രണ്‍ബീറിന്റെ മാറോട് ചേര്‍ന്ന് ആലിയ ഭട്ട്; രണ്‍ബീര്‍ എപ്പോഴും തന്റെ വീടെന്ന് കുറിച്ച് താരം ; മൂന്നാം വിവാഹവാര്‍ഷികത്തില്‍ പ്രണയചിത്രം പങ്കിട്ട് താരം

Alia Bhatt and Ranbir Kapoor (Image Source: Instagram)

ബോളിവുഡിന്റെ പ്രിയപ്പെട്ട താരദമ്പതിമാരാണ് രണ്‍ബീര്‍ കപൂറും ആലിയ ഭട്ടും. ഇവരുടെ ഓണ്‍സ്​ക്രീന്‍ കെമിസ്ട്രി ഏറെ ഇഷ്ടപ്പെട്ടിരുന്ന ആരാധകര്‍ക്ക് ഏറെ സന്തോഷം നല്‍കിയാണ് റിയല്‍ ലൈഫിലും ആലിയയും രണ്‍ബീറും ഒന്നിച്ചത്. റൊമാന്റിക് കപ്പിള്‍സായ ഇവരുടെ ജീവിതത്തിലേക്ക് റാഹ കപൂര്‍ എന്ന കണ്മണി കൂടി എത്തിയതോടെ കംപ്ലീറ്റ് ഫാമിലിയായി മാറി. ഇവരുടെ റൊമന്റിക് ചിത്രങ്ങള്‍ വളരെ പെട്ടെന്നാണ് ​​സോഷ്യല്‍ മീഡിയയിലൂടെ ആരാധകര്‍ ഏറ്റെടുക്കാറുള്ളത്.
ഇപ്പോഴിതാ തങ്ങളുടെ മൂന്നാമത് വെഡ്ഡിംഗ് ആനിവേഴ്സറി ആഘോഷിക്കുകയാണ് താരദമ്പതിമാര്‍. മൂന്നാം വിവാഹ വാർഷികത്തിൽ, ആലിയ തന്റെ ഇൻസ്റ്റാഗ്രാമിൽ രൺബീറിനെ ‘വീട്’ എന്ന് വിശേഷിപ്പിച്ചാണ് ആലിയ രണ്‍ബീറിനൊപ്പമുള്ള പ്രണയചിത്രം പങ്കുവച്ചത്. എന്ന് വിശേഷിപ്പിച്ചുകൊണ്ട് ഏറ്റവും മനോഹരമായ ഒരു ചിത്രം പോസ്റ്റ് ചെയ്തു. ഒരു ബീച്ചിൽ താനും രൺബീറും ആലിംഗനം ചെയ്യുന്ന ഒരു മനോഹരമായ ചിത്രമാണ് ആലിയ പോസ്റ്റ് ചെയ്തത്. ആലിയ രണ്‍ബീറിന്റെ ശരീരത്തിൽ ചാരി നിന്ന് ചേർത്തു പിടിച്ചിരിക്കുന്നപ്പോൾ രൺബീർ നേരിട്ട് ക്യാമറയിലേക്ക് നോക്കുന്നത് കാണാം. ‘‘വീട്, എപ്പോഴും....’’ എന്ന ക്യാപ്ഷ​നൊപ്പം ഹാപ്പി 3 എന്ന ഹാഷ് ടാഗും നല്‍കി ഹൃദയത്തിന്റെയും ആലിംഗനത്തിന്റെയും ഇമോജികളും പങ്കിട്ടു. എന്നും വളരെ സ്വകാര്യമായ പ്രണയചിത്രങ്ങള്‍ പങ്കിട്ടാണ് ആലിയ വിവാഹവാര്‍ഷികാശംസ കുറിക്കാറുള്ളത്. ഇത്തവണയും താരം ആ പതിവ് തെറ്റിച്ചില്ല. ഇതേ പോസ്റ്റ് തന്നെ രണ്‍ബീറും പങ്കുവച്ചിട്ടുണ്ട്.
ചിത്രത്തിന് താഴെ രണ്‍ബീറിന്റെ അമ്മ നീതു കപൂർ ഈവില്‍ ഐയും ഹാര്‍ട്ട് ഇമോജികളും കുറിച്ചു. ആലിയയുടെ അമ്മ സോണി റസ്ദാൻ ‘‘എന്നേക്കും മനോഹരമായ വാർഷികാശംസകൾ...’’ എന്ന് സ്പാർക്കിൾ ഹാർട്ട് ഇമോജികള്‍ എന്ന് കുറിച്ചു. ദമ്പതികൾക്ക് ആശംസകൾ നേർന്നുകൊണ്ട് നിരവധി ആരാധകർ ഹൃദയ ഇമോജികളോടെ കമന്റ് ചെയ്തിട്ടുണ്ട്.

View this post on Instagram

A post shared by Alia Bhatt 💛 (@aliaabhatt)

മെഹന്തി ചടങ്ങിൽ നിന്ന് ആലിയയുടെയും രൺബീറിന്റെയും ചിത്രം പങ്കിട്ടായിരുന്നു രൺബീറിന്റെ അമ്മ നീതു തന്റെ ഇൻസ്റ്റാഗ്രാം സ്റ്റോറികളിൽ പോസ്റ്റ് ചെയ്തത്. ‘‘ഹാപ്പി ആനിവേഴ്സറി, എന്റെ ക്യൂട്ടിനെസ്സസ്... നിങ്ങൾ രണ്ടുപേർക്കും എപ്പോഴും സന്തോഷം നേരുന്നു...’’ എന്ന് കുറിച്ചിരുന്നു. ആലിയയുടെ അമ്മ സോണി ദമ്പതികളുടെ വിവാഹ ഫോട്ടോയും തന്റെ ഇൻസ്റ്റാഗ്രാം സ്റ്റോറികളിൽ ഹാർട്ട് സ്റ്റിക്കറുകൾക്കൊപ്പം പോസ്റ്റ് ചെയ്തു. ‘‘ഹാപ്പി ആനിവേഴ്സറി, നിങ്ങൾ രണ്ട് പ്രിയപ്പെട്ടവരേ. നിങ്ങളുടെ പ്രണയം കൂടുതൽ ആഴത്തിൽ വളരട്ടെ...’’ എന്നും കുറിച്ചു.
2022 ഏപ്രിൽ 14 ന് മുംബൈയിലെ അവരുടെ വീട്ടിൽ നടന്ന മനോഹരമായ ചടങ്ങിലാണ് ആലിയ ഭട്ടും രൺബീർ കപൂറും വിവാഹിതരായത്. ആലിയയുടെയും രൺബീറിന്റെയും വിവാഹം വീട്ടിൽ വളരെ അടുപ്പമുള്ളവര്‍ മാത്രം പങ്കെടുത്ത ഒരു സ്വകാര്യ ചടങ്ങായിരുന്നു. ഐവറി നിറത്തിലുള്ള വസ്ത്രം ധരിച്ച് ചിത്രങ്ങൾ പോസ്റ്റ് ചെയ്തുകൊണ്ട് ആലിയയും രണ്‍ബീറും കുറിച്ചത്, ‘‘ഇന്ന്, ഞങ്ങളുടെ കുടുംബാംഗങ്ങളുടെയും സുഹൃത്തുക്കളുടെയും ചുറ്റും, വീട്ടിൽ ... ഞങ്ങളുടെ പ്രിയപ്പെട്ട സ്ഥലത്ത് - കഴിഞ്ഞ 5 വർഷമായി ഞങ്ങൾ ചെലവഴിച്ച ബാൽക്കണിയിൽ - ഞങ്ങൾ വിവാഹിതരായി...’’ എന്നായിരുന്നു.