ബസില് ലൈംഗികാതിക്രമമെന്ന് ആരോപണം: വീഡിയോ പ്രചരിച്ചതിനു പിന്നാലെ യുവാവ് ജീവനൊടുക്കി
കോഴിക്കോട്: ബസില് ലൈംഗികാതിക്രമം നടത്തിയെന്ന ആരോപണത്തിനു പിന്നാലെ യുവാവ് ജീവനൊടുക്കി. കോഴിക്കോട് ഗോവിന്ദപുരം സ്വദേശി ദീപക്(41) ആണ് മരിച്ചത്. ബസ് യാത്രയ്ക്കിടെ ദീപക് ശരീരത്തില് സ്പര്ശിച്ചുവെന്ന് ഇന്സ്റ്റഗ്രാം അക്കൗണ്ടിലൂടെ യുവതി ആരോപണം ഉന്നയിച്ചിരുന്നു. ബസില്നിന്ന് പകര്ത്തിയ വീഡിയോ ദൃശ്യങ്ങളും അവര് പുറത്തുവിട്ടു. വീഡിയോ സമൂഹമാധ്യമങ്ങളില് പ്രചരിച്ചതിനു പിന്നാലെയാണ് ദീപക് ജീവനൊടുക്കിയത്.
സംഭവത്തില് അസ്വാഭാവിക മരണത്തിന് കോഴിക്കോട് മെഡിക്കല് കോളജ് പോലീസ് കേസെടുത്തു.
വസ്തുതാവിരുദ്ധമായ പ്രചാരണമാണ് യുവതി സാമൂഹികമാധ്യമത്തില് നടത്തിയതെന്നും വീഡിയോ വ്യാപകമായി പ്രചരിച്ചതോടെ ദീപക് കടുത്ത മാനസിക സംഘര്ഷത്തിലായിരുന്നുവെന്നും ബന്ധുക്കളും സുഹൃത്തുക്കളും ആരോപിക്കുന്നു. ഇന്നലെ പുലര്ച്ചെയാണ് ദീപക്കിനെ വീട്ടില് മരിച്ചനിലയില് കണ്ടെത്തിയത്.
വസ്ത്രവ്യാപാരിയായിരുന്ന ദീപക് കോഴിക്കോട് നിന്ന് കണ്ണൂരിലേക്ക് പോകുന്നതിനിടെയാണ് സംഭവം. തിരക്കേറിയ ബസിനകത്ത് ദുരുദ്ദേശത്തോടെ ദേഹത്ത് സ്പര്ശിച്ചുവെന്നാണ് യുവതിയുടെ ആരോപണം. വീഡിയോ അതിവേഗത്തില് 20 ലക്ഷത്തിലേറെ പേര് കാണുകയും നിരവധിപേര് പങ്കുവയ്ക്കുകയും ചെയ്തിരുന്നു. ദീപക് അത്തരത്തില് മോശം പ്രവൃത്തികളില് ഏര്പ്പെടുന്നയാളല്ലെന്നും യുവതിക്കെതിരേ നടപടിയെടുക്കണമെന്ന് സി.ഐ.യോട് ആവശ്യപ്പെട്ടിരുന്നെങ്കിലും ചെവിക്കൊണ്ടില്ലെന്നും നാട്ടുകാര് പറയുന്നു.
LATEST NEWS
തന്ത്രിയുടെ ജാമ്യം റദ്ദാക്കണം വിചാരണക്കോടതി ഉത്തരവിലെ ഭാഗങ്ങള് നീക്കണം: എസ്.ഐ.ടി. അപ്പീല് നല്കി
- ശബരിമലയിലെ മലക്കംമറിച്ചില് വോട്ടിനുവേണ്ടി: വേണുഗോപാല്
- 27 സീറ്റില് മത്സരിക്കും മുസ്ലിം ലീഗ് ഉപമുഖ്യമന്ത്രി പദം ആവശ്യപ്പെടില്ല: കുഞ്ഞാലിക്കുട്ടി
- പത്മകുമാറിനെ പുറത്താക്കല്; പത്മവ്യൂഹത്തില് സി.പി.എം.
- കെ.എസ്.യു. പ്രവര്ത്തകര് ജയില്മോചിതരായി
- ശബരിമല കൊടിമര പുനഃപ്രതിഷ്ഠയില് അഴിമതി കണ്ടെത്തിയില്ലെന്നു വിജിലന്സ്
