് തെളിയിക്കും. നിങ്ങൾക്ക് അതിനായി പ്രവർത്തിക്കാനുള്ള മനസ്സില്ലെങ്കിൽ, ഒരുപക്ഷേ നിങ്ങൾ ഇതുവരെ അതിന് അർഹനല്ലായിരിക്കാം. ഒരിക്കൽ എനിക്ക് ഒരു എളുപ്പവഴി വാഗ്ദാനം ചെയ്തപ്പോൾ, അദ്ദേഹം അത് നിരസിച്ചു. ശാന്തമായ ബോധ്യത്തോടെ അദ്ദേഹം പറഞ്ഞു, ‘‘നിങ്ങൾ മതിയായ ആളാണെങ്കിൽ, നിങ്ങൾ നിങ്ങളുടെ വഴി കണ്ടെത്തും. ഇല്ലെങ്കിൽ, അത് നേരത്തെ അറിയുന്നതാണ് നല്ലത്...’’ ആ ഒരു നിമിഷം ഞാൻ എങ്ങനെ ജീവിക്കുന്നു, ജോലി ചെയ്യുന്നു, ലോകത്ത് എങ്ങനെ പ്രത്യക്ഷപ്പെടുന്നു എന്നതിനെ രൂപപ്പെടുത്തി. നമ്മുടെ ജീവിതകാലം മുഴുവൻ നിലനിൽക്കുന്ന ഒരു ദിശയായി മാറുന്ന ശാന്തമായ ശക്തിയുടെ എല്ലാ അച്ഛന്മാര്‍ക്കും ഹാപ്പി ഫാദേഴ്സ് ഡേ...’’ അച്ഛനൊപ്പമുള്ള ത്രോബാക്ക് ചിത്രം പങ്കിട്ട് വിരാട് കോഹ്ലി കുറിച്ചു.