' ഈ യാത്ര സന്തോഷം നിറഞ്ഞ ഒരു റൈഡ് ആയിരുന്നു' ; വിവാഹവാര്ഷികദിനത്തില് കുറിപ്പുമായി ഖുശ്ബു
തെന്നിന്ത്യന് സിനിമയില് ഒരുകാലത്ത് തിളങ്ങി നിന്ന നടിയാണ് ഖുശ്ബു. നടനും സംവിധായകനും നിര്മ്മാതാവുമായ സുന്ദര് സി ആണ് നടിയുടെ ഭര്ത്താവ്. ഇന്ന് ഇരുവരും തങ്ങളുടെ 26-ാം വിവാഹവാര്ഷികം ആഘോഷിക്കുകയാണ്. സോഷ്യല് മീഡിയയില് ഹൃദ്യമായ ഒരു കുറിപ്പ് ഖുശ്ബു പങ്കുവെച്ചിട്ടുണ്ട്.
'ഭാര്യാഭര്ത്താക്കന്മാരായി 24 വര്ഷങ്ങള്. സുന്ദരാ, നമുക്ക് മൂന്ന് ചിയേഴ്സ്. ഈ യാത്ര സന്തോഷം നിറഞ്ഞ ഒരു റൈഡ് തന്നെയായിരുന്നു. നമ്മള് സ്നേഹത്തിന്റെ കൊടുമുടികളും ഇരുണ്ട കയങ്ങളും ഒരുപോലെ കണ്ടു. പക്ഷേ, നമ്മള് ഒരിക്കലും പരസ്പരം കൈവിട്ടില്ല. എന്തുതന്നെയായാലും ഞങ്ങള് പരസ്പരം ഉണ്ടെന്ന് ഞങ്ങള്ക്കറിയാമായിരുന്നു. നമ്മള് വഴക്കിട്ടു, നമ്മള് കരഞ്ഞു, നമ്മള് സഹിച്ചു, നമ്മള് സ്നേഹിച്ചു... നമ്മള് എന്നും പരസ്പരം താങ്ങായി നിന്നു. ഇനിയും അത് തുടരുക തന്നെ ചെയ്യും. നമ്മള് ഒരുമിച്ച് നെയ്തെടുത്ത ഈ സ്നേഹക്കൂടിനെ എന്നും കാത്തുസൂക്ഷിച്ചുകൊണ്ട്' , എന്നാണ് ഖുശ്ബു സോഷ്യല് മീഡിയയില് കുറിച്ചത്. സുന്ദര് സിയ്ക്ക് ഒപ്പമുളള മനോഹര ചിത്രങ്ങളും താരം കുറിപ്പിനൊപ്പം പങ്കുവച്ചിട്ടുണ്ട്.
1995ല് സുന്ദര് സി സംവിധാനം ചെയ്ത ' മുറൈ മാമന്' എന്ന സിനിമയുടെ സെറ്റില് വെച്ചാണ് ഇരുവരും പരിചയപ്പെടുന്നത്. 2000 മാര്ച്ച് 9 നായിരുന്നു ഇരുവരുടെയും വിവാഹം. അവന്തിക സുന്ദര്, അനന്ദിത സുന്ദര് എന്നിങ്ങനെ രണ്ട് മക്കളാണ് ഈ ദമ്പതികള്ക്കുളളത്.
YOU MAY BE INTERESTED
LATEST NEWS
- ‘ഡബ്ബിങ് സ്റ്റുഡിയോയിൽ നിന്ന് ലാലേട്ടൻ 4 തവണ ഇറങ്ങി വന്നു; എല്ലാവരും കണ്ട് പഠിക്കേണ്ട ഒരു സ്വഭാവമാണ് അദ്ദേഹത്തിന്റേത്...’ ശാലു മേനോൻ
- ‘ അച്ഛനും അമ്മയും ചേട്ടനും എല്ലാവരും പോയി, ഞാന് മാത്രമാണ് എന്റെ കുടുംബത്തില് അവശേഷിക്കുന്നത്’; മോഹന്ലാല്
- താല്പ്പര്യം ഇല്ലാതെ ചെയ്ത ചിത്രം, വിജയ് യുടെ ആരാധകരെ കണ്ട് ഞെട്ടി; അരങ്ങേറ്റ ചിത്രത്തെക്കുറിച്ച് പ്രിയങ്ക ചോപ്ര
- ' പുലിവാല് കല്യാണത്തില് നായകന് ഞാനാണെങ്കിലും സലീമേട്ടന്റെ മണവാളനാണ് സ്കോര് ചെയ്തത് ' ; ജയസൂര്യ
- എന്തിനാണ് നീ ഇത് ചെയ്തത് , വിശ്വസിക്കാന് ആവുന്നില്ലല്ലോ അപ്പൂസേ... ; ഹരി മുരളിയുടെ വിയോഗത്തില് സീമ ജി നായര്
