ചവറ് വാര്ത്തകള് പങ്കുവെക്കും മുമ്പ് സൂക്ഷിക്കുക: ദിലീപിനെ നായകനാക്കി സര്വൈവര് ത്രില്ലര് ഒരുക്കുന്നുവെന്ന വാര്ത്തയില് പ്രതികരിച്ച് ചിദംബരം
മഞ്ഞുമ്മല് ബോയ്സ് എന്ന ചിത്രത്തിലൂടെ ഇന്ത്യയൊട്ടാകെ ശ്രദ്ധ നേടിയ സംവിധായകനാണ് ചിദംബരം. ഇപ്പോഴിതാ തന്റെ പേരില് പ്രചരിക്കുന്ന ഒരു വ്യാജവാര്ത്തയ്ക്കെതിരെ രംഗത്തെത്തിയിരിക്കുകയാണ് ചിദംബരം. തന്റെ അടുത്ത സിനിമയ്ക്കായി ചിദംബരം ദിലീപുമായി കൈകോര്ക്കുന്നുവെന്നായിരുന്നു വാര്ത്തകള്. എന്നാല് ഇത് വ്യാജവാര്ത്തയാണെന്ന് വ്യക്തമാക്കുകയാണ് ചിദംബരം. സോഷ്യല് മീഡിയയിലൂടെയാണ് സംവിധായകന്റെ പ്രതികരണം.
ദിലീപും മഞ്ഞുമ്മല് ബോയ്സ് സംവിധായകന് ചിദംബരവും ഒരു സിനിമയ്ക്കായി ഒരുമിക്കുന്നു. ഇതൊരു സര്വൈവര് ത്രില്ലര് ആയിരിക്കും എന്നുമായിരുന്നു വാര്ത്ത. ഈ വാര്ത്ത പങ്കുവെച്ചുകൊണ്ടാണ് വ്യാജവാര്ത്തയാണെന്ന് സംവിധായകന് അറിയതിച്ചത്.
''ചവറ് പോസ്റ്റ് ചെയ്യുന്നതിന് മുമ്പ് ദയവ് ചെയ്ത് വെരിഫൈ ചെയ്യുക. പിന്നെ, ഞാനൊരു സര്വൈവല് ത്രില്ലര് സ്പെഷ്യലിസ്റ്റല്ല'', ഇന്സ്റ്റഗ്രാം സ്റ്റോറിയില് ചിദംബരം കുറിച്ചു.
ജാന് ഏ മനിലൂടെയാണ് ചിദംബരം സംവിധാനത്തിലേക്ക് കടക്കുന്നത്. പിന്നാലെ വന്ന മഞ്ഞുമ്മല് ബോയ്സ് വലിയ വിജയമായി മാറി. തമിഴ്നാട്ടിലും ചിത്രം ഏറെ ശ്രദ്ധിക്കപ്പെട്ടു. ബാലന് ആണ് ചിദംബരത്തിന്റെ പുതിയ ചിത്രം. ആവേശം സിനിമയുടെ സംവിധായകന് ജിത്തു മാധവന് ആണ് സിനിമയുടെ രചന. ഒരു ദുരൂഹ സാഹചര്യത്തില് എന്ന സിനിമയില് അഭിനയിക്കുകയും ചെയ്യുന്നുണ്ട്.
YOU MAY BE INTERESTED
LATEST NEWS
- ക്രോസ് നെക്ക് വൈറ്റ് ഡ്രസ്സില് പേര്ളി; ട്വിന്നിംഗില് നിളയും നിതാരയും; റൊമാന്റിക്കായി പേര്ളിയെ ചേര്ത്തു പിടിച്ച് ശ്രീനിഷ്; ഫാമിലി ഫോട്ടോഷൂട്ട് ഇന് ക്രൂയിസ് ട്രെന്ഡിംഗ്
- ‘എനിക്ക് അത്രമേൽ ഇഷ്ടപ്പെട്ട ചില വസ്ത്രങ്ങള്...’ സല്വാറിലും സാരിയിലും അതിസുന്ദരിയായി സായ് പല്ലവി; മിനിമല് മേക്കപ്പില് നിറചിരിയോടെ താരം
- നടന് രണ്ദീപ് ഹൂഡയ്ക്കും ലിന് ലൈഷ്റാമിനും പെണ്കുഞ്ഞ് പിറന്നു; സന്തോഷവാര്ത്ത പങ്കുവെച്ച് താരങ്ങള്
- അവിശ്വസനീയമായി തോന്നി; വര്ഷങ്ങള്ക്ക് ശേഷം വീണ്ടും സ്റ്റേജില് കുച്ചിപ്പുടി അവതരിപ്പിച്ചതിന്റെ സന്തോഷം പങ്കുവെച്ച് ആര്ഷ ബൈജു
- മകള്ക്ക് പിറന്നാള് ആശംസിച്ച് മെഗാസ്റ്റാര് ചിരഞ്ജീവി
