അന്വേഷണ റിപ്പോർട്ടിലെ കുറ്റപ്പെടുത്തലുകൾ തള്ളി പൊലീസ് ഉദ്യോഗസ്ഥർ; മാമി തിരോധാന കേസിൽ ആദ്യ ഘട്ടത്തിൽ വീഴ്ചയുണ്ടായില്ല'
മാമി തിരോധാനക്കേസ് അന്വേഷണത്തില് വീഴ്ചയില്ലെന്ന് ആദ്യ അന്വേഷണ സംഘത്തിന്റെ വിശദീകരണം. മനപൂര്വ്വമായി വീഴ്ച വരുത്തിയിട്ടില്ലെന്നാണ് നടക്കാവ് പോലീസ് സ്റ്റേഷനിലെ മുന് ഉദ്യോഗസ്ഥര് വിശദീകരണം നല്കിയത്. മാമിയെ അവസാനമായി കണ്ട അരയിടത്തുപാലത്തെ സിസിടിവി ദൃശ്യങ്ങള് പരിശോധിച്ചതായും വകുപ്പ് തല അന്വേഷണം നടത്തിയ എ സി പിക്ക് ഉദ്യോഗസ്ഥര് നല്കിയ വിശദീകരണത്തില് പറയുന്നു. കേസന്വേഷണത്തില് ലോക്കല് പോലീസിന് വീഴ്ച പറ്റിയെന്നായിരുന്നു വകുപ്പ് തല അന്വേഷണത്തിലെ കണ്ടെത്തല്.
മാമിയെ അവസാനമായി കണ്ട അരയിടത്തു പാലം സി ഡി ടവറിലെ സിസിടിവി ദൃശ്യങ്ങള് പരിശോധിച്ചില്ല, മാമിയുടെ ഡ്രൈവറുടെ വീട്ടിലെ സിസിടിവി ദൃശ്യങ്ങള് ആദ്യ സമയത്ത് പരിശോധിക്കുന്നതില് വീഴ്ച സംഭവിച്ചു- ഇതായിരുന്നു മാമി തിരോധാന കേസിൽ അന്വേഷണത്തില് ലോക്കല് പോലീസിന് സംഭവിച്ച വീഴ്ചയായി വകുപ്പ് തല അന്വേഷണ റിപ്പോര്ട്ടില് അക്കമിട്ട് പറഞ്ഞത്. നടക്കാവ് മുന് എസ്എച്ച്ഒ പി.കെ.ജിജീഷ്, എസ്ഐ ബിനു മോഹന്, സീനിയര് സിപിഒമാരായ ശ്രീകാന്ത്, കെ.കെ.ബിജു എന്നിവര്ക്കെതിരെയായിരുന്നു പരാമര്ശം.
എന്നാല് പ്രാഥമിക അന്വേഷണത്തില് വീഴ്ചയുണ്ടായിട്ടില്ലെന്നാണ് ആരോപണ വിധേയരായ ഉദ്യോഗസ്ഥര് വകുപ്പ് തല അന്വേഷണം നടത്തിയ അസിസ്റ്റന്റ് കമ്മീഷണര്ക്ക് നല്കിയ വിശദീകരണ മറുപടിയില് പറയുന്നത്.
YOU MAY BE INTERESTED
LATEST NEWS
- ക്ഷേത്ര വഞ്ചി കുത്തിത്തുറന്ന് കവർച്ച: മുൻ മേൽശാന്തി പിടിയിൽ
- ടെലിവിഷന് താരം റോബിന് രാധാകൃഷ്ണന് മത്സരിച്ചേക്കും ; 20 സീറ്റുകള് സെലിബ്രിട്ടികള്ക്ക് നല്കാന് ബിജെപി
- 'മറ്റാരുണ്ട് എല്ഡിഎഫ് അല്ലാതെ' ; മൂന്നാം അങ്കത്തിന് പുതിയ പരസ്യവാചകവുമായി എല്ഡിഎഫ്
- മുഖ്യമന്ത്രിയെ വിളിച്ചിട്ടുണ്ട്, മരുമകനെയും വിളിക്കണമെന്ന് എന്താണ് നിര്ബ്ബന്ധം ; പ്രതികരിച്ച് രാജീവ് ചന്ദ്രശേഖര്
- പുതിയ പോര്മുഖം തുറന്ന് കേന്ദ്രവും സംസ്ഥാനവും ; മോദിയുടെ ദേശീയപാത ഉദ്ഘാടനം ബഹിഷ്ക്കരിക്കാന് മന്ത്രിമാര്
