കെ.എം. മാണിയുടെ രാഷ്ട്രീയം കാരുണ്യത്തിന്റെ സന്ദേശം: തോമസ് ചാഴികാടന്
കോട്ടയം: കെ.എം. മാണി വളര്ത്തിയെടുത്ത രാഷ്ട്രീയം സമൂഹത്തിനു നല്കിയതു കാരുണ്യത്തിന്റെയും ജനസേവനത്തിന്റെയും സന്ദേശമായിരുന്നെന്നു കേരള കോണ്ഗ്രസ് (എം) വൈസ് ചെയര്മാന് തോമസ് ചാഴികാടന്.
അഞ്ചു പതിറ്റാണ്ടിലേറെ കേരള രാഷ്ട്രീയത്തില് നിറഞ്ഞുനിന്ന കെ.എം. മാണി, അധ്വാനവര്ഗത്തിന്റെയും കര്ഷകരുടെയും നാവായാണ് നിയമസഭയ്ക്ക് അകത്തും പുറത്തും രാഷ്ട്രീയ പ്രവര്ത്തനം നടത്തിയത്. അദ്ദേഹത്തിന്റെ ഓരോ ബജറ്റും അധ്വാനിക്കുന്നവന്റെ ഹൃദയത്തുടിപ്പുകള് അറിയുന്നവയായിരുന്നു. കര്ഷകത്തൊഴിലാളി പെന്ഷന് മുതല് കര്ഷക പെന്ഷന് വരെ അദ്ദേഹത്തിന്റെ ഇച്ഛാശക്തിയുടെ പ്രതീകമായിരുന്നു. കാരുണ്യ ബെനവലന്റ് പദ്ധതിയും അതിനായി കാരുണ്യ ലോട്ടറി ഏര്പ്പെടുത്തിയതും കാരുണ്യത്തിന്റെ കരസ്പര്ശമായിരുന്നെന്നും കെ.എം. മാണിയുടെ 93 ാം ജന്മദിനത്തോടനുബന്ധിച്ചു നടന്ന കാരുണ്യദിനാചരണത്തിന്റെ ഉദ്ഘാടനം നിര്വഹിച്ചുകൊണ്ട് ചാഴികാടന് പറഞ്ഞു.
ജോജി കുറത്തിയാടന് അധ്യക്ഷത വഹിച്ചു. വിജി എം. തോമസ്, രാജു ആലപ്പാട്ട്, ഐസക് പ്ലാപ്പള്ളില്, പി.കെ. ആനന്ദക്കുട്ടന്, കിങ്സ്റ്റണ് രാജ, രൂപേഷ് പെരുംമ്പള്ളിപറമ്പില്, ബാബു മണിമലപ്പറമ്പന്, ജേക്കബ് ജോര്ജ്, ടോണി കുമരകം എന്നിവര് പ്രസംഗിച്ചു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
