നിന്റെ ആദ്യ കരച്ചിലും ചിരിയുമെല്ലാം ഇപ്പോഴും മനസിലുണ്ട്, എന്റെ ഹൃദയമിടിപ്പ് നിനക്കുവേണ്ടി; നിലയ്ക്ക് പിറന്നാള് ആശംസകളുമായി പേളി
ആരാധകര്ക്ക് ഏറെ പ്രിയങ്കരിയാണ് പേളി മാണി. ബിഗ് ബോസില് മത്സരിച്ചതോടെയായിരുന്നു പേളിയെ പ്രേക്ഷകര് അടുത്തറിഞ്ഞത്. ശ്രീനിയുമായുള്ള പ്രണയവും, വിവാഹവും മക്കളുടെ വരവുമെല്ലാം പ്രേക്ഷകര് ഏറ്റെടുത്തിരുന്നു. ഇപ്പോഴിതാ മകളായ നിലയ്ക്ക് പിറന്നാളാശംസ നേര്ന്നുള്ള പോസ്റ്റ് വൈറലായിക്കൊണ്ടിരിക്കുകയാണ്. ഒപ്പം മനോഹരമായൊരു വീഡിയോയും പേളി പങ്കുവെച്ചിരുന്നു.
ഈ ദിവസം എനിക്ക് എത്രത്തോളം പ്രധാനപ്പെട്ടതാണെന്ന് വിവരിക്കാന് വാക്കുകളില്ല. നിന്റെ ചിത്രങ്ങളും വീഡിയോകളുമായി എന്റെ ഫോണ് ഗാലറി നിറഞ്ഞിരിക്കുകയാണ്. സ്നേഹവും കടപ്പാടുമൊക്കെയായി ഹൃദയം വിങ്ങുകയാണ്. ആ നിമിഷങ്ങളെല്ലാം ഒന്നുകൂടി വന്നിരുന്നുവെങ്കില് എന്നാഗ്രഹിച്ച് പോവുന്നു.
ആദ്യമായി അവളെ കൈയ്യിലെടുത്തത് ഇന്നലെ പോലെയാണ് തോന്നുന്നത്. അവളുടെ ആദ്യ കരച്ചിലും ചിരിയുമെല്ലാം ഇപ്പോഴും മനസിലുണ്ട്. എന്റെ ലോകം തന്നെ നിറച്ചുള്ള പുഞ്ചിരിയാണ് അവള് തരാറുള്ളത്. അവളുടെ ആദ്യ സംസാരവും നടത്തവുമെല്ലാം ഞാനിപ്പോഴും ഓര്ത്തിരിക്കുന്നുണ്ട്. അവളുടെ ജീവിതത്തിലെ ഓരോ തുടക്കവും എനിക്ക് പ്രധാനപ്പെട്ട കാര്യമാണ്.
എന്നെ അമ്മയാക്കിയത് അവളാണ്. എന്നും നിന്നെ എന്റെ ലിറ്റില് ഗേളായി കാണാനാണ് ആഗ്രഹം. നല്ലൊരു മകളായി മാത്രമല്ല ദയയും സഹാനുഭൂതിയുമുള്ള മനുഷ്യനായി നീ വളരണം. നിതാരയെ നീ നോക്കുന്നതും പരിഗണിക്കുന്നതും കാണുമ്പോള് സമാധാനമാണ്. ഹാപ്പി ബര്ത്ത് ഡേ മൈ ലവ്, എന്റെ ഹൃദയമിടിപ്പ് തന്നെ നിനക്കുള്ളതാണെന്നുമായിരുന്നു പേളി കുറിച്ചത്. ശ്രീനിയും പോസ്റ്റിന് താഴെ ആശംസ അറിയിച്ചിരുന്നു.
നിലുവിന്റെ മനോഹരമായൊരു വീഡിയോയും പേളി പങ്കുവെച്ചിരുന്നു. ഹായ് നിലു മോളെ എന്ന് വിളിച്ച് സംസാരിക്കുന്ന സ്പൈഡര്മാനെയാണ് വീഡിയോയില് കാണുന്നത്. പിറന്നാളിന് കേക്ക് മുറിച്ചോ, ഇന്നലെ നിലു ബേബിയുടെ മമ്മയെ ഞാന് ബ്യൂട്ടി പാര്ലറില് കണ്ടിരുന്നു. നിലു എപ്പോഴും എന്റെ കാര്ട്ടൂണ് യൂട്യൂബില് കാണുന്നുണ്ടെന്ന് പറഞ്ഞു.
നിലു എന്റെ കഥ കേട്ട് ചോറ് കഴിക്കുന്ന വീഡിയോ കണ്ടു. അത് എനിക്ക് ഒരുപാടിഷ്ടമായി. നാല് തവണയാണ് ഞാന് ആ വീഡിയോ കണ്ടത്. നിലയുടെ സൂപ്പര് ഹീറോ പിറന്നാള് ആശംസ അറിയിച്ചപ്പോള് എന്നായിരുന്നു വീഡിയോയുടെ ക്യാപ്ഷന്. അച്ചോടാ എന്നായിരുന്നു അമല പോളിന്റെ കമന്റ്. ഒടുവില് സ്പൈഡര്മാന് പ്രതികരിച്ചു അല്ലേ എന്നായിരുന്നു റിനിറ്റയുടെ ചോദ്യം. ബന്ധുക്കളും സുഹൃത്തുക്കളും മാത്രമല്ല ആരാധകരും ചിത്രത്തിന് താഴെയായി സ്നേഹം അറിയിച്ച് എത്തിയിരുന്നു.
LATEST NEWS
- വട കഴിച്ചിട്ടുണ്ടോയെന്ന മര്യാദയില്ലാത്ത ചോദ്യം, ആസ്വദിച്ചുളള മറുപടി; മഞ്ജു പത്രോസ് ഉന്നം വെച്ചത് രേണു സുധിയെ ?
- ' ചേര്ത്തു നിര്ത്തുന്ന, മനസ്സിലാക്കുന്ന വളരെ കുറച്ച് പേര് മതി ഒരു മനുഷ്യന്റെ ജീവിത്തതില്' ; പിറന്നാള് ദിനത്തില് കുറിപ്പുമായി ലക്ഷ്മി പ്രിയ
- പാവപ്പെട്ട വീട്ടിലെ കുട്ടിയായതിനാലാണോ ഈ നിശബ്ദത? ഒരു മനുഷ്യന്റെ ജീവന് വില ഇത്രയാണോ?ആള്ക്കൂട്ട മര്ദ്ദനത്തില് 18 വയസ്സുകാരന് കൊല്ലപ്പെട്ട സംഭവത്തില് അനുമോള്
- പേപ്പട്ടികള് കുരയ്ക്കും കെട്ടിയിട്ടിടത്തു നിന്ന് കുരയ്ക്കും ; ഉമ്മയെ അടിച്ചു പുറത്താക്കി എന്ന അഖില് മാരാരുടെ ആരോപണത്തിനെതിരെ ഷിയാസ് കരീം
- ആരോ ലൈക്കിനും ഷെയറിനും വേണ്ടി പടച്ചു വിടുന്നത്; ബിജെപിയില് ചേരുന്നു എന്ന അഭ്യൂഹങ്ങളോട് പ്രതികരിച്ച് ബീന ആന്റണി
