പടയപ്പയും ആനക്കൂട്ടവും ജനവാസമേഖലയില്
മൂന്നാര്: ജനവാസ മേഖലയില് ഭീതിപരത്തി പടയപ്പയും കാട്ടാനക്കൂട്ടവും. കഴിഞ്ഞ ദിവസം ഉച്ചയോടെയാണു ദേശീയപാതയില് സിഗ്നല് പോയിന്റിനു സമീപം ആനയിറങ്ങിയത്. പടയപ്പയോടൊപ്പം മൂന്ന് ആനകളാണ് ഉണ്ടായിരുന്നത്. മദപ്പാടിലായതോടെ പടയപ്പ ആനക്കൂട്ടത്തോടൊപ്പമാണുള്ളത്. ആനകള് ഏറെ നേരം മേഖലയില് നിലയുറപ്പിച്ചത് പ്രദേശത്തു ഭീതിപരത്തി. എന്നാല്, ഇവ ആക്രമണത്തിനു മുതിര്ന്നില്ല. കഴിഞ്ഞ 16 ന് ഇതേ സ്ഥലത്ത് ഇറങ്ങിയ പടയപ്പ വാഹനങ്ങള് തടഞ്ഞിരുന്നു. വനംവകുപ്പിന്റെ ആര്.ആര്.ടി. സംഘം ആനയെ കാട്ടിലേക്കു തുരത്തി. ഇവിടെനിന്നു പിന്വാങ്ങിയ പടയപ്പയും ആനക്കൂട്ടവും 18 നു ചൊക്കനാട് ഭാഗത്തിറങ്ങി. 19 ന് ഉച്ചയോടെയാണു വീണ്ടും സിഗ്നല് പോയിന്റിനു സമീപത്തെത്തിയത്. മദപ്പാടിലായ പടയപ്പയെ ആര്.ആര്.ടി. നിരീക്ഷിക്കുന്നുണ്ട്. ആനയെ ഒരു രീതിയിലും പ്രകോപിപ്പിക്കരുതെന്നു വനംവകുപ്പ് മുന്നറിയിപ്പു നല്കിയിരുന്നു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
