ഒരേ കുടുംബത്തിലെ മൂന്നുപേര്ക്ക് ഒരേ ദിവസം ഒരേ വേദിയില് മൂന്ന് പുരസ്കാരങ്ങള്; സന്തോഷവും നന്ദിയും അറിയിച്ച് ബിഗ് ബി
വീട്ടിലേക്ക് മൂന്ന് ഫിലിം ഫെയര് പുരസ്കാരങ്ങള് എത്തിയതിന്റെ സന്തോഷം പങ്കുവെച്ച് നടന് അമിതാഭ് ബച്ചന്. ഫിലിം ഫെയറിന്റെ 70 ാം വാര്ഷികത്തോടനുബന്ധിച്ച് അമിതാഭ് ബച്ചന്, ഭാര്യ ജയ ബച്ചന്, എന്നിവരെ ആദരിച്ചിരുന്നു. ഇതേ വേദിയില് വെച്ചാണ് മികച്ച നടനുളള പുരസ്കാരം അഭിഷേക് ബച്ചനും സ്വീകരിച്ചത്. പിന്തുണ നല്കിയ എല്ലാവര്ക്കും നന്ദിയും സ്നേഹവും അറിയിച്ചുകൊണ്ട് ബിഗ് ബി എക്സില് ഒരു പോസ്റ്റ് പങ്കുവെച്ചു. മൂന്ന് അവാര്ഡുകളും ഒരുമിച്ചുവെച്ചുകൊണ്ടുളള വീഡിയോ പങ്കുവെച്ചുകൊണ്ടായിരുന്നു ബച്ചന്റെ കുറിപ്പ്.
‘ഒരു കുടുംബം.. ഒരേ തൊഴില് മേഖലയില് മൂന്ന് അംഗങ്ങള്.. ഒരേ ദിവസം മൂന്ന് പുരസ്കാരങ്ങള്. ഫിലിംഫെയറിന്റെ 70 വര്ഷത്തെ ആഘോഷത്തില് ജയയ്ക്ക് ആദരം.. അഭിഷേകിന് 2025 ലെ മികച്ച നടനുളള പുരസ്കാരം..70ാം വാര്ഷികാഘോഷത്തിന്റെ ഭാഗമായി എനിക്കും. ജയയും അഭിഷേകും ഞാനും പൊതുജനങ്ങളോണ് അഗാധമായ നന്ദി രേഖപ്പെടുത്തുന്നു. ഒരുപാട് നന്ദി’ അമിതാഭ് ബച്ചന് കുറിച്ചു.
നിരവധിപ്പേരാണ് പോസ്റ്റിന് താഴെ ആശംസകളറിയിച്ചെത്തുന്നത്. എന്തൊരു അഭിമാനകരമായ നിമിഷം, ഒരു കുടുംബത്തിലെ മൂന്ന് കലാകാരന്മാരെ ഒരുമിച്ച് ആദരിക്കുന്നത് - ഇത് സംസ്കാരത്തിന്റെയും സമര്പ്പണത്തിന്റെയും പൈതൃകത്തിന്റെയും വിജയമാണ്. നിങ്ങള് മൂന്ന് പേരും ഓരോ ഇന്ത്യക്കാരനും അഭിമാനിക്കുന്ന ഒരു ചരിത്രം സൃഷ്ടിച്ചു. അമിതാഭ് സാറിനും ജയാ ജിക്കും അഭിഷേകിനും അഭിനന്ദനങ്ങള്.' എന്നായിരുന്നു ഒരാള് കുറിച്ചത്.
ചടങ്ങില് അഭിഷേക് തന്റെ പിതാവിനോടുളള ആദരസൂചകമായി ഒരു പ്രത്യേക നൃത്തം അവതരിപ്പിച്ചിരുന്നു. ബിഗ് ബിയുടെ ഏറ്റവും പ്രശസ്തമായ ചില ഗാനങ്ങള്ക്കാണ് അദ്ദേഹം നൃത്തം ചെയ്തത്. ആ പ്രകടനം ജയ ബച്ചനെ വികാരഭരിതയാക്കി. ഐ വാണ്ട് ടു ടോക്ക് എന്ന ചിത്രത്തിനാണ് അഭിഷേക് മികച്ച നടനുളള പുരസ്കാരം സ്വന്തമാക്കിയത്.
അതേസമയം ഡയാന പെന്റി, നിമ്രത് കൗര്, അഭിഷേക് ബാനര്ജി എന്നിവരോടൊപ്പം റിബു ദാസ് ഗുപ്തയുടെ സെക്ഷന് 84, പ്രഭാസും കമല് ഹാസനും അഭിനയിച്ച നാഗ് അശ്വിന്റെ 'കല്ക്കി 2898 എഡി'യുടെ തുടര്ച്ച എന്നിവയാണ് അമിതാഭ് ബച്ചന്റെ വരാനിരിക്കുന്ന പ്രോജക്ടുകള്, ഇതിന്റെ ചിത്രീകരണം ഡിസംബറില് ആരംഭിക്കും.
T 5530(i) - एक परिवार.. एक ही परिवार के तीन सदस्य .. तीनों का एक ही व्यवसाय .. और एक ही दिन तीन पुरस्कार 70 years of filmfare honouring Jaya .. Best actor of 2025 for Abhishek .. and yours truly for the 70 years celebration .. Jaya Abhishek aur man .. हमारा बहुत बड़ा… pic.twitter.com/b48vFcfJHK— Amitabh Bachchan (@SrBachchan) October 13, 2025
YOU MAY BE INTERESTED
LATEST NEWS
- ‘ഡബ്ബിങ് സ്റ്റുഡിയോയിൽ നിന്ന് ലാലേട്ടൻ 4 തവണ ഇറങ്ങി വന്നു; എല്ലാവരും കണ്ട് പഠിക്കേണ്ട ഒരു സ്വഭാവമാണ് അദ്ദേഹത്തിന്റേത്...’ ശാലു മേനോൻ
- ‘ അച്ഛനും അമ്മയും ചേട്ടനും എല്ലാവരും പോയി, ഞാന് മാത്രമാണ് എന്റെ കുടുംബത്തില് അവശേഷിക്കുന്നത്’; മോഹന്ലാല്
- താല്പ്പര്യം ഇല്ലാതെ ചെയ്ത ചിത്രം, വിജയ് യുടെ ആരാധകരെ കണ്ട് ഞെട്ടി; അരങ്ങേറ്റ ചിത്രത്തെക്കുറിച്ച് പ്രിയങ്ക ചോപ്ര
- ' പുലിവാല് കല്യാണത്തില് നായകന് ഞാനാണെങ്കിലും സലീമേട്ടന്റെ മണവാളനാണ് സ്കോര് ചെയ്തത് ' ; ജയസൂര്യ
- എന്തിനാണ് നീ ഇത് ചെയ്തത് , വിശ്വസിക്കാന് ആവുന്നില്ലല്ലോ അപ്പൂസേ... ; ഹരി മുരളിയുടെ വിയോഗത്തില് സീമ ജി നായര്
