രണ്ടാം വിവാഹവാര്‍ഷികം പ്രിയപ്പെട്ടവര്‍ക്കൊപ്പം ആഘോഷമാക്കി ലെന ; വീഡിയോ

photo-www.instagram.com/lenaasmagazine/

രണ്ടാം വിവാഹവാര്‍ഷികം ആഘോഷമാക്കി നടി ലെന. അമ്മ ഉണ്ടാക്കിയ കേക്ക് മുറിച്ചുകൊണ്ടായിരുന്നു ലെനയുടെയും പ്രശാന്തിന്റെയും ആഘോഷം. ഓറഞ്ച് ഡാര്‍ക്ക് ചോക്ലേറ്റ് കേക്കാണ് അമ്മ മകള്‍ക്കും മരുമകനും വേണ്ടി തയാറാക്കിയത്. പ്രിയപ്പെട്ടവര്‍ക്കൊപ്പം ലെനയും പ്രശാന്തും കേക്ക് മുറിച്ച് പരസ്പരം മധുരം പങ്കുവെക്കുന്ന വീഡിയോ നടി ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്.

View this post on Instagram

A post shared by Lenaa Kumar (@theautobiographyofgod)

2024 ജനുരി 17 നായിരുന്നു ലെനയുടെയും ഗഗന്‍യാനിന്റെ ഗ്രൂപ് ക്യാപ്റ്റനായ പ്രശാന്ത് ബാലകൃഷ്ണന്റെയും വിവാഹം. ഇരു വീട്ടുകാരുടെയും സാന്നിധ്യത്തില്‍ നടന്ന, ലളിതവും സ്വകാര്യവുമായ ചടങ്ങായിരുന്നു വിവാഹം. വിവാഹം കഴിഞ്ഞ്, ഒരു മാസത്തിന് ശേഷം പ്രശാന്ത് ബാലകൃഷ്ണന്‍ ഇന്ത്യന്‍ എയര്‍ഫോഴ്സ് പൈറ്റര്‍ പൈലറ്റ് ആയ പ്രശാന്തിന് പ്രധാനമന്ത്രി ആദ്യത്തെ ഇന്ത്യന്‍ ബഹിരാകാശ യാത്രിക വിംഗുകള്‍ നല്‍കിയ സന്തോഷത്തിനൊപ്പമാണ്, അത് തന്റെ ഭര്‍ത്താവാണ് എന്ന് ലെന വെളിപ്പെടുത്തിയത്.

നേരത്ത വിവാഹിതയായിരുന്നു ലെന. എന്നാല്‍ ആ ബന്ധം മുന്നോട്ടു കൊണ്ടുപോകാന്‍ സാധിക്കില്ല എന്ന് തിരിച്ചറിഞ്ഞ്, പരസ്പരം സംസാരിച്ച് സൗഹൃദത്തോടെ തന്നെ വേര്‍പിരിയുകയായിരുന്നു. അതിന് ശേഷം പതിനാല് വര്‍ഷത്തോളം ലെന ഒറ്റയ്ക്ക് തന്നെയായിരുന്നു. ഇനിയൊരു വിവാഹമേ വേണ്ട എന്ന നിലപാടിലായിരുന്നു ലെന. എന്നാല്‍ കാലം അത് തിരുത്തി. ഓട്ടോ ബയോഗ്രഫി ഓഫ് ഗോഡ് എന്ന ചിത്രം നിമിത്തമാണ് പ്രശാന്ത് ബാലകൃഷ്ണനുമായി ലെന അടുക്കുന്നത്.

പൊതുവെ സിനിമകള്‍ അങ്ങനെ കാണാത്ത പ്രശാന്തിന് ലെന ഒരു അഭിനേത്രി ആണ് എന്നത് അറിയില്ലായിരുന്നു. ലെനയുടെ വൈറലായ ഒരു അഭിമുഖം കണ്ടതിന് ശേഷമാണ് പ്രശാന്ത് പുസ്തകം വായിക്കുന്നതും, അത് എഴുതിയ എഴുത്തുകാരിയെ തപ്പി വിളിക്കുന്നതും. ആ സൗഹൃദം ഇരുവര്‍ക്കുമിടയില്‍ നല്ലൊരു ബോണ്ടിങ് ഉണ്ടാക്കി. അത് വിവാഹത്തിലേക്ക് എത്തുകയായിരുന്നു. ബെംഗലൂരുവിലെ മല്ലേശ്വരം ക്ഷേത്രത്തില്‍ വച്ചായിരുന്നു വിവാഹം.

വിവാഹത്തിന് ശേഷം പത്ത് മാസം കരിയറില്‍ നിന്ന് ബ്രേക്ക് എടുത്ത ലെന ഇപ്പോള്‍ വലതു വശത്തെ കള്ളന്‍ എന്ന ചിത്രത്തിലൂടെ തിരിച്ചെത്തുകയാണ്.