പദ്മശ്രീ, ഓസ്‌കാര്‍, ഒബാമയ്‌ക്കൊപ്പം ഡിന്നര്‍ അങ്ങനെ എല്ലാം സംഭവിച്ചത് ആ ഒരു വര്‍ഷമാണ്; പോസ്റ്റുമായി പ്രിയങ്ക ചോപ്ര

photo-www.instagram.com/priyankachopra/

പത്ത് വര്‍ഷം മുന്‍പ്, അതായത് 2016 ല്‍ എന്തൊക്കെയാണ് ജീവിതത്തില്‍ സംഭവിച്ചത് എന്ന കാര്യങ്ങളാണ് ഇപ്പോള്‍ ഇന്‍സ്റ്റഗ്രാമില്‍ ട്രെന്റിങ് ആകുന്നത്. തന്നെ സംബന്ധിച്ച് എല്ലാം നേടിയ വര്‍ഷമാണ് അതെന്ന് പ്രിയങ്ക ചോപ്ര പറയുന്നു

രാഷ്ട്രപതി പ്രണബ് മുഖര്‍ജിയില്‍ നിന്ന് പദ്മശ്രീ പുരസ്‌കാരം ലഭിച്ച വര്‍ഷമാണ് പ്രിയങ്ക ചോപ്രയെ സംബന്ധിച്ച് 2016.അതേവര്‍ഷം തന്നെയാണ് പ്രിയങ്ക ചോപ്ര യൂണിസെഫിന്റെ (UNICEF) ഗ്ലോബല്‍ ഗുഡ് വില്‍ അംബാസിഡര്‍ ആയത്. 2006 മുതല്‍ നടി ഇത്തരം പ്രവര്‍ത്തനങ്ങളുടെ ഭാഗമായിരുന്നുവെങ്കിലും ആഗോളതലത്തില്‍ അത്തരമൊരു അംഗത്വം ലഭിച്ചത് 2016 ലായിരുന്നു.

ഇന്ന് ഹോളിവുഡില്‍ അറിയപ്പെടുന്ന നായികയാണ് പ്രിയങ്ക ചോപ്ര. എന്നാല്‍ ആദ്യമായി ഒരു അമേരിക്കന്‍ മാഗസിന്‍ കവര്‍ ഗേളായി പ്രിയങ്ക ചോപ്ര വന്നത് 2016 ലാണ്.ലോകത്തിലെ ഏറ്റവും പ്രശസ്തരായവരില്‍ ഒരാള്‍, സാക്ഷാല്‍ ബാരക് ഒബാമയ്ക്കൊപ്പം ഒരു ഡിന്നര്‍ കഴിച്ചതും, വൈറ്റ് ഹൗസ് സന്ദര്‍ശിച്ചതും അതേ വര്‍ഷമായിരുന്നു.

View this post on Instagram

A post shared by Priyanka (@priyankachopra)

ഓസ്‌കാര്‍ ചടങ്ങ് നടക്കുന്ന വേദിയില്‍ എത്തപ്പെടുക എന്നത് തന്നെ വലിയ അഭിമാനമാണ്. പില്‍ക്കാലത്ത് പ്രിയങ്ക ചോപ്ര ഓസ്‌കാര്‍ നോമിനേഷനില്‍ വന്നിട്ടുണ്ട് എങ്കിലും, ആദ്യമായി ആ ചടങ്ങിന്റെ ഭാഗമായത് 2016 ല്‍ ആണ്. 88 ആമത് ഓസ്‌കാര്‍ വേദിയില്‍ മികച്ച ഫില്‍ എഡിറ്ററെ പ്രഖ്യാപിക്കാനാണ് പ്രിയങ്ക ചോപ്ര വേദിയില്‍ എത്തിയക്. ചുരുക്കം ചില ഇന്ത്യക്കാര്‍ക്ക് മാത്രം ലഭിച്ച ഭാഗ്യമാണത്.

അമ്മൂമ്മയുടെ മരണം, പെറ്റ് ഡോഗിനെ ആദ്യമായി ദത്ത് എടുത്തത്, ജമ്മി ഫലോണ്‍ ഷോയില്‍ പങ്കെടുത്തത്, ബില്‍ബോര്‍ഡ് മ്യൂസിക് അവാര്‍ഡ് ഷോയില്‍ പങ്കെടുത്തത്, ടൈംസിന്റെ 100 മ്യൂസ്റ്റ് ഇന്‍ഫ്ളുവന്‍ഷ്യല്‍ ആളുകളില്‍ ഒരാളായത്.. അങ്ങനെ അങ്ങനെ 2016 പ്രിയങ്ക ചോപ്രയ്ക്ക് ഏറ്റവും പ്രധാനപ്പെട്ട വര്‍ഷമായിരുന്നു.