ഷാര്പ്പ് ലുക്ക്, സ്റ്റണ്ണിംഗ് മേക്കപ്പ്, ക്ലാസി ഓര്ണമെന്റ്സ്; ബ്ലാക്ക് ഔട്ട്ഫിറ്റില് എലഗന്റ് ലുക്കില് നവ്യ നായര്; ബാലാമണിക്ക് സൗന്ദര്യം കൂടിയെന്ന് കാഴ്ച്ചക്കാര്
മലയാളികള്ക്ക് ഏറെയിഷ്ടമുള്ള നവ്യ നായര് ‘ഇഷ്ടം’ എന്ന സിനിമയിലൂടെയാണ് ബിഗ് സ്ക്രീനിലേക്ക് എത്തിയത്. ദിലീപിനൊപ്പം ആദ്യ സിനിമയില് നായികയായ ശേഷം ‘നന്ദനം’ എന്ന സിനിമയില് പൃഥ്വിരാജിനൊപ്പം ബാലാമണിയെന്ന കൃഷ്ണഭക്തയായി നവ്യ പ്രേക്ഷകര്ക്ക് ഏറെ പ്രിയങ്കരിയായി. സ്വാഭാവിക അഭിനയം കൊണ്ട് ശ്രദ്ധ നേടിയ നവ്യയ്ക്ക് മലയാളത്തിലും തമിഴിലുമടക്കം നിരവധി മികച്ച കഥാപാത്രങ്ങള് ലഭിച്ചു.
വിവാഹശേഷം സിനിമയില് നിന്ന് ഇടവേളയെടുത്ത നവ്യ മുംബൈയിലേക്ക് ചേക്കേറി. മകന് ജനിച്ച് കുറച്ചു നാളുകള്ക്ക് നവ്യ വീണ്ടും ലൈംലൈറ്റിലേക്ക് തിരിച്ചെത്തി. സോഷ്യല് മീഡിയയിലൂടെയും മറ്റും തന്റെ വിശേഷങ്ങളും ഫോട്ടോഷൂട്ടുകളും യാത്രാചിത്രങ്ങളുമടക്കം പങ്കിടാറുണ്ട്. രണ്ടുമൂന്നു സിനിമകളിലും അഭിനയിച്ച നവ്യ റിയാലിറ്റി ഷോ ജഡ്ജായും തിളങ്ങുന്നുണ്ട്. നൃത്ത വേദികളിലും സജീവമാണിപ്പോള് നവ്യ. താരത്തിന്റെ നൃത്തത്തിന്റെ വീഡിയോകള് സോഷ്യല് മീഡിയ കീഴടക്കാറുണ്ട്.
ഫാഷൻ സങ്കല്പ്പങ്ങളില് വ്യത്യസ്തമായ ലുക്ക് എപ്പോഴും പ്രയോഗിക്കുന്ന വ്യക്തി കൂടിയാണ് നവ്യ. സ്വന്തമായി ഒരു ഓണ്ലൈൻ സ്റ്റോർ കൂടിയുളളതു കൊണ്ട് അതിലൂടെ പുതിയ ഡ്രസ്സിംഗ് രീതികളും ഒക്കെ താരം ആരാധകരെ അറിയിക്കാറുണ്ട്. മാറിവരുന്ന ഫാഷൻ ട്രെൻഡുകള്ക്കൊപ്പവും സഞ്ചരിക്കുന്ന താരം കൂടിയാണ് നവ്യ.
ഇപ്പോഴിതാ നവ്യ പങ്കിട്ട ഏറ്റവും പുതിയ ചിത്രങ്ങളാണ് ശ്രദ്ധിക്കപ്പെടുന്നത്. ബ്ലാക്ക് ഔട്ട്ഫിറ്റില് എലഗന്റ് ലുക്കിലുള്ള ചിത്രങ്ങളാണ് താരം പങ്കുവച്ചിരിക്കുന്നത്. ‘‘ദിവസം ആസ്വദിക്കൂ...’’ എന്ന ക്യാപ്ഷനൊപ്പം മാജിക് ഇമോജിയും പങ്കിട്ടാണ് നവ്യയുടെ ചിത്രങ്ങള്. വലിയ മുത്തുമാലകളും ബ്ലാക്ക് ലോംഗ് സ്ലീവ് ടീ ഷര്ട്ടും ധരിച്ച് വളരെ സുന്ദരിയായിട്ടാണ് നവ്യ ചിത്രങ്ങളില്. ചാര്മിംഗ് ലുക്കിലുള്ള താരത്തിന്റെ ചിത്രങ്ങള് ഏറ്റെടുക്കുകയാണ് ആരാധകര്. ‘സുന്ദരിപ്പെണ്ണ്, സോ...നൈസ്, പ്രെറ്റി...’’ എന്നിങ്ങനെയുള്ള കമന്റുകളും ഫയര് ഇമോജിയുമൊക്കെ ആരാധകര് കമന്റുകളില് നല്കിയിട്ടുണ്ട്.
YOU MAY BE INTERESTED
LATEST NEWS
- താല്പ്പര്യം ഇല്ലാതെ ചെയ്ത ചിത്രം, വിജയ് യുടെ ആരാധകരെ കണ്ട് ഞെട്ടി; അരങ്ങേറ്റ ചിത്രത്തെക്കുറിച്ച് പ്രിയങ്ക ചോപ്ര
- ' പുലിവാല് കല്യാണത്തില് നായകന് ഞാനാണെങ്കിലും സലീമേട്ടന്റെ മണവാളനാണ് സ്കോര് ചെയ്തത് ' ; ജയസൂര്യ
- എന്തിനാണ് നീ ഇത് ചെയ്തത് , വിശ്വസിക്കാന് ആവുന്നില്ലല്ലോ അപ്പൂസേ... ; ഹരി മുരളിയുടെ വിയോഗത്തില് സീമ ജി നായര്
- എല്ലാം നോക്കുന്നത് ഭാര്യ, എന്റെ അക്കൗണ്ടില് എത്ര പണം ഉണ്ടെന്ന് പോലും എനിക്കറിയില്ല, എന്റെ ആവശ്യത്തിന് ഞാന് ആര്തിയോട് ചോദിച്ച് വാങ്ങുകയാണ് ചെയ്യാറുള്ളത് ;ശിവകാര്ത്തികേയന്
- ' ജീത്തു ജോസഫിന്റെ പടങ്ങളില് കാണുന്നില്ലല്ലോ' ; മറുപടിയുമായി കൂട്ടിക്കല് ജയചന്ദ്രന്
