എന്‍ഡിഎയുടെ വോട്ടില്‍ വലിയ മുന്നേറ്റം ; മഞ്ചേശ്വരത്തും നേമത്തും സിറ്റിംഗ്പാര്‍ട്ടികളുമായി നേരിയ വ്യത്യാസം മാത്രം

തിരുവനന്തപുരം: കേരളം 2026 ലെ നിയമസഭാ തിരഞ്ഞെടുപ്പിലേക്ക് അടുക്കുമ്പോള്‍, ബിജെപി നയിക്കുന്ന എന്‍ഡിഎ നിര്‍ണ്ണായകമായി മാറുമെന്ന് വിവിധ സര്‍വേകള്‍. കേരത്തിലെ അനേകം മണ്ഡലങ്ങളില്‍ എന്‍ഡിഎ സംസ്ഥാനവ്യാപകമായി വലിയ വോട്ടുഷെയര്‍ സ്വന്തമാക്കുമെന്നാണ് കേരളത്തിലെ വിവിധ മാധ്യമങ്ങള്‍ പുറത്തുവിട്ട സര്‍വേകള്‍ വ്യക്തമാക്കുന്നത്.

മുമ്പും ബിജെപിയോട് വലിയ ആഭിമുഖ്യം കാട്ടിയിട്ടുള്ള തിരുവനന്തപുരത്തെ നേമത്തും കാസര്‍ഗോട്ടെ മഞ്ചേശ്വരത്തും ഇത്തവണ ബിജെപിയുടെ പ്രകടനം നിര്‍ണ്ണായകമായിരിക്കുമെന്നും നിലവില്‍ സീറ്റ് നേടിയിട്ടുള്ള യുഡിഎഫ്, എല്‍ഡിഎഫ് മുന്നണികളുമായുള്ള വോട്ടുവ്യത്യാസം നേരിയതായിരിക്കുമെന്നുമാണ് സൂചനകള്‍. നിലവിലെ സാഹചര്യത്തില്‍ മഞ്ചേശ്വരത്ത് യുഡിഎഫുമായി 1.5 ശതമാനം വോട്ടുകളുടെ വ്യത്യാസവും നേമത്ത് 1.21 ശതമാനം വോട്ടിന്റെയും വ്യത്യാസം മാത്രമാണ് കാണിക്കുന്നത്. ഇത് മറികടക്കാനായാല്‍ വിജയം നേടാനാകും.

മഞ്ചേശ്വരത്ത് യുഡിഎഫിന് 40.5 ശതമാനവും ബിജെപിയ്ക്ക് 39% ശതമാനവുമായിരിക്കും. നേമത്ത് എല്‍ഡിഎഫിന് 41.02 ശതമാനവും ബിജെപിയ്ക്ക് 39.81 ശതമാനവുമാണ് വോട്ടുഷെയര്‍ കണക്കാക്കുന്നത്. എന്‍ഡിഎ വലിയ സ്വാധീനം ഉണ്ടാക്കിയിട്ടുള്ള ചില ഇടതുമണ്ഡലങ്ങളില്‍ ടോപ്-ടു-എതിരാളിയായി തന്നെ ബിജെപി മാറുന്നുണ്ട്. ഇവിടെയെല്ലാം നേരിയ വ്യത്യാസം മാത്രമാണ് വോട്ടുഷെയറിലുള്ളത്.

കേരളത്തില്‍ ഉടനീളം എന്‍ഡിഎ വോട്ടുഷെയറില്‍ വലിയ മൂന്നേറ്റമുണ്ടാക്കും. തെക്കന്‍ മേഖലയിലാണ് ശക്തമായ പ്രകടനം കാണിക്കുന്നത്. അവിടെ വോട്ടുഷെയര്‍ 18.01 ശതമാനമായി ഉയരുമെന്നാണ്. വടക്കന്‍ മേഖലയിലെ അവരുടെ 10.9 ശതമാനമായും കൂടാനുള്ള സാധ്യതയുണ്ട്. ഇത് ബിജെപിയുടെ സാധാരണ വോട്ടുവിഹിതത്തേക്കാള്‍ വളരെ കൂടുതലാണ്, മധ്യ കേരളത്തില്‍ 13.77 ശതമാനമാണ് വോട്ടുഷെയര്‍.

എന്‍ഡിഎയ്ക്ക് സംസ്ഥാനവ്യാപകമായി 14.17% വോട്ട് വിഹിതം ലഭിക്കുമെന്നും സര്‍വേ പ്രവചിക്കുന്നു. ഇത് എല്‍ഡിഎഫിനേക്കാള്‍ (43.55%), യുഡിഎഫിനേക്കാള്‍ (42.28%) പിന്നിലാണെങ്കിലും, ഡസന്‍ കണക്കിന് മണ്ഡലങ്ങളിലെ ബാലന്‍സ് മാറ്റാന്‍ കഴിവുള്ള വോട്ടര്‍മാരുടെ ഒരു 'നിര്‍ണ്ണായക കൂട്ടത്തെ' ഈ 11% പ്രതിനിധീകരിക്കുന്നുവെന്ന് വിശകലന വിദഗ്ധര്‍ ചൂണ്ടിക്കാട്ടുന്നു.