മുട്ടില് മരംമുറി: പ്രതികള്ക്കു തിരിച്ചടി
കല്പ്പറ്റ: മുട്ടില് മരംമുറിക്കേസില് പ്രതികള്ക്ക് തിരിച്ചടി. മുട്ടില് സൗത്ത് വില്ലേജില് നിയമവിരുദ്ധമായി മുറിച്ചതിനത്തുടര്ന്ന് കസ്റ്റഡിയിലെടുത്ത ഈട്ടിത്തടികള് വനം വകുപ്പ് കണ്ടുകെട്ടിയതിനെതിരായ അപ്പീലുകള് വയനാട് അഡീഷണല് ജില്ലാക്കോടതി(ഒന്ന്) ജഡ്ജ് എ.വി. മൃദുല തള്ളി.
ഈട്ടിത്തടികള് കണ്ടുകെട്ടിയ നടപടി കോടതി ശരിവച്ചു. വാഴവറ്റ സൂര്യ ടിമ്പര് ഉടമ റോജി അഗസ്റ്റിനും മറ്റും സമര്പ്പിച്ച അപ്പീലുകളാണ് തള്ളിയത്.
2021ലെ ഈട്ടിക്കൊള്ളയുമായി ബന്ധപ്പെട്ടാണ് കോടതിയില്നിന്നും സുപ്രധാന തീരുമാനം വന്നിരിക്കുന്നത്. ഉപാധികളോടെ പട്ടയമുള്ള ഭൂമിയില്നിന്നും മുറിച്ചെടുത്ത മരങ്ങള് വനംവകുപ്പ് പിടികൂടിയിരുന്നു. ഈ മരങ്ങള് കണ്ടുകെട്ടിയതിനെ തുടര്ന്ന് ഈ നടപടി റദ്ദാക്കണമെന്ന് ആവശ്യപ്പെട്ട് പ്രതികള് കോടതിയെ സമീപിച്ചിരുന്നു. ഈ അപ്പീലാണ് ഇപ്പോള് കോടതി തള്ളിയിരിക്കുന്നത്.
സര്ക്കാരിലേക്ക് വന്ന് ചേരേണ്ട മരങ്ങളാണിതെന്നും അപ്പീല് നിലനില്ക്കില്ലെന്നുമാണ് കോടതിയുടെ നിരീക്ഷണം. മുട്ടില് സൗത്ത് വില്ലേജില് മുറിച്ചതില് 231 ക്യുബിക് മീറ്റര് ഈട്ടിയാണ് വനം വകുപ്പ് കസ്റ്റഡിയിലെടുത്ത് ഡിപ്പോയിലേക്ക് മാറ്റിയത്.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
