ആര്.ആര്.ടി.എസ്. മണ്ടന് പദ്ധതിയെന്ന് ഇ. ശ്രീധരന്
പൊന്നാനി: ബജറ്റില് പരാമര്ശിച്ച തിരുവനന്തപുരം-കാസര്ഗോഡ് അതിവേഗ റെയില്പാത (ആര്.ആര്.ടി.എസ്) സംസ്ഥാനസര്ക്കാരിന്റെ മണ്ടന് തീരുമാനമാണെന്നും തെരഞ്ഞെടുപ്പ് സ്റ്റണ്ടാണെന്നും 'മെട്രോമാന്' ഇ. ശ്രീധരന്. നഗരങ്ങളില്നിന്നു പ്രാന്തപ്രദേശങ്ങളിലേക്ക് ചെറുദൂരങ്ങളില് അനുയോജ്യമായ ആര്.ആര്.ടി.എസ്. അതിവേഗ സര്വീസിനു പര്യാപ്തമല്ലെന്നും സാങ്കേതികമായി നടപ്പാക്കാന് ബുദ്ധിമുട്ടാണെന്നും ശ്രീധരന് പറഞ്ഞു.
സില്വര് ലൈനിനു ബദലായി താന് നിര്ദേശിച്ച അതിവേഗ റെയില്വേ പദ്ധതിയുമായി മുന്നോട്ടുപോകും. വിശദപദ്ധതിരേഖ (ഡി.പി.ആര്) തയാറാക്കാനുള്ള ഓഫീസ് ഫെബ്രുവരി രണ്ടിന് പൊന്നാനിയില് തുറക്കും. കേന്ദ്രനിര്ദേശപ്രകാരമാണ് പ്രവര്ത്തനമാരംഭിച്ചത്. ഡി.പി.ആര്. തയാറാക്കിയാലും ഭൂമിയേറ്റെടുക്കലിന് ഉള്പ്പെടെ സംസ്ഥാനസര്ക്കാരിന്റെ പിന്തുണ വേണ്ടേയേന്ന ചോദ്യത്തിന്, അപ്പോള് ആരാണ് ഭരണത്തിലെന്നു പറയാനാവില്ലല്ലോയെന്ന മറുചോദ്യമായിരുന്നു മറുപടി.
ചെലവ് കുറഞ്ഞ പദ്ധതിയായാണ് കെ-റെയില് തുടങ്ങിയത്. അതിന്റെ പിഴവുകള് താന് തുടക്കത്തിലേ ചൂണ്ടിക്കാട്ടിയിരുന്നു. ഇപ്പോഴത്തെ അതിവേഗപാത കേന്ദ്രപദ്ധതിയാണെന്നതാണ് സംസ്ഥാനസര്ക്കാരിന്റെ പ്രശ്നം. കെ-റെയില് പദ്ധതി ഇല്ലാതാക്കിയത് താനാണെന്ന മുഖ്യമന്ത്രിയുടെ ആരോപണം ദുരുദ്ദേശ്യപരമാണെന്നും ശ്രീധരന് പറഞ്ഞു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
