ഡിജിപി പ്രാഥമിക പട്ടിക സര്വ്വീസ് നിയമം അനുസരിച്ച്; മനോജ് എബ്രഹാമിനെതിരായ ഹര്ജി തള്ളി
കൊച്ചി : പുതിയ പോലീസ് മേധാവിയായി തിരഞ്ഞെടുക്കാനുള്ളവരുടെ പട്ടികയിൽനിന്നു മുതിർന്ന ഐപിഎസ് ഉദ്യോഗസ്ഥൻ മനോജ് എബ്രഹാമിനെതിരെ നല്കിയ ഹര്ജി തള്ളി ഹൈക്കോടതി. സർവീസ് വിഷയമായതിനാൽ സെൻട്രൽ അഡ്മിനിസ്ട്രേറ്റീവ് ട്രൈബ്യൂണലിനെയാണ് സമീപിക്കേണ്ടതും ഹൈക്കോടതിയിൽ ഹർജി നിലനിൽക്കില്ലെന്നും വ്യക്തമാക്കിയാണ് ജസ്റ്റിസ് എൻ.നഗരേഷ് ഹർജി തള്ളിയത്.
ഇക്കഴിഞ്ഞ ഏപ്രില് മാസമായിരുന്നു മനോജ് എബ്രഹാമിന് സ്ഥാനക്കയറ്റം നല്കിയത്. ഡിജിപി റാങ്കില് ഫയര്ഫോഴ്സ് മേധാവിയായായിരുന്നു സ്ഥാനക്കയറ്റം. ഇതിന് പിന്നാലെ മനോജ് എബ്രഹാമിനെ വിജിലന്സ് മേധാവിയായി നിയമിക്കുകയായിരുന്നു. 1994 ബാച്ച് ഐപിഎസ് ഉദ്യോഗസ്ഥനാണ് മനോജ് എബ്രഹാം. മുന്പ് ഇന്റലിജന്സ് എഡിജിപി, ക്രമസമാധാന വിഭാഗം എഡിജിപി തുടങ്ങിയ പദവികള് മനോജ് എബ്രഹാം വഹിച്ചിട്ടുണ്ട്.
ഡിജിപി സ്ഥാനത്തേയ്ക്ക് പരിഗണിക്കാന് കേരളം കേന്ദ്രത്തിന് ശുപാര്ശ നല്കിയിട്ടുള്ള ആറ് പേരുടെ പട്ടികയില് മനോജ് എബ്രഹാമും ഉള്പ്പെട്ടിരുന്നു. സംസ്ഥാന പൊലീസ് മേധാവി ഷെയ്ഖ് ദര്വേഷ് സാഹിബിന്റെ കാലാവധി 2025 ജൂണ് 31 അവസാനിക്കാനിരിക്കെയാണ് ആറുപേരുടെ പ്രാഥമിക പട്ടിക തയ്യാറാക്കി സംസ്ഥാനം യുപിഎസ്സിക്ക് കൈമാറിയത്. റോഡ് സുരക്ഷാ കമ്മീഷണറായ നിതിന് അഗര്വാളാണ് പട്ടികയിലെ ഒന്നാമന്. ഐബി ഡെപ്യൂട്ടി ഡയറക്ടര് രവഡ ചന്ദ്രശേഖറാണ് രണ്ടാമന്. സംസ്ഥാന ഫയര്ഫോഴ്സ് മേധാവി യോഗേഷ് ഗുപ്തയാണ് മൂന്നാമന്. സംസ്ഥാന വിജിലന്സ് ഡയറക്ടര് മനോജ് എബ്രഹാം പട്ടികയില് നാലാമതാണ്. സുരേഷ് രാജ് പുരോഹിതന് ആണ് അഞ്ചാമന്. എഡിജിപി എം ആര് അജിത് കുമാര് ആണ് പട്ടികയില് ആറാം സ്ഥാനത്ത്. ഇതില് മൂന്ന് പേരുകള് കേന്ദ്രം തിരിച്ചയയ്ക്കുന്നതില് നിന്നാകും സംസ്ഥാന സര്ക്കാര് പൊലീസ് മേധാവിയെ നിശ്ചയിക്കുന്നത്.
YOU MAY BE INTERESTED
LATEST NEWS
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- എലത്തൂരില് മന്ത്രി എ.കെ. ശശീന്ദ്രന് മത്സരിക്കണോ? തീരുമാനം നീളുന്നു, തെരഞ്ഞെടുപ്പ് വിജ്ഞാപനം വരുന്നതിനുമുമ്പ് പ്രശ്നങ്ങള് തീര്ക്കണമെന്നു സിപിഎം
