ഔദ്യോഗിക ഉറവിടങ്ങളില് നിന്ന് മാത്രം വിവരങ്ങള് നേടണം, ആളുകള് സുരക്ഷിത കേന്ദ്രങ്ങളില് തുടരാന് നിര്ദ്ദേശം: അടിയന്ത ദേശീയ മുന്നറിയിപ്പ് പുതുക്കി ഖത്തര്
ഖത്തര്: പരമോന്നത നേതാവ് ആയത്തുള്ള അലി ഖമനയി കൊല്ലപ്പെട്ടതിന് പിന്നാലെ ഇറാന് തിരിച്ചടി തുടങ്ങിയ സാഹചര്യത്തില് പൊതുജനങ്ങള്ക്കുള്ള അടിയന്തര ദേശീയ മുന്നറിയിപ്പ് പുതുക്കി ഖത്തര്. നിലവിലുള്ള സാഹചര്യത്തില് മാറ്റമുണ്ടാകുന്നതുവരെ ജനങ്ങള് വീടുകളിലോ സുരക്ഷിത കേന്ദ്രങ്ങളോ തുടരണമെന്നും അത്യാവശ്യ ഘട്ടങ്ങളിലല്ലാതെ പുറത്തേക്ക് പോകരുതെന്നും മുന്നറിയിപ്പില് പറയുന്നു.
ജനലുകളില് നിന്നും തുറന്ന സ്ഥലങ്ങളില് നിന്നും മാറിനില്ക്കണം. കൂടാതെ, അഭ്യൂഹങ്ങള് പ്രചരിപ്പിക്കുന്നത് ഒഴിവാക്കി ഔദ്യോഗിക ഉറവിടങ്ങളില് നിന്നുമാത്രം വിവരങ്ങള് നേടണമെന്ന് ആഭ്യന്തര മന്ത്രാലയം പൊതുജനങ്ങളോട് ആവശ്യപ്പെട്ടു. ലഭ്യമാകുന്ന പുതുക്കലുകള് സംബന്ധിച്ച് ബന്ധപ്പെട്ട അധികാരികള് അറിയിപ്പ് നല്കുമെന്നും വ്യക്തമാക്കി.
കഴിഞ്ഞ 35 വര്ഷമായി ഇറാന്റെ പരമോന്നത അധികാരത്തിലിരുന്ന ഖമനയി, പശ്ചിമേഷ്യയില് ഏറ്റവും കൂടുതല് കാലം ഭരണം നടത്തിയ നേതാക്കളില് ഒരാളാണ്. ഖമനയിയുടെ കൊലപാതകത്തിന് പ്രതികാരം ചെയ്യുമെന്ന് ഇറാന് വ്യക്തമാക്കിയ സാഹചര്യത്തിലാണ് ആശങ്കയേറുന്നത്. ഇറാന്റെ പരമാധികാരിയും സൈന്യത്തിന്റെ കമാന്ഡര് ഇന് ചീഫുമായിരുന്നു ഖമനയി. ഇറാന്റെ ചരിത്രത്തിലെ ഏറ്റവും കരുത്തനായ നേതാക്കളില് ഒരാളായി കണക്കാക്കപ്പെടുന്ന ഖമനയി വധിക്കപ്പെട്ട സംഭവം ലോകത്താകെയും പ്രത്യേകിച്ച് മിഡില് ഈസ്റ്റിലും ഉണ്ടാക്കാനിടയുള്ള പ്രത്യാഘാതങ്ങള് ചെറുതായിരിക്കില്ല.
YOU MAY BE INTERESTED
LATEST NEWS
- പിന്നോക്കക്കാരെ മത്സരിപ്പിക്കുന്നത് തോല്ക്കാന് വേണ്ടി ; ജയിക്കുന്ന മണ്ഡലം നല്കുന്നില്ലെന്ന് ശിവഗിരി മഠാധിപതി
- പാലക്കാട് റെയില്വേ പാതയിരട്ടിപ്പിക്കല് ; പ്രധാനമന്ത്രിക്കും റെയില്വേ മന്ത്രിക്കും നന്ദി പറഞ്ഞ് രാജീവ് ചന്ദ്രശേഖര്
- മഞ്ചേശ്വരത്ത് എല്ഡിഎഫ് സ്ഥാനാര്ത്ഥിയെ മാറ്റിയത് യുഡിഎഫിനെ സഹായിക്കാന്
- കൊലക്കേസില് ജാമ്യം നേടി പുറത്തുവന്നു ; ഗുണ്ടാനേതാവ് അലുവ അതുലിനെ വഴിയിലിട്ട് വെട്ടിക്കൊന്നു
- പ്രൊഫ. കെവി തോമസ് ചങ്ങനാശ്ശേരി അതിരൂപതാ മെത്രാപ്പോലീത്തയുമായി ചർച്ച നടത്തി
