-->
കാന്ബെറ: വംശനാശ ഭീഷണി നേരിടുന്ന വോംബാറ്റ് കുഞ്ഞിനെ അമ്മയില് നിന്ന് തട്ടിയെടുത്ത് ഓടുന്ന ദൃശ്യം സമൂഹമാധ്യമങ്ങളില് പോസ്റ്റ് ചെയ്തു വെട്ടിലായി അമേരിക്കന് ഇന്ഫ്ലുവന്സര് സാം ജോണ്സ്. ഓസ്ട്രേലിയയില് മാത്രം കണ്ടുവരുന്ന സസ്യഭുക്കായ ജീവിയായ വോംബാറ്റ് സംരക്ഷിത ജീവികളുടെ പട്ടികയിലുള്ളതാണ്.
വഴിയരികില് നിന്ന് കുഞ്ഞിനെ എടുത്തുകൊണ്ട് സാം ഓടുന്നതും പിന്നാലെ അമ്മ വോംബാറ്റ് ഓടുന്നതിനും ദൃശ്യങ്ങളില് കാണാം. ദൃശ്യങ്ങള് ചിത്രീകരിച്ച ശേഷം വോംബാറ്റ് കുഞ്ഞിനെ റോഡരികില് ഉപേക്ഷിക്കുകയും ചെയ്തു. വിഡിയോയ്ക്കെതിരെ കനത്ത പ്രതിഷേധമാണ് ഉണ്ടായത്. പ്രതിഷേധം ശക്തമായതോടെ വിഡിയോ നീക്കം ചെയ്ത് ശേഷം സാം ഓസ്ട്രേലിയ വിട്ടുവെന്നാണ് റിപ്പോര്ട്ട്.
അതേസമയം യുവതിയുടെ ടൂറിസ്റ്റ് വിസ പുനഃപരിശോധിക്കുകയാണെന്നും ഇമിഗ്രേഷന് നിയമം ലംഘിച്ചിട്ടുണ്ടോ എന്ന് പരിശോധിക്കുമെന്നും ഓസ്ട്രേലിയന് ആഭ്യന്തര മന്ത്രി ടോണി ബര്ക്ക് പറഞ്ഞു.
NEW: US influencer Sam Jones faces deportation after she was filmed taking a baby wombat from its distressed mother.Australia's Immigration Minister says he is working to deport the influencer for pulling off the stunt.“I can't wait for Australia to see the back of this… pic.twitter.com/bielwW9we6— Collin Rugg (@CollinRugg) March 13, 2025