ഇന്ത്യന്‍ സൈന്യത്തിന് ജയ് ഹിന്ദ്, നിങ്ങള്‍ ഒരിക്കലും തലകുനിക്കരുത്; ഓപ്പ​റേഷന്‍ സിന്ദൂറില്‍ അമിതാഭ് ബച്ചന്‍

ഓപ്പറേഷൻ സിന്ദൂറിൽ പ്രതികരണവുമായി നടൻ അമിതാഭ് ബച്ചൻ. തന്റെ അച്ഛൻ ഹരിവംശ് റായ് ബച്ചൻ എഴുതിയ കവിത പങ്കുവെച്ചുകൊണ്ടാണ് ബി​ഗ് ബി ഇന്ത്യൻ സൈന്യത്തിന് അഭിനന്ദനം അറിയിച്ചിരിക്കുന്നത്. 20 ദിവസത്തിലേറെയായി എക്സ് അക്കൗണ്ടിൽ ഒരു വാക്ക് പോലുമില്ലാത്ത പോസ്റ്റുകളായിരുന്നു അദ്ദേഹം പങ്കുവെച്ചിരുന്നത്. ഇത് ഫോളോവർമാരെ ആശയക്കുഴപ്പത്തിലാക്കിയിരുന്നു.

ഏപ്രിൽ 22-ന് നടന്ന, പഹൽഗാം ഭീകരാക്രമണമാണ് അദ്ദേഹം ആദ്യം വിവരിച്ചത്. തന്റെ ഭർത്താവിനെ ഒരു ഭീകരൻ തൊട്ടടുത്ത് നിന്ന് വെടിവെച്ച് കൊല്ലുന്നത് കണ്ട സ്ത്രീയുടെ കാഴ്ചപ്പാടിലൂടെയാണ് അദ്ദേഹം ഈ സംഭവത്തെക്കുറിച്ച് എഴുതിയത്. 'ജയ് ഹിന്ദ്' എന്നും 'ജയ് ഹിന്ദ് കി സേന' എന്നും എഴുതിയ ശേഷം, തന്റെ 'അഗ്നിപഥ്' എന്ന സിനിമയുടെ ഭാഗമായും ഉപയോഗിച്ചിട്ടുള്ള ഹരിവംശ് റായി ബച്ചന്റെ പ്രശസ്തമായ കവിതയും ചേർത്തു.

"അവധി ആഘോഷിക്കുന്നതിനിടയിൽ, ആ പിശാച് നിരപരാധിയായ ഒരു ഭാര്യാഭർത്താക്കന്മാരെ പുറത്തേക്ക് വലിച്ചിഴച്ചു. അയാൾ ഭർത്താവിനെ നഗ്നനാക്കി. അവനെ വെടിവെക്കാൻ തുടങ്ങിയപ്പോൾ, ഭാര്യ മുട്ടുകുത്തി വീണു കരഞ്ഞുകൊണ്ട് ആവർത്തിച്ച് യാചിച്ചു, "എന്റെ ഭർത്താവിനെ കൊല്ലരുത്."

എന്നാൽ ആ ഭീരുവായ പിശാച്, കടുത്ത ക്രൂരതയോടെ അവളുടെ ഭർത്താവിനെ വെടിവെച്ച് അവളെ വിധവയാക്കി. ഭാര്യ "എന്നെയും കൊല്ലൂ!" എന്ന് നിലവിളിച്ചപ്പോൾ, പിശാച് പറഞ്ഞു, "ഇല്ല! പോയി പ്രധാനമന്ത്രിയോട് പറയൂ."ആ നിമിഷം, ആ മകളുടെ മാനസികാവസ്ഥയെക്കുറിച്ച് ഓർത്തപ്പോൾ, ആദരണീയനായ ബാബുജിയുടെ കവിതയിലെ ഒരു വരി മനസ്സിൽ വന്നു: “ഞാൻ ചിതാഭസ്മം കൈകളിൽ വഹിക്കുന്നു, എന്നിട്ടും ലോകം എന്നോട് സിന്ദൂരം ചോദിക്കുന്നു — (ബാബുജിയുടെ ഒരു വരി) പിന്നെ, അവൾക്ക് സിന്ദൂരം നൽകി!!!

ഓപ്പറേഷൻ സിന്ദൂർ!!! ജയ് ഹിന്ദ്, ഇന്ത്യൻ സൈന്യത്തിന് ജയ് ഹിന്ദ്. നിങ്ങൾ ഒരിക്കലും നിൽക്കരുത്; നിങ്ങൾ ഒരിക്കലും പിന്തിരിയരുത്; നിങ്ങൾ ഒരിക്കലും തലകുനിക്കരുത്. പ്രതിജ്ഞ ചെയ്യുക, പ്രതിജ്ഞ ചെയ്യുക, പ്രതിജ്ഞ ചെയ്യുക! അഗ്നിപഥ്! അഗ്നിപഥ്! അഗ്നിപഥ്." അമിതാഭ് ബച്ചൻ കുറിച്ചു.

T 5375 - छुट्टियाँ मानते हुए, उस राक्षस ने, निर्दोष पति पत्नी को बाहर खींच कर, पति को नग्न कर, उसके धर्म की पूर्ति करने के बाद , उसे जब गोली मारने लगा, तो पत्नी ने, घुटने पे गिर कर, रो रो अनुरोध करने के बाद भी, की उसके पति को न मारो ; उसके पति को उस बुज़दिल राक्षस ने, बेहद…— Amitabh Bachchan (@SrBachchan) May 10, 2025