യുക്രൈന് യുദ്ധകാലത്ത് കഷ്ടപ്പെട്ട് നാട്ടിലെത്തി, പഠനം തുടരാനായി തിരികെപോയി; മലയാളി മെഡിക്കല് വിദ്യാര്ഥി ഉസ്ബെക്കിസ്ഥാനില് കുഴഞ്ഞുവീണ് മരിച്ചു
ആലപ്പുഴ: യുൈക്രന് യുദ്ധകാലത്ത് കഷ്ടപ്പെട്ട് നാട്ടിലെത്തിയ ശേഷം പഠനം തുടരാനായി ഉസ്ബെക്കിസ്ഥാനിലേക്കു പോയ മലയാളി വിദ്യാര്ഥി താഷ്കന്റില് കുഴഞ്ഞുവീണ് മരിച്ചു. കഞ്ഞിക്കുഴി പഞ്ചായത്ത് 11-ാം വാര്ഡ് കാവുങ്കല് അറാശിപറമ്പില് കെ.എന്. പ്രസന്ന ബാബുവിന്റെ മകന് അശ്വിന് ബാബുവാണ് (25) മരിച്ചത്.
ഉസ്ബെക്കിസ്ഥാനിലെ താഷ്കന്റ് സ്റ്റേറ്റ് മെഡിക്കല് യൂണിവേഴ്സിറ്റിയിലെ അവസാന വര്ഷ എം.ബി.ബി.എസ്. വിദ്യാര്ഥിയായിരുന്നു.
സുഹൃത്തിനോട് ഫോണില് സംസാരിച്ചുകൊണ്ടിരിക്കെ അശ്വിന് കുഴഞ്ഞുവീഴുകയായിരുന്നു. വീഴ്ചയില് തലയ്ക്ക് പരുക്കേറ്റു. സഹപാഠികള് പ്രഥമ ശുശ്രൂഷ നല്കി ആശുപത്രിയില് എത്തിച്ചെങ്കിലും രക്ഷിക്കാനായില്ല. യുൈക്രനിലെ സപ്പോറീഷ്യ സ്റ്റേറ്റ് മെഡിക്കല് യൂണിവേഴ്സിറ്റിയില് രണ്ടാം വര്ഷ വിദ്യാര്ഥിയായിരിക്കെയാണ് 2022 ല് യുദ്ധം പൊട്ടിപ്പുറപ്പെട്ടത്. അന്ന് വലിയ പ്രയാസങ്ങള് സഹിച്ചാണ് അശ്വിന് നാട്ടിലെത്തിയത്. ഈ വാര്ത്ത അന്ന് മാധ്യമങ്ങളില് വലിയ ശ്രദ്ധ നേടിയിരുന്നു.
പിതാവ് പ്രസന്ന ബാബു(റിട്ട്. സബ് എന്ജിനീയര്, കെ.എസ്.ഇ.ബി). മാതാവ്: ബിന്ദു (റിട്ട. ഹെഡ് നഴ്സ്,ആലപ്പുഴ ജനറല് ആശുപത്രി). സഹോദരി: അശ്വതി ബാബു (യു.കെ.യില് നിയമ ഉപരിപഠന വിദ്യാര്ഥി). നടപടികള് പൂര്ത്തിയാക്കി മൃതദേഹം ഇന്ന് വൈകിട്ടോടെ നാട്ടിലെത്തിക്കും. സംസ്കാരം പിന്നീട്.
YOU MAY BE INTERESTED
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- നസ്രാണികള് ഒന്നിച്ചുനില്ക്കേണ്ടത് കാലഘട്ടത്തിന്റെ ആവശ്യം: കാതോലിക്കാ ബാവ
